نۇرلان وتەپ ۇلىنىڭ ەسىمى الدىمەن مۇناي-گاز ونەركاسىبى سالاسىندا كەڭىنەن تانىلدى. كەيىن سالالىق مينيسترلىكتى, «قازمۇنايگاز» كومپانياياسىن باسقاردى. پرەمەر-مينيستر لاۋازىمىن اتقارىپ, ەلدىڭ وركەندەۋىنە ەڭبەك ءسىڭىردى. اسىرەسە وتاندىق ەكونوميكانىڭ ەڭسە تىكتەۋىنە, قۋاتتى رەفورمالاردى ىسكە اسىرۋعا, ينۆەستورلارمەن تابىستى سەرىكتەستىك قۇرۋعا ەلەۋلى ۇلەس قوستى.
ء«بىزدىڭ ۋنيۆەرسيتەت بەلسەندى ستۋدەنتتەردى قولداۋعا ايىرىقشا ءمان بەرىپ كەلەدى. بيىل وقۋ ورنىنىڭ العاشقى رەكتورى تولەۋىش سەرىكوۆ اتىنداعى شاكىرتاقىعا ءۇش ستۋدەنت يە بولدى. ءۇش ستۋدەنت ەلىمىزدىڭ العاشقى مۇناي ءمينيسترى لاۋازىمىن اتقارعان مەملەكەت جانە قوعام قايراتكەرى راۆيل شىرداباەۆ اتىنداعى شاكىرتاقىنى الدى. ال بەلگىلى مۇنايشى, مەملەكەت جانە قوعام قايراتكەرى, قازاقستان رەسپۋبليكاسىنىڭ پرەمەر-ءمينيسترى جانە مۇناي ونەركاسىبى ءمينيسترى بولعان نۇرلان بالعىمباەۆ اتىنداعى ستيپەندياعا بەس ستۋدەنت لايىق دەپ تانىلدى» دەيدى رەكتور گۇلزادا شاكۋليكوۆا.
