ءىس-شارادا ءوڭىر باسشىسى ەرمەك مارجىقپاەۆ قىلمىستىڭ الدىن الۋ ىسىندەگى شارالاردى ىسكە اسىرۋ جونىندەگى جۇمىس مۇلتىكسىز شارالاردى قابىلداۋدى تالاپ ەتەتىنىن جانە بارلىق مەملەكەتتىك ورگانداردىڭ كۇش-جىگەرىن ۇيلەستىرۋدىڭ ماڭىزدى مىندەتى بولىپ تابىلاتىنىن ءسوز ەتتى. كۇن تارتىبىندە اۋىر جانە اسا اۋىر قىلمىستارعا قاتىستى الدىن الۋ شارالارى, ينتەرنەت-الاياقتىق پەن جول-كولىك وقيعالارىنىڭ الدىن الۋ ماسەلەلەرى قارالدى.
2020 جىلى بارلىق تىركەلگەن قىلمىستاردى تالداۋ كورسەتكەندەي, قىلمىستاردىڭ وسۋىنە الكوگولدى تەرىس پايدالانۋ, جۇمىسسىزدىق, ەسىرتكى قولدانۋ, توتەنشە جاعداي كەزىندە وتباسىلىق جانجالدار اسەر ەتتى.
ءىس-شارادا كارانتين جاعدايىندا كيبەر-قىلمىسكەرلەر بەلسەندىلىگى قوزعالدى. ءاربىر قىلمىستىق ارەكەتتە زيانكەستەر اقپاراتتىق جانە كوممۋنيكاتسيالىق تەحنولوگيالار قۇرالدارىن, ۇيالى بايلانىس قۇرالدارىن جانە ينتەرنەت جەلىسىن پايدالاندى. وسىعان بايلانىستى وبلىستىق پوليتسيا دەپارتامەنتىنىڭ باسشىلىعى وتباسىلىق-تۇرمىستىق قاتىناستار سالاسىندا قۇقىقبۇزۋشىلىقتاردىڭ الدىن الۋ بويىنشا 2020 جىلعا ارنالعان, سونداي-اق ينتەرنەت-الاياقتىقتىڭ الدىن الۋ ماقساتىندا جوسپارلار بەكىتتى. بوتەننىڭ مۇلكىن ۇرلاۋعا قارسى ءىس-قيمىل باعدارلاماسى وزەكتەندىرىلدى.
وسى جىلى جكو سالاسىندا قىلمىستىڭ 18%-عا تومەندەگەنى بايقالعانىنا قاراماستان, ماس كۇيىندە اۆتوكولىكتى باسقارۋدىڭ 1000-عا جۋىق فاكتىسى انىقتالعان, ماس جۇرگىزۋشىلەردىڭ كىناسىنەن وبلىس جولدارىندا 500 جول-كولىك وقيعاسى ورىن الىپ, 87 ادام قازا تاۋىپ, 800 ادام جاراقات العان.
رەسپۋبليكالىق ماڭىزى بار اۆتوجولداردىڭ بويىنداعى قاراۋسىز قالعان مال دا جۇرگىزۋشىلەرگە ۇلكەن قاۋىپ توندىرەدى. وسى جىلى مالدىڭ قاتىسۋىمەن 42 جكو تىركەلدى, وندا 4 ادام ءتۇرلى دارەجەدەگى جاراقات العان.
وسىعان بايلانىستى ءتارتىپ ساقشىلارى ءىرى ەلدى مەكەندەردەگى جاياۋ جۇرگىنشىلەر وتكەلدەرىن جەتىلدىرۋ, ولاردى جارىقتاندىرۋ بويىنشا ۇسىنىستارىن جەتكىزدى, رەسپۋبليكالىق اۆتوموبيل جولدارىن كەڭەيتۋ, كوكشەتاۋ – كراسنىي يار كولىك جۇرەتىن بولىگىن, №12 مەكتەپ اۋدانىنداعى قىلشاقتى وزەنى ارقىلى وتەتىن اۆتوموبيل كوپىرىن, سونداي-اق كوكشەتاۋ قالاسى مەن وبلىستىڭ باسقا دا بىرقاتار كولىك جۇرەتىن بولىكتەرىن جەتىلدىرۋ بويىنشا شارالار قابىلداۋ ۇسىنىلدى.
سوڭعى 5 جىلدا وبلىستا اۋىر قىلمىستاردىڭ 73%-ى ماس كۇيىندە جاسالعانىن اتاپ ءوتۋ ماڭىزدى. بۇل كوبىنەسە الكوگولدى زاڭسىز وتكىزۋمەن, كوبىنەسە ينتەرنەت جەلىسى ارقىلى, كونترافاكتىلىك ءونىمدى ساتۋمەن بايلانىستى. وسى وزەكتى ماسەلەنى شەشۋ ءۇشىن پوليتسيا دەپارتامەنتى تەحنيكالىق جانە مەديتسينالىق قاجەتتىلىكتەر ءۇشىن ساتىلعان ءسپيرتتىڭ ماقساتتى پايدالانىلۋىنا باقىلاۋ ەنگىزۋدى, سونداي-اق الكوگول ءونىمىنىڭ تىكەلەي جانە جاناما جارناماسىن جويۋ جونىندەگى ماسەلەنى قاراۋدى ۇسىندى.
سونداي-اق ءىس-شارادا كوكشەتاۋ مەن ستەپنوگور قالالارىنان باسقا كوپتەگەن ەلدى مەكەندەردە ۋاقىتشا بەيىمدەۋ جانە دەتوكسيكاتسيا ورتالىقتارىنىڭ بولماۋى ماسەلەسى اتاپ ءوتىلدى. بۇرىن قىلمىس جاساعان, تۇراقتى جۇمىس ورنى جوق ادامداردى جۇمىسسىز رەتىندە ەسەپكە قويۋ ماسەلەلەرى دە ءسوز بولدى.
وتىرىس قورىتىندىسى بويىنشا, قۇقىق قورعاۋ ورگاندارىنان كەلىپ تۇسكەن ۇسىنىستاردى ايماق باسشىسى نازارعا الىپ, اۋدان اكىمدەرىنە, باسقارمالار مەن ۆەدومستۆولاردىڭ باسشىلارىنا اقمولا وبلىسى مەن كوكشەتاۋ قالاسىندا قىلمىس دەڭگەيىن تومەندەتۋ ماقساتىندا ودان ءارى الدىن الۋ شارالارى بويىنشا ءتيىستى تاپسىرمالار بەردى.
