سەزدە مەملەكەت باسشىسى قاسىم-جومارت كەمەل ۇلى توقاەۆ پارتيانىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر» اتتى سايلاۋالدى باعدارلاماسىن تانىستىردى. پرەزيدەنتىمىز اتاپ وتكەندەي, بۇل – جان-جاقتى پىسىقتالعان, بارلىق تالاپ-تىلەكتەر ەسكەرىلگەن ناقتى قۇجات. وندا الداعى ۋاقىتتا ىسكە اسىراتىن نەگىزگى باسىمدىقتار ايقىن كورسەتىلگەن.
ولار: ءار ازاماتقا ءوز الەۋەتىن جۇزەگە اسىرۋ ءۇشىن تەڭ مۇمكىندىك بەرۋ, ينتەللەكتۋالدى ۇلت قالىپتاستىرۋ, وڭىرلەردىڭ تۇراقتى ەكونوميكالىق دامۋىن قامتاماسىز ەتۋ, حالىق ۇنىنە قۇلاق اساتىن, ەسەپ بەرەتىن مەملەكەت جانە ازاماتتاردىڭ جاۋاپكەرشىلىگىن ارتتىرۋ.
پرەزيدەنتىمىز ايتقانداي, باعدارلاما ەلدىڭ الەۋمەتتىك ىلگەرىلەۋىنە جانە ازاماتتاردىڭ ءال-اۋقاتىن ارتتىرۋعا ارنالعان ناقتى شارالار كەشەنىن ۇسىنادى. ولاردى ىسكە اسىرۋ ءۇشىن 21 تريلليون تەڭگە بولىنەتىن بولدى. بۇل قاراجات مەملەكەت تاراپىنان حالىقتىڭ بارلىق توبىنا بىردەي قولداۋ كورسەتۋگە جۇمسالادى.
الداعى ۋاقىتتا اتالعان باسىمدىقتاردى جۇزەگە اسىرۋ جولىندا ءبارىمىز جۇدىرىقتاي جۇمىلىپ, ورتاق ماقساتقا بىرگە قول جەتكىزەيىك!
ماۋلەن اشىمباەۆ,
پارلامەنت سەناتىنىڭ توراعاسى
