«قازاقستان رەسپۋبليكاسىنىڭ پرەزيدەنتى 2020 جىلدى ۆولونتەرلەر جىلى دەپ جاريالادى. وسىعان وراي «جاس سارباز» ەلوردالىق قوزعالىسى «استانا جاستارى» كمم, جاستار ساياساتى ماسەلەلەرى جونىندەگى باسقارمانىڭ, قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعىنىڭ قولداۋىمەن 21 اقپاندا «Jas sarbaz – meiirimdilik biriktiredi» جوباسىن ىسكە قوستى. وقۋشىلار ءۇشىن اسكەري-قولدانبالى سپورت تۇرلەرىندە, شىعارماشىلىق, سپورتتىق جارىستاردا, اسكەري-پاتريوتتىق جاتتىعۋ جيىندارىندا, ەرلىك ساباقتارىندا جۇزگە جۋىق ءىس-شارالار وتكىزىلدى. ەپيدەميولوگيالىق جاعدايعا بايلانىستى بىرقاتار كەزدەسۋلەر, اتاپ ايتقاندا, Instagram الەۋمەتتىك جەلىسىندەگى اسكەري-پاتريوتتىق اندەر بايقاۋى, جەكە كۋالىك قۇجاتتارىن 1000 جاس سارباز تاربيەلەنۋشىلەرىنە ونلاين فورماتتا ۇسىنۋ ونلاين فورماتتا ءوتتى. سونىمەن قاتار 3 كۇنگە سوزىلعان اسكەري-پاتريوتتىق جيىن ءوتىپ, اۋعان سوعىسىنىڭ ارداگەرلەرىمەن, قوعام قايراتكەرلەرىمەن كەزدەسۋلەر جانە تاعى باسقا شارالار قامتىلدى», - دەدى «جاس سارباز» بالالار مەن جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگىنىڭ نۇر-سۇلتان قالاسى فيليالى توراعاسى اسحات نالشىبەك.
جوبا اياسىندا «جاس سارباز» تاربيەلەنۋشىلەرى وزدەرىن شىعارماشىلىق جاعىنان تانىتقانى اتاپ ءوتىلدى. بيىل ولاردىڭ سانى كوبەيىپ, جالپى ورتا ءبىلىم بەرەتىن مەملەكەتتىك مەكەمەلەردەگى «جاس سارباز» سىنىپتارى مەن ۇيىرمەلەرىنىڭ سانى 200-گە جۋىقتادى.
ءىس-شارا «جاس سارباز» تاربيەلەنۋشىلەرى ءۇشىن نۇر-سۇلتان قالاسى اكىمدىگىنىڭ «استانا جاستارى» كمم جانە قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعىنىڭ قولداۋىمەن ءوتتى.
