اۋداندىق ورتالىق اۋرۋحانانىڭ ىندەتتىڭ ىقتيمال ەكىنشى تولقىنىنا دايىندىق بارىسىن باقىلاعان ومىرزاق ەستاي ۇلى مەديتسينا قىزمەتكەلەرى قورعانىش قۇرالدارىمەن, زالالسىزداندىرۋ زاتتارى جانە ءدارى-دارمەك قورىمەن تولىق قامتاماسىز ەتىلۋى ءتيىس ەكەنىن ايتتى. اۋدان اكىمى ۇلاسبەك سادىبەكوۆكە اۋرۋحانادا ءجۇرىپ جاتقان كۇردەلى جوندەۋدىڭ ساپاسىن قاتاڭ باقىلاۋعا الۋدى تاپسىردى. ەمدەۋ مەكەمەسى 134 مىڭنان استام حالىققا قىزمەت كورسەتەدى. مەديتسينالىق مەكەمەنىڭ 7 بولىمشەسىندە كۇردەلى جوندەۋ جۇمىستارى جۇرگىزىلگەن. سونداي-اق 40 ورىنعا ەسەپتەلگەن ينفەكتسيالىق ءبولىم جاساقتالىپ, COVID-19 -عا دياگنوستيكالىق مەديتسينالىق قۇرال – جابدىقتار تولىق جيناقتالعان. يۆل اپپاراتتارى مەن وتتەگىلىك كونتسەنتراتورلارىمەن قامتاماسىز ەتىلگەن. امبۋلاتورلىق-ەمحانالىق ۇيىمداردا 28 ءموبيلدى توپ قۇرىلىپ, 4500-دەن استام ناۋقاسقا ەمدىك شارا كورسەتىلگەن.
وبلىس اكىمى جۇمىس ساپارى بارىسىندا اقسۋكەنت اۋىلدىق وكرۋگىندەگى مەديتسينالىق بەتپەردەلەر شىعاراتىن «S Medical» جشس-ءنىڭ جۇمىسىمەن تانىستى. تاياۋدا اشىلعان ءوندىرىس ورنىندا تاۋلىگىنە 80 مىڭ, ايىنا 2 ملن دانا مەديتسينالىق بەتپەردە شىعارىلۋدا.
