"قايىرباەۆ اتىنداعى جالپى ورتا ءبىلىم بەرۋ مەكتەبىنىڭ التى مۇعالىمى مەن 22 وقۋشىسىنا سوvid-19 دياگنوزى قويىلدى. اۋدان ورتالىعىنا كىرەبەرىس جولعا سانيتارلىق بەكەت ورناتىلدى.
اۋىلدا مونشالار, شاشتارازدار, قوعامدىق تاماقتانۋ وبەكتىلەرى, سپورت قۇرىلىستارى, تىگىن اتەلەسى, شينومونتاج, تقس, سونداي-اق مەشىت پەن شىركەۋ قىزمەتى توقتاتىلدى.
مۇنداي شەشىمدى اۋداننىڭ باس سانيتارلىق دارىگەرى قابىلدادى.
سوڭعى كۇندەرى قايىرباەۆ اتىنداعى مەكتەپتە التى پەداگوگ جانە 22 وقۋشىدان الىنعان پتر تەست وڭ ناتيجە كورسەتتى, - دەپ ءتۇسىندىردى اۋدان اكىمىنىڭ ورىنباسارى بيبىگۇل وسپانوۆا. - ءبىر مۇعالىم پاۆلودار قالاسىنىڭ جۇقپالى اۋرۋلار اۋرۋحاناسىنا جاتقىزىلدى. قالعان مۇعالىمدەر مەن بالالاردا اۋرۋ اسيمپتوماتيكالىق بولىپ تابىلادى جانە ولار امبۋلاتوريالىق ەم الادى", دەلىنگەن حابارلامادا.
17 بالا كەزەكشى سىنىپتاردا, بەسەۋى قاشىقتىقتان وقىدى. وسىعان بايلانىستى اۋدان ورتالىعىنىڭ ەكى مەكتەبى ونلاين وقىتۋعا كوشىرىلدى, بالاباقشاداعى كەزەكشى توپتار جابىلدى.
سانيتارلىق دارىگەردىڭ قاۋلىسىنا سايكەس مەملەكەتتىك ورگانداردىڭ (ۇيىمداردىڭ, كاسىپورىنداردىڭ) قىزمەتىنە 9:00-دەن 16:00-گە دەيىن, ازىق-ت ۇلىك دۇكەندەرىنە 9:00-دەن 19:00-گە دەيىن, ازىق-ت ۇلىك ەمەس دۇكەندەرگە - 10:00-دەن 15:00-گە دەيىن, حقكو بولىمشەلەرىنە, «قازپوشتا» اق-عا, «حالىق بانك» اق-عا ساعات 10:00-دەن 16:00-گە دەيىن رۇقسات ەتىلگەن.
ازىق-ت ۇلىك ەمەس تاۋارلار دۇكەندەرى دەمالىس جانە مەرەكە كۇندەرى جابىلادى.
بۇدان باسقا, اۆاريالىق قىزمەتتەردى, جول جوندەۋ قىزمەتتەرىن, پوليتسيانى, مەديتسينا قىزمەتكەرلەرىن جانە تىرشىلىكتى قامتاماسىز ەتەتىن باسقا دا ۇيىمداردى قوسپاعاندا, اۋىل تۇرعىندارى اراسىندا ساعات 21:00-دەن كەيىن قوزعالىس شەكتەلگەن.
اقتوعاي اۋىلىندا سانيتارلىق نورمالاردى قاتاڭ ساقتاي وتىرىپ, تاكسي قىزمەتى جۇمىس ىستەيدى. اۋدان ورتالىعىندا 4251 ادام تۇرادى.
