Clarivate Analytics كومپانياسى قازاقستان رەسپۋبليكاسىندا 2011 جىلدان بەرى جۇمىس ىستەپ كەلەدى. قازىرگى ۋاقىتتا Clarivate Analytics كومپانياسىنا تيەسىلى Web of Science كونە حالىقارالىق عىلىمي-مەتريكالىق جۇيەسىنىڭ زەرتتەۋ ناتيجەلەرى بويىنشا كورنەكتى قازاقستاندىق عالىمدار مەن عىلىمي ۇيىمدار وزدەرىنە لايىقتى ماراپاتتارعا يە بولدى.
2020 جىلى ساتباەۆ ۋنيۆەرسيتەتى جوعارى ءبىلىم مەن عىلىمي زەرتتەۋلەردىڭ دامۋىنا قوسقان ۇلەسى ءۇشىن «Web of Science Core Collection-ءدىڭ قازاقستان رەسپۋبليكاسىنىڭ تەحنيكالىق ۋنيۆەرسيتەتتەرى اراسىندا Q1 جانە Q2 كۆارتيلدى جۋرنالداردا سوڭعى 3 جىلداعى باسىلىمدار سانى بويىنشا كوشباسشى» نوميناتسياسى بويىنشا تاۋەلسىز «عىلىم ۇزدىگى – Web of Science Award» سىيلىعىن قاتارىنان ءۇشىنشى رەت جەڭىپ الدى.
ساتباەۆ ۋنيۆەرسيتەتىنىڭ رەكتورى يسكاندەر بەيسەمبەتوۆ Clarivate Analytics كومپانياسىنا ۋنيۆەرسيتەت قىزمەتىن جوعارى باعالاعانى ءۇشىن زور العىس ءبىلدىرىپ, كومپانيانىڭ عىلىمي ولشەمدەردى جۇيەلەۋ جونىندەگى جۇمىسىنىڭ ماڭىزدىلىعىن, مۇنىڭ ناتيجەسى وسى ماراپاتتاۋ ءراسىمى ارقىلى, جاس عالىمداردىڭ جۇمىستارى ارقىلى دا عىلىم مەن ەلىمىزدىڭ دامۋىنا تۇتاستاي اسەر ەتەتىنىن اتاپ ءوتتى.
اتالمىش ءىس-شاراعا قازاقستان رەسپۋبليكاسى ءبىلىم جانە عىلىم مينيسترلىگىنىڭ باسشىلىعى, قازاقستاننىڭ عىلىم, ءبىلىم بەرۋ, ساياسي جانە ەكونوميكالىق سالاسىنىڭ وكىلدەرى قاتىستى. ولاردىڭ اراسىندا قازاقستان رەسپۋبليكاسى ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ, تمد ەلدەرىنەن كەلگەن بەدەلدى شەتەلدىك ساراپشىلاردىڭ وكىلدەرى, سونداي-اق Clarivate Analytics كومپانياسىنىڭ رەسەيدەگى باسقارۋشى ديرەكتورى ولەگ ۋتكين بار.
