قازاقستان رەسپۋبليكاسى تۇڭعىش پرەزيدەنتى كۇنىنە وراي وبلىستا بىرقاتار الەۋمەتتىك نىساندار اشىلدى. سونىڭ ءبىرى جامبىل اۋدانىنا قاراستى ايشا ءبيبى اۋىلدىق وكرۋگىندەگى 120 ورىندىق ورتا مەكتەپ. ءبىلىم شاڭىراعىنىڭ قۇرىلىس جۇمىسى وتكەن جىلدىڭ ناۋرىز ايىندا باستالعان.
قازاقستان رەسپۋبليكاسى تۇڭعىش پرەزيدەنتى كۇنىنە وراي وبلىستا بىرقاتار الەۋمەتتىك نىساندار اشىلدى. سونىڭ ءبىرى جامبىل اۋدانىنا قاراستى ايشا ءبيبى اۋىلدىق وكرۋگىندەگى 120 ورىندىق ورتا مەكتەپ. ءبىلىم شاڭىراعىنىڭ قۇرىلىس جۇمىسى وتكەن جىلدىڭ ناۋرىز ايىندا باستالعان.
سونىمەن قاتار, قورداي اۋدانىنىڭ نوعايباي اۋىلىندا 140 ورىندىق بالاباقشا سابيلەرگە العاش رەت ەسىك اشتى. اتالعان اۋداننىڭ بۇلان باتىر اۋىلىنىڭ تۇرعىندارى دا پرەزيدەنت كۇنى قارساڭىندا قىزمەت كورسەتە باستاعان جاڭا مەديتسينالىق امبۋلاتوريانىڭ جۇمىسىنا ءدان ريزا.
مەركى اۋدانىنىڭ اقارال اۋىلىنداعى اتا-انالار دا قۋانىش قۇشاعىندا. بۇل اۋىلدا قۇرىلىس جۇمىسى وتكەن جىلدىڭ تامىز ايىندا باستالعان 140 ورىندىق بالاباقشا پايدالانۋعا بەرىلدى. ال شۋ اۋدانىندا بىردەن 3 الەۋمەتتىك نىسان ىسكە كىرىستى. ولار مويىنقۇم, بالۋان شولاق اۋىلدارىنداعى تۇرعىندارعا زامان تالابىنا ساي ساپالى مەديتسينالىق قىزمەت كورسەتەتىن جاڭا امبۋلاتوريالار مەن بىرلىكۇستەم اۋىلىنداعى «جۇلدىز» بالاباقشاسى.
قىسقاسى, جامبىل جەرىندە بۇل كۇندەرى تارتۋ كوپ, شاشۋ مول.
كوسەمالى ساتتىباي ۇلى,
«ەگەمەن قازاقستان».
