سەنات توراعاسى قاسىم-جومارت توقاەۆ پەن ءماجىلىس توراعاسى نۇرلان نىعماتۋلين باستاعان ۇقشۇ, تمد جانە ەۋرازەق پارلامەنتتىك جانە پارلامەنتارالىق اسسامبلەيالارى شەڭبەرىندەگى ىنتىماقتاستىق شارالارىنا قاتىسۋ ءۇشىن سانكت-پەتەربۋرگ قالاسىنا كەلگەن قازاقستاندىق پارلامەنت سەناتى مەن ءماجىلىسى دەلەگاتسيالارىنىڭ جۇمىس كەستەسى وتە تىعىزدىعىمەن ەرەكشەلەندى.
سەنات توراعاسى قاسىم-جومارت توقاەۆ پەن ءماجىلىس توراعاسى نۇرلان نىعماتۋلين باستاعان ۇقشۇ, تمد جانە ەۋرازەق پارلامەنتتىك جانە پارلامەنتارالىق اسسامبلەيالارى شەڭبەرىندەگى ىنتىماقتاستىق شارالارىنا قاتىسۋ ءۇشىن سانكت-پەتەربۋرگ قالاسىنا كەلگەن قازاقستاندىق پارلامەنت سەناتى مەن ءماجىلىسى دەلەگاتسيالارىنىڭ جۇمىس كەستەسى وتە تىعىزدىعىمەن ەرەكشەلەندى.
ولار ەكى كۇن بويى ۇقشۇ, تمد جانە ەۋرازەق پاا شەڭبەرىندەگى وتىرىستارعا قاتىستى, ال توراعالار وسىنىڭ ۇستىنە تمد ەلدەرىندەگى وزدەرىنىڭ ارىپتەستەرىمەن ەكىجاقتى كەزدەسۋلەر وتكىزدى. وسى شارالاردىڭ ءبارى دە ماڭىزدى, ولاردىڭ ءبارى دە تمد اۋماعىنداعى پارلامەنتارالىق ينتەگراتسيالىق ۇدەرىستەردىڭ ورىستەي تۇسۋىنە ەلەۋلى ىقپالىن تيگىزەتىن شارالار ەكەنى ءسوزسىز ەدى. سونىڭ ىشىندە قازاقستان توراعالىق ەتەتىن ەۋرازەق پاا وتىرىسىن ونىڭ توراعاسى ن.نىعماتۋلين جۇرگىزىپ وتىردى. بۇل ۇيىم ءبىزدىڭ ەلدەرىمىزدىڭ ەكونوميكالىق ىنتىماقتاستىعىن ارتتىرۋ جولىندا كوپتەگەن شارالاردىڭ باستاماشىسى بولىپ كەلەدى, دەدى ول وتىرىستى اشقان سوزىندە.
بۇرناعى كۇنى كەشكىسىن تمد پاا كەڭەسىنىڭ وتىرىسى باستالدى. وعان تمد ەلدەرى پارلامەنتتەرى پالاتالارىنىڭ باسشىلارى مۇشە بولىپ تابىلادى. ونى رەسەي فەدەرالدىق جينالىسى فەدەراتسيا كەڭەسىنىڭ ءتورايىمى ءارى تمد پاا كەڭەسىنىڭ ءتورايىمى ۆالەنتينا ماتۆيەنكو اشىپ, جۇرگىزىپ وتىردى. ول الدىمەن قازاقستان پارلامەنتى سەناتىنىڭ توراعاسى قاسىم-جومارت توقاەۆتى بۇرىنعى قىزمەتىنە قايتا سايلانۋىمەن ارىپتەستەرى اتىنان قۇتتىقتاپ, ەڭبەگىنە جەمىس تىلەدى. ودان ءارى ۆ.ماتۆيەنكو وتىرىسقا تمد-نىڭ ەكونوميكالىق سوتىنىڭ باسشىلارى دا قاتىسىپ وتىرعانىن ەسكەرتىپ, ورتاق قۇقىقتىق كەڭىستىكتى جاساۋعا يگىلىكتى ىقپال ەتۋدى كوزدەپ ءبىز ەكونوميكالىق سوتپەن ىنتىماقتاستىق ورناتۋ تۋرالى كەلىسىمگە قول قويدىق, دەدى. سونىمەن بىرگە, ول وتىرىسقا تمد ەلدەرى باس پروكۋرورلارى ۇيلەستىرۋ كەڭەسىنىڭ جانە كاسىپوداقتار كونفەدەراتسياسىنىڭ وكىلدەرى, ت.ب. قاتىسىپ وتىرعانىن جەتكىزدى.
جاقسىباي سامرات,
«ەگەمەن قازاقستان» – سانكت-پەتەربۋرگتەن.
