قازاقستان • 02 جەلتوقسان، 2020

قازاقستاندا مۇمكىندىگى شەكتەۋلى جانداردى تاسىمالداۋ راسىمدەرى جەڭىلدەتىلدى

271 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا مۇگەدەك ادامداردى الەۋمەتتىك قورعاۋ ماسەلەسىن قاراۋ بارىسىندا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ مۇمكىندىگى شەكتەۋلى ادامدار ءۇشىن قولجەتىمدى ورتانى قامتاماسىز ەتۋ تۋرالى بايانداما جاسادى.

«ينفراقۇرىلىمدىق جانە الەۋمەتتىك وبەكتىلەر ازاماتتارعا تەڭدەي قولجەتىمدى بولۋى ءۇشىن شارالار قابىلداپ جاتىرمىز. “كەدەرگىسىز ورتا” قالىپتاستىرۋ ءۇشىن قر يدم ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ، ينفراقۇرىلىمدىق دامۋ بويىنشا جول كارتاسىن بەكىتىپ، ىسكە اسىرا باستادى»، — دەدى ب. اتامقۇلوۆ.

ب. اتامقۇلوۆتىڭ ايتۋىنشا، قازىرگى ۋاقىتتا بەكىتىلگەن 18 ءىس-شارانىڭ 12-ءسى ىسكە اسىرىلدى، ولاردىڭ 6-ى تۇراقتى نەگىزدە جۇزەگە اسىرىلادى — بۇل ءتۇسىندىرۋ جۇمىستارى، مونيتورينگ جانە باقىلاۋ. «كەدەرگىسىز ورتانى» ەنگىزۋ بويىنشا جۇمىستار قۇرىلىس، ازاماتتىق اۆياتسيا، تەمىرجول كولىگى جانە اۆتوموبيل كولىگى سالالارىندا، تۇرعىن ءۇي جانە قوعامدىق عيماراتتاردا، وقۋ جانە مەديتسينالىق مەكەمەلەردە جۇرگىزىلەدى.

ۆەدومستۆو باسشىسىنىڭ ايتۋىنشا، ساۋلەت، قالا قۇرىلىسى جانە قۇرىلىس قىزمەتى سالاسىندا زاڭناماعا تۇزەتۋلەر ەنگىزىلدى. قازىرگى نورماتيۆتىك بازا مۇگەدەكتىگى بار جاندارعا قولايلى ورتا قۇرۋعا قاجەتتى بارلىق تالاپتى قامتيدى. اتاپ ايتقاندا، ەلدى مەكەندەر قۇرىلىسىنا، ونىڭ ىشىندە: كولىك تۇراعىنا، جۇرگىنشىلەر جولدارىنا، پاندۋستار مەن باسپالداقتاردى قوسا العاندا عيماراتتارعا كىرەتىن ەسىكتەرگە، ليفتىلەرگە جانە جالپى پايدالانۋ ورىندارىنا قويىلاتىن تالاپتار بەلگىلەنگەن. سالىنىپ جاتقان بارلىق جاڭا تۇرعىن ۇيلەر مەن وبەكتىلەر سول تالاپتارعا ساي بولۋى ءتيىس. ب. اتامقۇلوۆ جوبالاۋ مەن قۇرىلىستىڭ بارلىق كەزەڭىندە ستاندارتتار ساقتالۋى ءتيىس ەكەنىن اتاپ ءوتتى.  ەسكى وبەكتىلەر قولجەتىمدى ورتا تالاپتارىنا سايكەستەندىرىلەدى.  قازىر جەرگىلىكتى اتقارۋشى ورگاندار الەۋمەتتىك ينفراقۇرىلىم وەكتىلەرىن پاسپورتتاۋدى جۇرگىزىپ جاتىر. ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتى بويىنشا 34 279 وبەكتىنى پاسپورتتاۋ جۇرگىزىلدى.

«مونيتورينگ ناتيجەسى 24 939 وبەكت (97،9%) قولجەتىمدى ورتاعا بەيىمدەلگەنىن كورسەتتى. وڭىرلەر اراسىندا ەڭ تومەن كورسەتكىش شىعىس قازاقستان وبلىسىندا (85،7%)، الماتى قالاسىندا (96،5%) جانە ماڭعىستاۋ وبلىسىندا (97،3%) بايقالادى»، — دەدى قر يدم ءمينيسترى.

زاڭنامالىق تالاپتاردى تىكەلەي ىسكە اسىرۋدى جانە ولاردىڭ ساقتالۋىن باقىلاۋدى جەرگىلىكتى اتقارۋشى ورگاندار وزدەرىنە ءتيىستى اۋماقتا ىسكە اسىرادى. وسىعان بايلانىستى اكىمدىكتەر كەدەرگىسىز ورتانى قامتاماسىز ەتۋ جونىندەگى تالاپتاردىڭ ساقتالۋىنا باقىلاۋدى كۇشەيتۋى قاجەت. ازاماتتىق اۆياتسيا سالاسىنا كەلەتىن بولساق، مۇندا مۇمكىندىگى شەكتەۋلى جولاۋشىلارعا قىزمەت كورسەتۋ ءۇشىن قولايلى جاعدايلار جاسالۋدا. قازاقستاننىڭ اۆياتسيالىق اكىمشىلىگى مۇمكىندىگى شەكتەۋلى جولاۋشىلاردى تاسىمالداۋ ستاندارتتارىنىڭ ساقتالۋىن ۇزدىكسىز قاداعالايدى. يندۋستريا جانە ينفراقۇرىلىمدىق دامۋ مينيسترلىگىنىڭ اقپاراتىنا سايكەس، قازاقستاندا مۇگەدەك ادامداردى تاسىمالداۋ راسىمدەرى جەڭىلدەتىلدى. ماسەلەن، ۇشۋ كەزىندە ءوز دەنساۋلىعى ءۇشىن جاۋاپكەرشىلىكتى وزىنە الۋ جانە ۇشۋ كەزىندە مۇگەدەكتىگى بار ادامداردى مىندەتتى تۇردە الىپ ءجۇرۋ تۋرالى قولحات بەرۋ جونىندەگى تالاپتار جويىلدى. سونداي-اق مۇمكىندىگى شەكتەۋلى ازاماتتارعا ۇشۋ كەزىندە قاجەتتى ءدارى-دارمەكتەر مەن باسقا زاتتاردى قول جۇگىمەن تاسىمالداۋعا رۇقسات ەتىلەدى. مۇنداي جۇمىس تەمىر جول تاسىمالدارى سالاسىندا دا ىسكە اسىرىلۋدا. ب. اتامقۇلوۆتىڭ بايانداۋىنشا، 2022 جىلدىڭ سوڭىنا دەيىن ارنايى ۆاگونداردىڭ جەتىسپەۋشىلىگى پروبلەماسىن تولىق شەشۋ جوسپارلانعان. ۆەدومستۆو الدىندا مۇگەدەك جانداردى تاسىمالداۋعا ارنالعان مامانداندىرىلعان ۆاگون كۋپەلەر سانىن 98-دەن 122-گە دەيىن جەتكىزۋ مىندەتى تۇر. 

«بۇگىندە بارلىق پويىزداردا مۇگەدەكتەر اربالارى بار جانە ءجۇرىپ-تۇرۋى شەكتەۋلى ادامداردى وتىرعىزۋ جانە ءتۇسىرۋ كەزىندە كومەك كورسەتىلەدى. پويىز بريگادالارىنىڭ بارلىق قىزمەتكەرلەرى ارنايى وقىتىلدى جانە ءجۇرىپ-تۇرۋى شەكتەۋلى جانە مەنتالدى اۋىتقۋى بار جاندارعا كومەك كورسەتۋدە تاجىريبەلەرى بار»، — دەدى مينيستر. 

سونىمەن قاتار جولاۋشىلار پويىزدارىنا بيلەتتەردى جەڭىلدىكپەن ساتىپ الۋعا بار جاعداي جاسالعان. بيىل ماۋسىم ايىنان باستاپ bilet.railways.kz سايتىندا مۇمكىندىگى شەكتەۋلى ادامدار ءۇشىن جەڭىلدىكتى بيلەتتەردى ونلاين راسىمدەۋ جاڭا قىزمەتى ەنگىزىلدى. سول ارقىلى بيلەتتەردى ۇيدەن شىقپاي-اق ساتىپ الۋعا بولادى. الەۋمەتتىك ماڭىزى بار باعىتتاردا بارلىق توپتاعى مۇگەدەكتەر ءۇشىن 50%، ال «تۇلپار-تالگو» كوممەرتسيالىق پويىزدارىندا (مۇگەدەكتەر ورىندارىنا) بيلەت قۇنىنان 70% جەڭىلدىك بەرىلەدى. سونداي-اق بيلەتتەردى ساتۋ جۇيەسىن ەڭبەك جانە حالىقتى الەۋمەتتىك قورعاۋ مينيسترلىگىنىڭ مۇمكىندىگى شەكتەۋلى ادامداردىڭ دەرەكقورىمەن ينتەگراتسيالاۋ جۇمىسى جۇرگىزىلۋدە. مينيستر رەسپۋبليكانىڭ تەمىرجول ۆوكزالدارىنىڭ بەلگىلەنگەن تالاپتارىنا سايكەستىگى تۋرالى دا ايتتى. ونىڭ بەرگەن مالىمەتىنە سايكەس، قازىر بارلىق 99 ۆوكزال مۇگەدەكتەرگە قىزمەت كورسەتۋ تالاپتارىنا تولىق سايكەس كەلەدى. جەرگىلىكتى اتقارۋشى ورگاندارعا (الماتى قالاسى، شىمكەنت قالاسى، تۇركىستان جانە پاۆلودار وبلىسى اكىمدىكتەرىنىڭ) قاراستى 7 تەمىرجول ۆوكزالى بەلگىلەنگەن تالاپتارعا سايكەس كەلمەيدى. بيىل «قازاقستان تەمىر جولى» اق باسپالداقتارمەن قوزعالۋعا ارنالعان يندۋكتسيالىق پانەلدەر مەن كوتەرگىش قۇرىلعىلار ورناتتى. ۆوكزالداردى جاڭعىرتۋعا شامامەن 800 ملن تەڭگە قاراجات قاراستىرۋ قاجەت. وسىعان بايلانىستى اكىمدىكتەر قارجىلاندىرۋ كوزدەرى مەن تەتىكتەرىن انىقتاۋ جۇمىسىن كۇشەيتۋى ءتيىس. سونداي-اق، قازاقستاننىڭ اۆتوۆوكزالدارى مەن اۆتوستانتسيالارىندا دا سايكەستىك مونيتورينگى جۇرگىزىلدى. ەلىمىزدە بارلىعى 33 اۆتوۆوكزال مەن 114 اۆتوستانتسيا جۇمىس ىستەيدى.

«جەرگىلىكتى اتقارۋشى ورگانداردىڭ اقپاراتى بويىنشا، 32 اۆتوۆوكزال جانە 98 اۆتوستانتسيا مۇمكىندىگى شەكتەۋلى جاندارعا ارنالعان قولجەتىمدىلىك تالاپتارىنا ساي. قالالىق باعىتتاردا قىزمەت كورسەتەتىن 10 623 اۆتوبۋستىڭ تەك 30% پروتسەنتى قاجەتتى تالاپتارعا ساي كەلەدى»، — دەپ تولىقتىردى ب. اتامقۇلوۆ.

بيىل وڭىرلەر 23،7 ملرد تەڭگەگە ءوز ەلىمىزدە شىعارىلعان 585 اۆتوبۋس ساتىپ الدى. بارلىق جاڭا اۆتوبۋستار قولجەتىمدىلك تالاپتارىنا ساي كەلەدى.  سونىمەن قاتار اقىسىز ينۆاتاكسي قىزمەتتەرىن كورسەتۋ ءتارتىبى تۋرالى حابارلاندى. ماسەلەن، زاڭ جۇزىندە اربامەن جۇرەتىن مۇگەدەكتەردى تاسىمالداۋ ءۇشىن ءاربىر 30 تاكسيگە ءبىر تاكسيدىڭ جانە مۇمكىندىگى شەكتەۋلى ادامداردىڭ كولىك قۇرالدارىنا ارنالعان تۇراقتا 10% ورىننىڭ بولۋى بەكىتىلگەن. وڭىرلەردە قازىرگى تاڭدا 119 ينۆاتاكسي قىزمەتى جۇمىس ىستەيدى. ولاردىڭ اۆتوپاركى 375 كولىكتەن تۇرادى.  جالپى، مينيسترلىك تاراپىنان مۇگەدەكتەردىڭ قۇقىقتارى تۋرالى كونۆەنتسيانىڭ نەگىزگى قاعيداتتارىنا سايكەس زاڭنامالىق دەڭگەيدە شارالار قابىلداندى.

«يمپورتتى الماستىرۋ اياسىندا “تىنىس” اق كاسىپورنى ەلەكتر جانە مەحانيكالىق جەتەگى بار وتاندىق مۇگەدەكتەر ارباسىن شىعارۋدى جولعا قويدى.ء وندىرىستىڭ جىلدىق كولەمى 5 مىڭ اربا. ياعني، 2025 جىلعا قاراي 25 مىڭ اربا شىعارىپ، ىشكى نارىقتىڭ قاجەتتىلىگىن تولىق وتەي الادى. ەڭبەك جانە حالىقتى الەۋمەتتىك قورعاۋ مينيسترلىگىمەن ەلەكتر جەتەگى بار 1 381 اربا جەتكىزۋ تۋرالى كەلىسىمشارتقا قول قويىلدى. جالپى سوماسى 1،2 ملرد تەڭگە»، — دەدى مينيستر.

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار