بۇل بيزنەس ءتۇرىنىڭ ءبىر ارتىقشىلىعى – ونى كەز كەلگەن قالادا, اۋىلدا, اۋدان ورتالىعىندا نەمەسە وبلىس ورتالىعىندا ۇيىمداستىرۋعا بولادى. ال, ءبىر كەمشىلىگى – ول تەك ماۋسىمدىق سيپاتقا عانا يە. قىستا جەكە جىلىجايىڭىز بولماسا, ونىمەن شۇعىلدانا المايسىز. بىراق, ەگەر ءسىز بۇل ىسپەن بەرىلە شۇعىلداناتىن بولساڭىز, ءبىر جازدىڭ وزىندە-اق ءبىر جىلعا جەتەرلىك نەمەسە ودان دا كوپ تابىس قاراتا الاسىز.
بۇل بيزنەس ءتۇرىنىڭ ءبىر ارتىقشىلىعى – ونى كەز كەلگەن قالادا, اۋىلدا, اۋدان ورتالىعىندا نەمەسە وبلىس ورتالىعىندا ۇيىمداستىرۋعا بولادى. ال, ءبىر كەمشىلىگى – ول تەك ماۋسىمدىق سيپاتقا عانا يە. قىستا جەكە جىلىجايىڭىز بولماسا, ونىمەن شۇعىلدانا المايسىز. بىراق, ەگەر ءسىز بۇل ىسپەن بەرىلە ش
ەگەر ءسىز بۇل بيزنەسپەن اينالىسۋدى ءجون كورسەڭىز, ەڭ الدىمەن, جاقسى تۇقىم ساتىپ الۋعا بولاتىن فيرمانى ىزدەستىرىڭىز. ول فيرما تۇقىمدى وزدەرى وندىرە مە, جوق الدە بىرەۋدەن ساتىپ الىپ, ەكىنشى بىرەۋگە ساتىپ دەگەندەي, الىپساتارلىقپەن شۇعىلدانا ما, سونداي-اق, ونىڭ ءونىمى سەبۋگە ازىرلەنگەن بە, وسى ماقساتتا وڭدەۋدەن وتكىزىلگەن بە, وسى ماسەلەلەرگە ءمان بەرىڭىز. ويتكەنى, الىپ-ساتارلىقپەن شۇعىلداناتىن فيرمالاردىڭ ونىمدەرى ءاردايىم ساپالى بولا بەرمەيدى. تابىس تابۋ ءۇشىن ولار ارزانىنا جۇگىرەدى دە, ونى جەدەلدەتىپ وتكىزىپ جىبەرۋگە تىرىسادى. سوندىقتان, ءبىرىنشى كەزەكتە تۇقىمداردىڭ قوراپشاسىنا نازار اۋدارعانىڭىز ءجون. سەبەبى, كوپتەگەن ساتۋشىلار تۇقىمدى موشەكتەپ ساتىپ الىپ, سوسىن بارىپ ونى قولدان كىشكەنتاي قالتالارعا سالىپ, بازارلار مەن ادام كوپ جۇرەتىن ءتۇرلى ورىنداردا ساتا بەرەدى.
سونىمەن, ءسىز تۇقىمداردىڭ ءتىزىمىن جاساپ الدىڭىز. سودان كەيىن پارنيك سالىپ, جەر ۋچاسكەسىن دايىنداپ, كاسىپتى باستاي بەرىڭىز. تۇقىم وتىرعىزىپ, وعان كۇتىم جاساڭىز. بۇل جونىندەگى كەڭەستى باقشا ەگۋگە ارنالعان كەز كەلگەن جۋرنال مەن كىتاپتان الا الاسىز.
تۇقىم ءوسىرۋ تەحنولوگيالارى: باقشا وسىمدىكتەرىنەن تۇقىم ءوسىرۋدىڭ بىرنەشە ادىستەرىنە توقتالا كەتەيىك.
ماسەلەن, شالعام تۇقىمىن ءبىرىنشى جىلى وتىرعىزىپ-اق الۋعا بولادى. جەتىلگەن وسكىندى تاڭداپ, توپىراق دەڭگەيىنە دەيىن جاپىراقتارىن كەسىڭىز, وسەتىن جوعارعى جاعىن قالدىرىڭىز. سونىمەن قاتار, تامىرىن جارتىسىنا دەيىن جونىڭىز. وسىمدىكتى جاڭا, جاقسى وسەتىن توپىراققا وتىرعىزىڭىز. كوپ كۇتتىرمەي, وتىرعىزعان جىلىڭىزدىڭ وزىندە-اق ونىڭ گۇلدەرى مەن تۇقىمى پايدا بولادى.
ءسابىز, قىزىلشا, پەترۋشكا, سەلدەرەي, پاستەرناك پەن شالعام تۇقىمدارىن كۇزدىڭ سوڭىندا جيناپ, جەرتولەگە قويادى نەمەسە جەردىڭ جارتى مەتر تەرەڭدىگىندە ورنالاستىرىلعان قوراپقا سالىپ, ساقتاۋعا بولادى. كوكتەمدە قۇنارلى توپىراققا سەۋىپ, ءونىم الۋعا كىرىسەدى. گۇلدەرى شىققان كەزدە ساباقتارى سىنىپ قالماس ءۇشىن بايلاپ قويۋ كەرەك.
ال ورامجاپىراقتىڭ تۇقىمدارى ەكىنشى جىلى شىعادى. ول ءۇشىن ورامجاپىراقتى جەرتولەدە كوكتەمگە دەيىن ساقتاڭىز. ەگەر ول بۇزىلا باستاسا, ونى ۋاقىتشا توپىراققا وتىرعىزىڭىز, سوسىن بارىپ باقشاعا قايتا وتىرعىزاسىز.
جۋا مەن سارىمساقتى (چەسنوكتى) دا تۇقىمدارىن وتىرعىزۋ ارقىلى كوبەيتۋگە بولادى. جاز ايلارىندا تۇقىمنان جۋا ءدانىن ءوسىرىپ, ودان جۋانىڭ ءوزىن وسىرۋگە بولادى. قىسقا قاراي, العاشقى ۇسىكتەن كەيىن, سارىمساقتىڭ تۇقىمىن وتىرعىزىڭىز. ءبىرىنشى جاز ىشىندە ءبىرتىستى سارىمساق ءوسىپ شىعادى, ونى تاعى قىسقا قاراي وتىرعىزساڭىز, تىستەرى كوپ سارىمساق الاسىز.
تۇقىم ارقىلى اسقاباق پەن باقشا داقىلدارىنىڭ قاجەتتى سورتىن الۋ ءۇشىن جاساندى بۋدانداستىرۋ ءادىسىن پايدالانۋ كەرەك. اسقاباق, كادى, قيارلاردىڭ ءىرى, ءالى اشىلماعان انالىق گۇلدەرى (ول تۇقىمىمەن بولادى) مەن اتالىق گۇلدەرىن الىڭىز. ءار گۇلدى داكەمەن بايلاپ قويىڭىز, بۇنى كەشكى ۋاقىتتا ىستەۋ كەرەك. تاڭەرتەڭگى 11-گە دەيىن ولاردى شەشىڭىز دە اتالىق گۇلدەر مەن انالىقتاردى ءبىر-بىرىنە جاقىنداتۋ ارقىلى بۋدانداستىرىڭىز. بۋدانداسقان انالىق گۇلدى قايتا بايلاپ قويىڭىز. تۇقىم ۇلكەيىپ, وسە باستاعاندا ءمارلىنى شەشىڭىز دە, ونى اشىق ءتۇستى لەنتامەن بەلگىلەپ قويىڭىز.
قياردىڭ تۇقىمىن ابدەن جەتىلىپ سارعايعان تۇرىنەن تاڭداڭىز. قياردى ەكىگە ءبولىپ, تۇقىمدى قياردىڭ ىشىندەگى جۇمساق ماسساسىمەن بىرگە الىڭىز, بىرنەشە كۇن اشىتىڭىز, سودان سوڭ جۋىپ, كەپتىرىڭىز. ال اسقاباق داقىلدارىنىڭ تۇقىمىن بىردەن جۋىپ, كەپتىرە بەرۋگە بولادى.
قىزاناق تۇقىمىن دا ابدەن پىسكەننەن كەيىن ىشكى جۇمساق ماسساسىمەن بىرگە الىڭىز. ولاردى ءبىر اپتاداي اشىتىڭىز, سودان كەيىن جاقسىلاپ جۋىپ, كەپتىرىڭىز.
بۇرشاق داقىلدارىنىڭ تۇقىمىن جاقسى جەتىلگەن, سارعايعان ساباقتارىنان الىڭىز. ولاردى اشىپ, تۇقىمىن ابدەن كەپتىرىڭىز.
تۇقىمداردى ساقتاۋ جولدارى: تۇقىمداردى قاراڭعى, سالقىن جانە قۇرعاق جەردە ماتادان نەمەسە قاعازدان جاسالعان قاپشىقتارعا ساقتاڭىز. بارلىعىنىڭ سىرتىنا اتتارى مەن جينالعان مەرزىمىن جازىپ قويىڭىز.
تۇقىمداردى جيناپ العاننان كەيىن ءسىزدىڭ جۇمىسىڭىزدىڭ كەلەسى ساتىسى باستالادى. ءار داقىلعا ءوز قالتاشاسىن جاساتىڭىز. سىرتىنا تۇقىم اتاۋىن, جالپى سيپاتى مەن سۋرەتىن ورنالاستىرىڭىز. ادەتتە ءبىر ا4 فورماتىنداعى پاراقتان ەكى قالتاشا جاساۋعا بولادى. پاراق ءپىشىنىن كەلتىرىپ الىڭىز (پوليگرافيامەن اينالىساتىندارعا جاساتۋعا بولادى), سودان سوڭ شىعارىپ, كوبەيتىڭىز (پرينتەر, كسەروكس, ريزوگراف, وفسەت). قالتاشالارعا بەلگىلى ءبىر ءمولشەردە تۇقىم سالىپ, ستەپلەرمەن ءوزىڭىزدىڭ جەكە ۆيزيتكاڭىزدى قىستىرىڭىز (ول ساتىپ الۋشىنىڭ داقىلدى وسىرۋگە قاتىستى سىزدەن كەڭەس سۇراۋى ءۇشىن قاجەت, ساتىپ الۋشىلار وسى ارقىلى تۇقىم ساتىپ الۋ, ت.ب. ماسەلەلەر بويىنشا ءسىزگە حابارلاسا الاتىن بولادى, سونىمەن قاتار, ەگەر ءسىز بايلانىس تەلەفونىڭىزدى كورسەتسەڭىز, بۇل سىزگە دەگەن سەنىمدى ارتتىرىپ, ساتىپ الۋشىلار الدىنداعى بەدەلىڭىزدى كوتەرەدى).
ەگەر ءسىزدىڭ قالتاشالار جاساتۋعا اقشاڭىز بولماسا نەمەسە ءسىز بۇل بيزنەستى جاڭادان باستاپ جاتساڭىز, تۇقىمدارعا ارنالعان قالتاشالاردى قاراپايىم اق قاعازدان (كەڭسەلىك بولعانى دۇرىس) جاساۋعا بولادى. ال وعان جازىلاتىن بارلىق قوسىمشا اقپاراتتى الدىمەن جەكە قاعازعا تەرىپ, ونى قيىپ الىپ, قالتاشاعا جاپسىرۋ ارقىلى نەمەسە باسقا جولدار مەن تاسىلدەر ارقىلى ەنگىزۋگە بولادى. كوپ جاعدايدا بۇل ماسەلە ءسىزدىڭ جەكە شىعارماشىلىق قابىلەتىڭىز بەن فانتازياڭىزعا بايلانىستى. مۇنداعى باستى ماقسات, تۇقىم سالىنعان قالتاشانىڭ ادەمى دە ىڭعايلى كورىنۋى ەكەندىگىن ەستەن شىعارماڭىز.
بارلىعى دايىن بولعاننان كەيىن, ءونىمىڭىزدى بازارعا شىعارۋىڭىزعا بولادى نەمەسە ونى وتكىزۋدىڭ وزىڭىزگە قولايلى باسقا دا جولدارىن قاراستىرىڭىز.
تۇقىم وسىرۋگە جۇمسالاتىن شىعىندار: بيزنەستىڭ ماۋسىمدى سيپاتىن ەسكەرە وتىرىپ, شىعىستار مەن تابىستاردى ءبىر ايعا ەمەس, جىل بويىنا ەسەپتەۋ كەرەك. دۇرىس ۇيىمداستىرىلعان جاعدايدا العاشقى كەزدەرى تۇقىم الۋعا كوپ قارجى جۇمساماۋعا دا بولادى.
تۇقىم وسىرۋدەن تۇسەتىن كىرىستەر: بيزنەس دۇرىس ۇيىمداستىرىلعان جاعدايدا جىلدىڭ ەكى ايىنىڭ وزىندە-اق (ناۋرىز بەن ءساۋىر) ءسىز قوماقتى تابىسقا كەنەلە الاسىز.
جالپى, ينتەرنەت شىرماۋىعى ارقىلى دا وسى تاقىرىپ بويىنشا كوپتەگەن ماتەريالدارمەن تانىسا الاسىز. ولاردا ءار ونىمنەن قانشا پايدا الۋعا بولاتىندىعى جازىلعان. ول ءۇشىن www.google.kz, www.rambler.ru سەكىلدى ىزدەۋ سايتتارىنا كىرىپ, جۇيەلەردە «تۇقىم ءوسىرۋ» جانە تاعى دا باسقا وسى ماندەس كىلت سوزدەردى تەرىڭىز. سوندا ءسىزدىڭ الدىڭىزدان كوپتەگەن اقپاراتتار اشىلاتىن بولادى
ازىرلەگەن
سۇڭعات ءالىپباي,
«ەگەمەن قازاقستان».
