ەلباسى • 01 جەلتوقسان، 2020

ەل استاناسىنىڭ تۇركىستانعا كوشۋى مۇمكىن بە؟

129 رەت كورسەتىلدى

ەلباسى نۇرسۇلتان نازارباەۆ "Qazaqstan" تەلەارناسىنا بەرگەن سۇحباتىندا الەۋمەتتىك جەلىلەردە ءجيى كەزدەسەتىن ەل استاناسى تۇركىستانعا كوشۋى مۇمكىن دەگەن قاۋەسەتكە قاتىستى جاۋابىن ايتتى، دەپ حابارلايدى Egemen.kz

"ونداي اڭگىمەلەردىڭ نەگىزى جوق. بىراق ايتۋدىڭ ءجونى بار عوي. تۇركىستان اسىرەسە سول جاقتا تۇراتىن، تۇركىستاننىڭ جاعدايىن بىلەتىن ادامدار سولاي دەپ ويلايتىن شىعار. تاريحى تەرەڭ، ارينە. قوجا احمەت ياسساۋي وسىندا كەلىپ، مۇسىلماندىقتى ۋاعىزداعان. بۇل تۇركى دۇنيەسىنىڭ مۇسىلمان بولۋىنا ىقپال ەتتى. سوندىقتان ولار سىيلايدى، جاقسى كورەدى. اسىرەسە تۇركيادان بارلىعى كەلگىسى كەلەدى، كورگىسى كەلەدى. سولاي بولعاننان كەيىن، ەل استاناسى بولسا دەگەن ويلار بار شىعار. بىراق قازىرگى استانامىزدى ءارى قاراي ۇلعايتامىز. 200 مىڭداي حالقى بار بۇرىنعى اقمولا 1 ملن 200 مىڭ حالقى بار شاھار بولدى. نۇر-سۇلتان دەگەن ات بولدى. مەن ءوزىم مۇنى ۇسىنعام جوق، بىراق قارسى دا بولعانىم جوق. سەبەبى، استانانىڭ ءاربىر تاسى مەنىڭ نۇسقاۋىممەن، ءاربىر عيمارات مەنىڭ قاتىسۋىممەن سالىندى. سوندىقتان ءوزىمىزدىڭ نۇر-سۇلتان قالاسىن دامىتامىز"، دەپ جاۋاپ بەردى ەلباسى.

"تۇركىستان: كونە مەن كەلەشەك كوپىرى" دەرەكتى ءفيلمى ن.نازارباەۆتىڭ "قازاقستان" رەسپۋبليكالىق تەلەراديوكورپوراتسياسىنىڭ باسقارما ءتورايىمى، جۋرناليست ءلاززات تانىسبايعا بەرگەن سۇحباتى نەگىزىندە ازىرلەندى.

ايتا كەتەيىك، دەرەكتى تۋىندى "Qazaqstan" تەلەرناسىنان بۇگىن 20:00-دە ەفيرگە شىقتى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار