بۇل جوبا يننوۆاتسيالىق يدەيالاردى شوعىرلاندىرۋ, IT-قوعامداستىقتى تارتۋ ارقىلى ۇزدىك تسيفرلىق شەشىمدەردى قولداۋ جانە مەملەكەتتىك باسقارۋ جۇيەسىنە ادەتتەن تىس تاسىلدەردى تۋدىرۋدا جاس ۇرپاقتىڭ مۇمكىندىكتەرىن كورسەتۋ ماقساتىندا جۇزەگە اسىرىلادى. IntegrityTech يدەاتونىنىڭ ماڭىزدى مىندەتتەرىنىڭ ءبىرى – ساندىق قۇرالداردى قولدانۋ ارقىلى قوعامدىق باقىلاۋدى كۇشەيتۋ.
قاتىسۋشىلاردىڭ جوبالارى وتەۋلى نەگىزدە ىسكە اسىرىلاتىندىعىن, سونىمەن قاتار تەحنيكالىق قولداۋ جانە جاڭا يدەيالاردى سۇيەمەلدەۋ سىبايلاس جەمقورلىققا قارسى قىزمەت نەگىزىندە جۇرگىزىلەتىندىگىن اتاپ وتكەن ءجون. جالپىۇلتتىق يدەيالاردى جيناۋدىڭ تاعى ءبىر ارتىقشىلىعى – جوبا قاتىسۋشىلارىنا سىبايلاس جەمقورلىققا قارسى ءىس-قيمىل اگەنتتىگىنىڭ سەرىكتەس ۇيىمدارىندا تاعىلىمدامادان ءوتۋ جانە جۇمىسقا ورنالاسۋ مۇمكىندىگى بەرىلەدى.
جوبا جىل سايىن 9 جەلتوقساندا اتاپ وتىلەتىن حالىقارالىق سىبايلاس جەمقورلىققا قارسى كۇرەس كۇنىنە ورايلاستىرىلعان. قاتىسۋعا وتىنىمدەر اعىمداعى جىلدىڭ 7 جەلتوقسانىنا دەيىن Astana Hub اكادەمياسىنىڭ رەسۋرستار پورتالىندا ونلاين قابىلدانادى. ۇزدىك باستامالار 8 جەلتوقساندا ىرىكتەلەدى. ال ولاردىڭ باعدارلاماشىلار مارافونى اياسىندا ىسكە اسىرىلۋىن قازاقستاندىقتار 2021 جىلدىڭ ناۋرىز ايىندا كورە الادى.
