جەمقورلىق قۇقىق بۇزۋشىلىق باسەڭدەمەي وتىر

“نۇر وتان” حدپ جانىنداعى جەمقورلىقپەن كۇرەس جونىندەگى رەسپۋبليكالىق قوعامدىق كەڭەستىڭ 14-ءشى وتىرىسىندا قارجى مينيسترلىگىندەگى جەمقورلىققا قارسى جۇمىستىڭ جاي-كۇيى مەن ورىندالۋ بارىسى تۋرالى ماسەلە قارالدى. قازاقستاننىڭ بارلىق ايماقتارىمەن بەينەكونفەرەنتسيا فورماتىندا ۇيىمداس­تىرىلعان شاراعا قارجى مينيسترلىگى وكىلدەرى, باس پروكۋراتۋرا قىزمەتكەرلەرى, بيلىك پارتياسىنىڭ ايماقتىق فيليالدارىنىڭ جانە مينيسترلىكتىڭ اۋماقتىق قۇرىلىمدارىنىڭ باسشىلارى قاتىستى. پارلامەنت سەناتىنىڭ دەپۋتاتى, قوعامدىق كەڭەس توراعاسى ورالباي ءابى­كارىموۆتىڭ توراعالىعىمەن وتكەن شارا­دا ال­عاش­قى بولىپ بايانداما جاساعان قارجى ءمينيسترى بولات جامىشەۆ اتقارىلعان جۇ­مىس­تارعا قاراماستان, قارجى ءمينيسترلى­گىنىڭ جۇيەسىندە ءالى دە بولسا ەلەۋلى كەمشى­لىكتەردىڭ ورىن الىپ وتىرعانىن اتاپ ­وتتى. ء“بىز مۇنى جاقسى تۇسىنەمىز جانە جاۋاپ­كەر­شىلىكپەن قارايمىز”, دەدى قارجى مي­نيسترى. ونىڭ ايتۋىنشا, بۇگىنگى تاڭدا مينيسترلىك جانە ونىڭ كوميتەتتەرى قابىلداعان سىبايلاس جەمقورلىقتىڭ الدىن الۋ, جولىن كەسۋ, تۇبەگەيلى جويۋ جونىندەگى شارالار جەتكىلىكسىز بولىپ وتىرعان كورىنەدى. سونىمەن قاتار, ول 2009 جىلدىڭ قورى­تىندىسى بويىنشا سىبايلاس جەمقور­لىق قۇقىق بۇزۋشىلىق جاساعانى ءۇشىن اكىمشىلىك جانە تارتىپتىك جاۋاپكەرشىلىككە تارتىلعان مەملەكەتتىك قىزمەتشىلەر سانى جاعىنان قارجى مينيسترلىگى 4-ورىندا, ال مەملەكەتتىك ساتىپ الۋ تۋرالى زاڭنامانى بۇزۋ فاكتىلەرىنىڭ سانى جاعىنان 12-ءشى ورىندا تۇرعانىن ايتتى. پارلامەنت ءماجىلىسىنىڭ دەپۋتاتى, اتال­عان كەڭەس مۇشەسى نۇرلان ءابدىروۆ قارجى مينيسترلىگى تاراپىنان جۇزەگە اسىرىلعان ءىس-شارالارعا قاراماستان, جەم­قورلىق ءىس-ارەكەتتەردىڭ باسەڭدەمەي وتىر­عانىن اتاپ كورسەتتى. “ماسەلەن, 2009 جىلى 108 سىباي­لاس جەمقورلىق ءىس-ارەكەتتەرى ورىن الدى. بۇل 2008 جىلمەن سالىس­تىرعاندا 13 پايىز­عا ارتىق. بۇل, اسىرەسە, ورتالىق مەم­لەكەتتىك ورگاندارداعى جەم­قور­لىق كورسەت­كىشىنىڭ جوعارىلاعانىن بايقاتادى. كەدەن ورگاندارىندا ول 62-گە, ال سالىق ورگان­دارىندا 36-عا جەتكەن”, دەدى نۇرلان ءماجيت ۇلى ءوز سوزىندە. جيىن بارىسىندا, سونداي-اق, جەم­قور­لىققا قاتىستى جۇرگىزىلگەن الەۋمەتتىك زەرتتەۋلەردىڭ ناتيجەلەرى شىعارىلدى. ءلايلا ەدىلقىزى.