الەم • 26 قاراشا، 2020

نۇر-سۇلتاندا كورەي تۇبەگىندەگى قاۋىپسىزدىك ماسەلەلەرى تالقىلاندى

11 رەت كورسەتىلدى

سىرتقى ىستەر ءمينيسترىنىڭ ورىنباسارى ەرجان اشىقباەۆ كورەيا رەسپۋبليكاسىنىڭ قازاقستانداعى ەلشىلىگى ۇيىمداستىرعان كورەي تۇبەگىن يادرولىق قارۋسىزداندىرۋ تاقىرىبىنداعى ۆەبيناردا ءسوز سويلەدى.

ءىس-شاراعا قر تۇڭعىش پرەزيدەنتى قورى جانىنداعى الەمدىك ەكونوميكا جانە ساياسات ينستيتۋتىنىڭ باسشىلىعى، ديپلوماتيالىق كورپۋس پەن اكادەميالىق توپتاردىڭ، مەملەكەتتىك ورگانداردىڭ وكىلدەرى، بىرقاتار جوعارى وقۋ ورىندارىنىڭ ستۋدەنتتەرى جانە باسقالار قاتىستى.

ءىس-شارانى اشقان ە. اشىقباەۆ تالقىلاناتىن ماسەلە كورەي تۇبەگىندەگى بەيبىتشىلىك پەن تۇراقتىلىقتى قامتاماسىز ەتۋ ىسىندە عانا ەمەس، سونداي-اق بۇكىل وڭىردە جانە الەمدە ۇزاق مەرزىمدى قاۋىپسىزدىكتى نىعايتۋ ىسىندە دە وتە وزەكتى جانە ماڭىزدى ەكەنىنە نازار اۋداردى. وسى تۇرعىدا ول تۇڭعىش پرەزيدەنت – ەلباسى نۇرسۇلتان نازارباەۆتىڭ كەلەسى جىلى 30 جىلدىعىن اتاپ وتەتىن سەمەي يادرولىق پوليگونىن جابۋ تۋرالى شەشىمى جاھاندىق دەڭگەيدە بەيبىتشىلىك پەن قاۋىپسىزدىكتى قامتاماسىز ەتۋگە ۇلكەن ۇلەس قوسقانىن اتاپ ءوتتى.

وتاندىق ديپلومات ەلىمىزدىڭ قارۋسىزدانۋ سالاسىنداعى تاجىريبەسى كورەيا حالىق دەموكراتيالىق رەسپۋبليكاسى ءۇشىن ەڭ ۇزدىك تاجىريبە مەن ۇلگى بولا الاتىنىن اتاپ ءوتتى. قازاقستان 2017-2018 جىلدارى بۇۇ قاۋىپسىزدىك كەڭەسىنە تۇراقتى ەمەس مۇشەلىگىنىڭ ەكى جىلى ىشىندە پحەنياننىڭ يادرولىق باعدارلاماسى توڭىرەگىندەگى داعدارىستى بەيبىت، ساياسي-ديپلوماتيالىق رەتتەۋىن نىق جانە دايەكتى تۇردە قولدادى.

ءىس-شارانىڭ نەگىزگى بايانداماشىلارى رەتىندە وڭتۇستىك كورەيانىڭ بەلگىلى ساراپشىلارى شاقىرىلدى، ولار قازاقستاننىڭ يادرولىق قارۋسىزدانۋ سالاسىنداعى تاجىريبەسىن مىسالعا كەلتىرىپ، سەۋلدىڭ كورەي تۇبەگىن دەنۋكلەاريزاتسيالاۋ سالاسىنداعى ساياساتى تۋرالى، سونداي-اق كورەيا رەسپۋبليكاسى مەن كورەيا حالىق دەموكراتيالىق رەسپۋبليكاسى اراسىنداعى قارىم-قاتىناستاردىڭ قازىرگى احۋالى تۋرالى حاباردار ەتتى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

زاكيريانوۆتىڭ «زووباعى»

پىكىر • بۇگىن، 07:45

ۇقساس جاڭالىقتار