كىتاپتى ناسيحاتتاۋ, كىتاپ وقۋعا دەگەن قىزىعۋشىلىقتى قولداۋ, قوعامنىڭ ينتەللەكتۋالدى الەۋەتى مەن مادەني قۇندىلىقتارىن ارتتىرۋ, وسكەلەڭ ۇرپاقتىڭ رۋحاني-ادامگەرشىلىك ءبىلىمىن ارتتىرۋ, بالالاردىڭ, جاستاردىڭ كوركەم ادەبيەتكە دەگەن قۇشتارلىعىن وياتۋ ماقساتىنداعى ءىس-شارانىڭ باستى ەرەكشەلىگى - زامان اعىمى قانشالىقتى العا باسسا دا كىتاپ وقۋ ءداستۇرى ارتتا قالمايتىنىن جەتكىزۋ. قالاداعى "كورمە" ورتالىعىندا ءبىر اپتاعا جالعاساتىن فەستيۆال بارىسىندا نۇر-سۇلتان, الماتى, قاراعاندى, شىمكەنت قالالارىنىڭ باسپا ۇيلەرى, كىتاپ دۇكەندەرى, كىتاپحانالارى وقىرمانمەن اشىق ديالوگ قۇرىپ, پىكىرلەسۋ الاڭشاسىندا كەزدەسۋلەر وتكىزبەك.
ىشكى ساياسات جانە جاستار ىستەرى جونىندەگى باسقارما باسشىسى جانار بەكتاەۆانىڭ ايتۋىنشا, فەستيۆالگە كەلۋشى ءار وقىرمان باسپا ۇيلەرىنەن جانە دۇكەندەرىنەن العان كىتاپتارىنىڭ ءبىرىن ارنايى اشىلعان «بالالارعا بازارلىق» قايىرىمدىلىق بۇرىشىنا قالدىرا الادى. وندا جينالاتىن كىتاپتار فەستيۆال قورىتىندىسىندا قالامىزدىڭ از قامتىلعان جانە تۇرمىسى تومەن, كوپبالالى وتباسىلارىنىڭ بالالارىنا ەرىكتىلەر كومەگىمەن تاراتىلماق.
