گەندەرلىك زورلىقتى بولدىرماۋ جونىندە ونلاين-كونفەرەنتسيا ءوتتى

قوعام • 26 قاراشا، 2020

گەندەرلىك زورلىقتى بولدىرماۋ جونىندە ونلاين-كونفەرەنتسيا ءوتتى

12 رەت كورسەتىلدى

«گەندەرلىك زورلىق-زومبىلىققا قارسى بەلسەندى ءىس-ارەكەتتىڭ 16 كۇندىگى» حالىقارالىق ناۋقانىنىڭ اياسىندا «گەندەرلىك زورلىقتى بولدىرماۋ جانە ايەلدەردىڭ ءادىل سوتقا قول جەتىمدىلىگىن ارتتىرۋ» اتتى حالىقارالىق ونلاين-كونفەرەنتسياسى ءوتتى، دەپ حابارلايدى Egemen.kz.

Marzhan Tileubekova

كونفەرەنتسيا قازاقستان رەسپۋبليكاسى پرەزيدەنتiنiڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونiندەگi ۇلتتىق كوميسسيانىڭ (بۇدان ءارى — ۇلتتىق كوميسسيا) قولداۋىمەن نۇر-سۇلتانداعى ەقىۇ باعدارلامالار كەڭسەسى، دەموكراتيالىق ينستيتۋتتار جانە ادام قۇقىقتارى جونىندەگى بيۋرو، قازاقستانداعى «بۇۇ-ايەلدەر» قۇرىلىمى، بۇۇ حالىقتىڭ قونىستانۋى سالاسىنداعى قورى (يۋنفپا) جانە #نەمولچيKZ قوعامدىق قورى بىرلەسىپ ۇيىمداستىردى.

العاشقى ءسوز كەزەگى ۇلتتىق كوميسسيانىڭ ءتورايىمى لاززات رامازانوۆاعا بەرىلدى. «مەملەكەتتىڭ ماڭدايالدى مىندەتىنىڭ ءبىرى — زورلىقپەن كۇرەس. وتباسىنداعى زورلىق-زومبىلىق قوعامعا كەرى اسەر ەتەدى. قازاقستاندا بۇگىندە قولعا الىنىپ جاتقان شارانىڭ ءبارى قوعامدا ايەلدەر مەن بالالاردىڭ قۇقىعىنا قول سۇعۋدى تۇبەگەيلى جويۋ ءۇشىن جاسالىپ جاتىر» دەپ اتاپ ءوتتى.

كونفەرەنتسياعا ۇلتتىق كوميسسيا مۇشەلەرى، ورتالىق مەملەكەتتىك ورگاندار، ايەلدەر ىستەرى جانە وتباسىلىق-دەموگرافيالىق ساياسات جونىندەگى وڭىرلىك كوميسسيالار، ۇكىمەتتىك ەمەس ۇيىمدار جانە حالىقارالىق ۇيىمدار وكىلدەرى، سونىمەن قاتار داعدارىس ورتالىقتارىنىڭ جەتەكشىلەرى قاتىستى.

كەزدەسۋدە تۇرمىستىق زورلىق-زومبىلىقتىڭ الدىن الۋدىڭ قازاقستاندىق جانە حالىقارالىق تاجىريبەسى، ونى ۆەدومستۆولاردىڭ ەلەۋى، داعدارىس ورتالىقتارىنىڭ قىزمەتى، COVID-19 پاندەمياسى كەزىندە ايەلدەرگە قاتىستى زورلىق-زومبىلىققا جول بەرمەۋ ءۇشىن جاسالاتىن ءتيىمدى شارالار ءسوز بولدى.

قازاقستانداعى «بۇۇ-ايەلدەر» قۇرىلىمى مەن يۋنفپا جۇرگىزگەن جەدەل گەندەرلىك باعالاۋعا قاتىسقان قاتىسۋشىلاردىڭ 15،3% COVID-19 تارالۋى كەزىندە تۇرمىستىق زورلىق-زومبىلىقتىڭ كوبەيگەنىن ەستىگەنىن، ءتىپتى كەيبىرى ءوزىنىڭ دە باسىنان وتكەرگەنىن اتاپ وتكەن. كارانتين ۋاقىتىندا تۇرمىستىق زورلىق-زومبىلىق تۋرالى حابارلاعاندارعا كەلسەك، 25-34 جاستاعى ايەلدەر ۇلەسى (16،6%)، اجىراسقاندار (22،8%)، حالىقتىڭ الەۋمەتتىك تۇرعىدان جاعدايى تومەن توپ وكىلدەرى (22%). سونىمەن بىرگە ساۋالناماعا قاتىسقان ايەلدەردىڭ 80% استامى پاندەميا كەزىندە انالاردى قورعاۋ، وتباسىن جوسپارلاۋ، تۇرمىستىق زورلىق-زومبىلىق كورگەندەرگە پسيحولوگيالىق قولداۋ ءبىلدىرۋ قىزمەتىنە جۇگىنبەگەن.

گەندەرلىك زورلىق-زومبىلىققا قارسى ءوزىنىڭ قىزمەتىن اتقارۋ كەزىندە ەقىۇ-نىڭ نۇر-سۇلتانداعى باعدارلامالار كەڭسەسى 2020 جىلى قازاقستاننىڭ سەگىز ايماعىنداعى داعدارىس ورتالىعىنىڭ الەۋەتىن ارتتىرۋدا. بۇل جەرلەردە قوسىمشا ورىندار ءبولىنىپ، تۇرمىستىق زورلىق-زومبىلىققا تاپ بولعاندارعا جان-جاقتى كومەك كورسەتەتىن ماماندار تارتىلادى.

«قازاقستاندا وتباسىنداعى كيكىلجىڭگە بايلانىستى پوليتسياعا كۇنىنە 500-دەن اسا شاعىم كەلىپ تۇسەدى. قوعامنىڭ مىندەتى سول — مەملەكەتتىڭ، حالىقارالىق قورلاردى، ۇكىمەتتىك ەمەس ۇيىمداردىڭ كورسەتىپ جاتقان كومەگىن ءار وتباسىنا جەتكىزۋ. زورلىق كورگەندەرمەن عانا ەمەس، اگرەسسورلارمەن دە كەشەندى ءارى جۇيەلى جۇمىس جۇرگىزۋ كەرەك. زورلىقتىڭ تامىرىن بىرلەسىپ قانا ۇزۋگە بولادى»، - دەيدى قۇقىق قورعاۋشى، #نەمولچيKZ حالىقارالىق قوزعالىسى كوشباسشىلارىنىڭ ءبىرى، كونفەرەنتسيا ۇيىمداستىرۋشىسى دينا سمايلوۆا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز