كەشە ەلباسى نۇرسۇلتان نازارباەۆ «قازاق ەلى» مونۋمەنتى الاڭىندا «ەكو تاكسي» قالالىق تاكسي پاركى ينۆەستيتسيالىق جوباسىنىڭ نەگىزگى قىرلارىمەن تانىستى.
كەشە ەلباسى نۇرسۇلتان نازارباەۆ «قازاق ەلى» مونۋمەنتى الاڭىندا «ەكو تاكسي» قالالىق تاكسي پاركى ينۆەستيتسيالىق جوباسىنىڭ نەگىزگى قىرلارىمەن تانىستى.
اتالعان جوبا مەملەكەتتىك-جەكەمەنشىك ارىپتەستىك قاعيداسىمەن جۇزەگە اسىرىلۋدا. ونىڭ ماقساتى استانا قالاسىندا ەكولوگيالىق وتىنمەن جۇرەتىن ءىرى اۆتوكولىك تاكسوپاركىن قۇرۋ جانە قالادا تاكسوموتورلى تاسىمالدار مەن جولاۋشىلار قاۋىپسىزدىگىن قامتاماسىز ەتۋ سالاسىندا حالىققا قىزمەت كورسەتۋدىڭ وركەنيەتتى ءتۇرىن ەنگىزۋ بولىپ تابىلادى. استانا قالاسى اكىمدىگىنىڭ كومەگىمەن «AllurGroup» كومپانياسى جۇزەگە اسىرىپ وتىرعان جوبانىڭ ءبىرىنشى كەزەڭى مەملەكەت-جەكەمەنشىك سەرىكتەستىك نەگىزىندە 100 اۆتوكولىكتى پايدالانۋعا بەرۋدەن باستالادى, ولاردىڭ سانىن 2017 جىلعا قاراي 500-گە دەيىن ۇلعايتۋ جوسپارلانۋدا. العاشقى كەزەڭدە بۇل جوباعا تارتىلاتىن ينۆەستيتسيا 450 ميلليون تەڭگەنى قۇراماق.
مەملەكەت باسشىسى «ەكو تاكسي» جوباسىن ىسكە اسىرۋ ەكسپو-2017 حالىقارالىق كورمەسىن وتكىزۋگە قالا ينفراقۇرىلىمىن دايارلاۋ جونىندەگى العاشقى قادامداردىڭ ءبىرى بولىپ سانالاتىنىن اتاپ كورسەتتى. جوبامەن تانىسۋ بارىسىندا مەملەكەت باسشىسى وزىنە ۇسىنىلعان ءاۆتوموبيلدىڭ بىرىمەن ءجۇرىپ ءوتىپ, «ەكو تاكسي» تاكسي پاركىنىڭ العاشقى جولاۋشىسى بولدى.
«استانا ەكو تاكسيىنىڭ» ءبۇكىل اۆتوكولىك پاركى پروپان-بۋتان (SNG) قوسپاسى نەگىزىندەگى سۇيىتىلعان گازبەن جۇمىس ىستەيتىن بولادى. بۇل قالاداعى ەكولوگيالىق احۋالدى جاقسارتىپ قانا قويمايدى, سونىمەن بىرگە, جانار مايدىڭ تومەن باعاسى ەسەبىنەن تاكسوپارك قىزمەتىنىڭ قۇنىن ارزانداتۋعا دا مۇمكىندىك بەرەدى. قازىرگى ۋاقىتتا قالامىزدا 18 گاز قۇيۋ ستانساسى جۇمىس ىستەيدى. «استانا ەكو تاكسي» جوباسى ەكسپو-2017 حالىقارالىق مامانداندىرىلعان كورمەسىن وتكىزۋگە قالانىڭ ينفراقۇرى لىمىن دايىنداۋ بويىنشا قالا اكىمدىگىنىڭ جۇزەگە اسىرۋعا ءتيىس ءۇش باعدارلاماسىنىڭ ءبىرىنشى ءىس-شاراسى بولىپ تابىلادى.
جىلقىباي جاعىپار ۇلى,
«ەگەمەن قازاقستان».
