پارلامەنت • 26 قاراشا، 2020

سەنات جاسىل ەنەرگەتيكانى دامىتۋعا ارنالعان قولايلى جاعدايلاردى قابىلدادى

7 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى. وندا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جاڭارتىلاتىن ەنەرگيا كوزدەرىن پايدالانۋدى قولداۋ جانە ەلەكتر ەنەرگەتيكاسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارادى، دەپ حابارلايدى Egemen.kz.

وسى قۇجات جاڭارتىلاتىن ەنەرگيا كوزدەرىنە قولداۋ كورسەتۋگە ارنالعان. ەلىمىزدىڭ سىرتقى كوزدەرگە ەنەرگەتيكالىق تاۋەلدىلىگىن دە تومەندەتەدى. بۇل ەلەكتر ەنەرگياسىنىڭ ارزانداۋىنا سەپتىگىن تيگىزىپ، تۇتىنۋشىلار ءۇشىن قولايلى جاعداي تۋعىزادى.

«ارزان، تازا، تۇراقتى جانە زاماناۋي ەنەرگيا كوزدەرىنە جالپىعا بىردەي قولجەتىمدىلىكتى قامتاماسىز ەتۋدىڭ ماڭىزى زور. سوعان سايكەس ەلىمىزدە جاڭارتىلاتىن كوزدەردەن الىناتىن ەنەرگيانىڭ ۇلەسىن ارتتىرۋ كوزدەلىپ وتىر. وسى ورايدا، بۇگىن قابىلدانعان زاڭ ەلىمىزدە جاڭارتىلاتىن كوزدەردەن الىناتىن ەنەرگيانى ءوندىرۋ مەن قولدانۋدى ىنتالاندىرۋمەن قاتار، قورشاعان ورتانى قورعاۋعا دا وڭ ۇلەسىن قوساتىنى ءسوزسىز»، – دەدى ماۋلەن اشىمباەۆ.

سونداي-اق، سەنات توراعاسى قۇجاتتا جاڭارتىلاتىن ەنەرگيانى دامىتۋ ءۇشىن قولايلى جاعدايلار مەن تەتىكتەر كورسەتىلگەنىن اتاپ ءوتتى.

سونىمەن قاتار سەنات دەپۋتاتتارى «ەۋرازيالىق ەكونوميكالىق وداققا مۇشە مەملەكەتتەردىڭ ەڭبەكشىلەرىن زەينەتاقىمەن قامسىزداندىرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن قارادى.

بۇل كەلىسىم وداقتىڭ قاي ەلىندە جۇمىس ىستەسە دە ەڭبەكشىلەردى زەينەتاقىمەن قامتۋ سول مەملەكەتتىڭ ازاماتتارىمەن تەڭ جاعدايدا جۇرگىزىلۋىن كوزدەيدى. زاڭ بويىنشا ءار مەملەكەت ءوز اۋماعىندا جۇمىس ىستەگەن كەزەڭ ءۇشىن تولەيدى دەپ قاراستىرىلعان.

ودان بولەك، پالاتانىڭ جالپى وتىرىسىندا التى دەپۋتاتتىق ساۋال جولداندى. سەنات توراعاسىنىڭ ورىنباسارى نۇرلان ءابدىروۆ پەن رىسقالي ابدىكەروۆتىڭ ساۋالىندا ەلىمىزدىڭ كولىكتىك باقىلاۋ جۇيەسىندەگى ماسەلەلەر كوتەرىلدى. سەناتور بەكبولات ورىنبەكوۆ مونو جانە شاعىن قالالاردا جۇمىس ىستەيتىن جاس ماماندارعا الەۋمەتتىك قولداۋدىڭ جوقتىعىن ءسوز ەتتى. ال نۇرتورە ءجۇسىپ كىتاپحانالار مەن ارحيۆتەردەگى تسيفرلاندىرۋ جاعدايىنا نازار اۋداردى. دەپۋتات اقمارال ءالنازاروۆا باق پەن تسيفرلىق پلاتفورمالاردا زياندى تاعام ونىمدەرىنىڭ ماركەتينگىن شەكتەۋ جانە رەتتەۋ بويىنشا زاڭنامالىق شارالار قابىلداۋ قاجەتتىگىن ايتتى. اندرەي لۋكين «نۇرلى جەر» مەملەكەتتىك باعدارلاماسىنا بولىنگەن بيۋدجەت قاراجاتىن يگەرۋ دەڭگەيىنىڭ تومەن ەكەنىنە جانە ازاماتتاردى باسپانامەن قامتۋ ىسىندەگى قولدان جاسالعان جوعارى كورسەتكىشتەرگە الاڭداۋشىلىق ءبىلدىردى. ءوز كەزەگىندە باقىتجان جۇماعۇلوۆ جەتىسۋ وڭىرىندەگى قاپال ەلدىمەكەنىنىڭ جاعدايىن ايتىپ، وسى اۋىلداعى ءحىح عاسىردا نەگىزى قالانعان ۇيلەر مەن تاريحي نىسانداردى ساقتاپ قالۋ قاجەتتىگىن تىلگە تيەك ەتتى.

 

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

ۇقساس جاڭالىقتار