وقيعا • 26 قاراشا، 2020

دارىگەرلەر شەكارادان وتكەندەرگە جالعان انىقتامالار ساتقان

16 رەت كورسەتىلدى

ۇلتتىق قاۋىپسىزدىك كوميتەتىنىڭ وكىلدەرى كارانتين كەزىندە قازاقستان اۋماعىنا زاڭسىز كىرىپ-شىققانداردى انىقتادى، دەپ حابارلايدى Egemen.kz 

قر ۇقك شقو بويىنشا دەپارتامەنتىمەن "ج" جەكە مەديتسينالىق ورتالىعىمەن ۇيىمداستىرىلعان قر شەكاراسىن زاڭسىز وتۋگە قولدانىلاتىن جالعان دارىگەرلىك كونسۋلتاتسيالىق كوميسسيا (دكك) قورىتىندىلارىن ساتۋ بويىنشا قىزمەتى توقتاتىلدى.

"بيىل 18 قىركۇيەكتە جەدەل-ىزدەستىرۋ شارالارى كەزىندە جالعان دكك قورىتىندىسىن باقىلاۋ ساتىپ الۋ ناتيجەسىندە اتالعان مەديتسينالىق ورتالىق قىزمەتكەرلەرىنىڭ زاڭسىز ارەكەتى راستالدى. جەدەل-تەرگەۋ شارالاردىڭ ناتيجەسىندە الدىندا بەرىلگەن 200 جۋىق دكك قورىتىندىلارى، دارىگەرلەردىڭ قولى مەن تاڭبالارى قويىلعان تولتىرىلماعان بلانكىلەر، تاڭبالار جانە كومپيۋتەرلىك تەحنيكا تابىلىپ، تاركىلەنىپ الىندى"، دەيدى كوميتەتتەگىلەر.

 

كۋاگەرلەردەن جاۋاپ الۋ ناتيجەسىندە دكك قورىتىندىلارىنىڭ تۇپنۇسقالارى الىنىپ، سايكەس ەكسپەرتيزاعا جولداندى.

ۇقك مالىمەتىنشە، مەديتسينالىق ورتالىقتىڭ ديرەكتور ورىنباسارى مەن باس دارىگەرى 5 مىڭ تەڭگە اقشالاي سىياقى ءۇشىن جالعان دكك قورىتىندىلارىن تۇلعالارعا ساتىپ وتىرعان. سونىمەن قاتار، شەتەل مەديتسينالىق مەكەمەسىنەن شاقىرۋ قاجەت بولعان جاعدايدا، قىزمەت باعاسى 10 تەڭگەگە باعالاندى.

"اتالعان فاكت بويىنشا قر ۇقك شقو بويىنشا دەپارتامەنتىمەن قر قق 385 بابى 1 تارماعى بويىنشا قىلمىستىق ءىس قوزعالدى. جۇرگىزىلگەن تەرگەۋ شارالارى جانە جيناقتالعان دالەلدەمەلەر ناتيجەسىندە كۇدىكتىلەر ءوز كىناسىن تولىعىمەن مويىندادى. ناتيجەسىندە 2020 جىلدىڭ 19 قاراشاسىندا سوتپەن كۇدىكتىلەر قر قق 385 بابى 2 تارماعى بويىنشا كىنالى بولىپ تابىلىپ، ارقايسىسىنا 1000 مەك كولەمىندە ايىپپۇل تاعايىندالدى. وسى جىلدىڭ قىركۇيەگىنەن باستاپ 3 شقو تۇرعىنى جالعان دكك قورىتىندىلارىن پايدالانۋ ارقىلى شەكارادان زاڭسىز ءوتۋ ارەكەتى توقتاتىلدى"، دەلىنگەن حابارلامادا.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

ۇقساس جاڭالىقتار