قازاقستان حالقى اسسامبلەياسى قازاقستان حالقىن ەلىمىزدىڭ ايتۋلى مەرەكەسى – قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتايدى.
اسسامبلەيا بۇل كۇندى قازاقستان حالقىمەن بىرگە ەلدىگىمىزگە دەگەن زور ماقتانىش سەزىمىمەن, ەلباسى, قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆقا دەگەن ىستىق ىقىلاسىمەن قارسى الادى.
قازاقستان حالقى اسسامبلەياسى قازاقستان حالقىن ەلىمىزدىڭ ايتۋلى مەرەكەسى – قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتايدى.
اسسامبلەيا بۇل كۇندى قازاقستان حالقىمەن بىرگە ەلدىگىمىزگە دەگەن زور ماقتانىش سەزىمىمەن, ەلباسى, قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆقا دەگەن ىستىق ىقىلاسىمەن قارسى الادى.
تاريحي تۇرعىدان العاندا قىسقا مەرزىم ىشىندە جۇرەگى ەلىم دەپ سوققان جانە سەزىمىن ناقتى ىسىمەن دالەلدەي بىلگەن نۇرسۇلتان ءابىش ۇلى قاستەرلى وتانىمىز – قازاق ەلى اتىن الەمگە پاش ەتىپ, تاۋەلسىزدىكتىڭ قازىعىن بەرىك قالاپ, ماڭگىلىك ەلگە جەتكىزەر ىسكە باستادى.
ەلباسىنىڭ كەمەڭگەر, ساليقالى ساياساتى بەيبىتشىلىك پەن كەلىسىمگە, مادەنيەتتەر مەن ءوركەنيەتتەردىڭ جاقىنداسۋىنا جول اشىپ, قازاقستان حالقىن بىرىكتىردى, قازاقستاننىڭ ءححى عاسىرداعى جەتىستىگىنىڭ باستى نەگىزى رەتىندە ەلدىڭ تۇتاستىعىن, اۋىزبىرشىلىگىن قالىپتاستىردى. نۇرسۇلتان نازارباەۆتىڭ ۇلگىسى قازاقستاننىڭ بارشا الەمگە تانىمال برەندىنە, دۇنيەجۇزى مويىنداعان باستى بايلىعىنا اينالدى.
تۇڭعىش پرەزيدەنت – تاۋەلسىزدىگىمىزدىڭ شىنايى سيمۆولى, قازاقستان ەگەمەندىگىنىڭ, مەملەكەتتىك بيلىك پەن كونستيتۋتسيانىڭ, ادام جانە ازاماتتاردىڭ قۇقىقتارى مەن بوستاندىعىنىڭ كەپىلى.
قازاقستاننىڭ تۇڭعىش پرەزيدەنتى – ەلىمىزدەگى ۇلتتىق بىرلىكتىڭ, بەيبىتشىلىك پەن كەلىسىمنىڭ العىشارتى.
قادىرلى وتانداستار! بارشاڭىزدى شىن جۇرەكتەن وسى مەرەكەمەن قۇتتىقتايمىز! ءسىزدەرگە دەنساۋلىق, باقىت, وتانىمىز – قازاقستان رەسپۋبليكاسىنىڭ ءوسىپ وركەندەۋى, گۇلدەنۋى جولىندا قاجىماس قايرات تىلەيمىز.
ەلىمىز تىنىش, جۇرتىمىز امان, تاۋەلسىزدىگىمىز ءماڭگىلىك بولسىن.
قازاقستان حالقى اسسامبلەياسى.
