مينيسترگە "قازاقستاننىڭ دارىگەرلەرى بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى قولداپ, اشىق حات جازدى. ءسىز دە ەلجان امانتاي ۇلىن قولدايسىز با؟" دەگەن سۇراق قويىلدى.
ء"بىزدىڭ ارىپتەستەر ەڭ ءبىرىنشى كەزەكتە نيەتتەستىك, ەكىنشىدەن ءىستىڭ انىق-قانىعىنا جەتۋ قاعيداتىنا سۇيەندى. تىلەكتەس, نيەتتەس ەكەنىن ارىپتەستەرىمىز ءبىلدىردى. ارى قارايعى ءىستى قاراۋ, ونىڭ ءمان-جايىن انىقتاۋدى قۇقىق قورعاۋ ورگاندارى جۇرگىزەدى. سولاردىڭ شەشىمىن كۇتەمىز", دەپ جاۋاپ ايتتى الەكسەي تسوي.
ەسكە سالا كەتسەك, وسى ايدىڭ باسىندا بۇرىنعى دەنساۋلىق ساقتاۋ ءمينيسترى ەلجان ءبىرتانوۆ قاماۋعا الىنعانى حابارلانعان بولاتىن. قارجى مونيتورينگى كوميتەتىنىڭ ەكونوميكالىق تەرگەۋ قىزمەتى بۇرىنعى دەنساۋلىق ساقتاۋ ءمينيسترى ەلجان بىرتانوۆقا قاتىستى اسا ءىرى كولەمدە بيۋدجەت قاراجاتىن ىسىراپ ەتۋ فاكتىسى بويىنشا قىلمىستىق ءىستى تەرگەپ جاتىر.
