قوعام • 27 قاراشا، 2020

نۇر-سۇلتاندا ءبىر جارىم جىلدا ۇزاققا سوزىلعان قۇرىلىس سانى ازايادى

10 رەت كورسەتىلدى

جىل سوڭىنا دەيىن قۇرىلىسى ۇزاققا سوزىلعان ۇي̆لەر تىزىمىنەن 30 تۇرعىن ءۇي̆دى الىپ تاستاۋعا بولادى. قالعان قۇرىلىستاردى 2023 جىلعا دەي̆ىن كەزەڭ-كەزەڭمەن اياقتاۋ جوسپارلانعان. بۇل تۋرالى نۇر-سۇلتان قالاسىنىڭ اكىمى التاي كولگىنوۆ ءوزىنىڭ "ينستاگرام" پاراقشاسىندا جازدى، دەپ حابارلايدى Egemen.kz.

"وتكەن جىلدىڭ جازىمەن سالىستىرعاندا قۇرىلىسى ۇزاققا سوزىلعان ۇي̆لەردىڭ سانى ەكى ەسە استام ازايادى! بيىل قۇرىلىسىن اياقتاپ، تاعى جيىرما تۇرعىن ءۇي̆دىڭ قۇجاتتارىن رەسىمدەۋگە كىرىسۋدى جوسپارلاپ وتىرمىز. ءبىر جارىم جىل ىشىندە (2019 جىلدىڭ جازىنان باستاپ) قۇرىلىسى ۇزاققا سوزىلعان ۇي̆لەردىڭ تىزىمىنەن 30 تۇرعىن ءۇي̆دى الىپ تاستاۋعا بولادى.

20-دان استام پروبلەمالىق تۇرعىن ءۇي̆ قالادى. ولاردىڭ قاتارىندا تەك قازانشۇڭقىرلارى تۇرعان ۇي̆لەر، مۇلدەم ىرگەتاسى قالانباعاندارى بار. "تەرريتوريا كومفورتا-1" تۇرعىن ءۇي̆ كەشەنى 2004 جىلدان بەرى اپاتتى بولىپ سانالدى. ءۇي̆دى تەحنيكالىق تەكسەرۋ جۇمىستارى قۇرىلىس كەزىندە بارلىق نورمالاردىڭ بۇزىلعانىن، ەگەر ءۇي̆ پاي̆دالانۋعا بەرىلگەن جاعداي̆دا، ونىڭ قۇلاي̆تىنىن كورسەتتى. قالعان قۇرىلىستاردى 2023 جىلعا دەي̆ىن كەزەڭ-كەزەڭمەن اياقتاۋدى جوسپارلاپ وتىرمىز.

ەكى كۇن بوي̆ى بىرقاتار ۇلەسكەرلەرمەن جانە تقك توراعالارىمەن كەزدەستىم. ولاردىڭ قاتارىنا گارانت، اي̆سانام دە ليۋكس، باسپانا كوكتال، ارىستان، زەرە-1، اقەركە-2 (1 كەزەك)، جاستار-4، جاسىل نس، فەميدا، التىن شار، شىعىس (1ا، 1ۆ)، جاعالاۋ 3 (28،29،30 بلوكتار)،وربيتا، تەرريتوريا كومفورتا-2 جانە ت. ب. جاتادى.

وسى نىسانداردىڭ قۇرىلىسى ەگجەي̆ - تەگجەي̆لى تالقىلانىپ، قانداي̆ قوسىمشا شارالار قابىلداۋ قاجەت ەكەنى شەشىلدى.

قۇرىلىس قارقىنىن ارتتىرۋ، قۇجاتتاما بوي̆ىنشا كومەك كورسەتۋ جانە ت.ب. ماسەلەلەر تالقىلاندى. قۇرىلىسى ۇزاققا سوزىلعان نىسانداردىڭ قۇرىلىسىن قاي̆تا باستاۋ — وڭاي̆ ەمەس. قۇرىلىس سالۋشىلار ۇلەسكەرلەر الدىنداعى، سونداي̆-اق ساتىپ الۋشىلار الدىنداعى بارلىق جاۋاپكەرشىلىكتى تۇسىنۋگە ءتيىس.

ارىپتەستەرىم مەن قۇرىلىسشىلارعا جۇمىس قارقىنىن كۇشەي̆تۋدى، قاجەتتى قۇرىلىس ماتەريالدارىن ساتىپ الۋدى، ينجەنەرلىك جەلىلەر جۇرگىزۋدى جانە ت. ب. تاپسىردىم"، - دەپ جازدى التاي كولگىنوۆ.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار