توپتىق كەزەڭنىڭ اياقتالۋىنا ءالى ەكى تۋر قالعان بولسا دا, ە جانە G توبىندا العاشقى ەكى ورىندى يەلەنىپ, ءتۋرنيردىڭ كەلەسى كەزەڭىنە جولداما العان كوماندالار انىقتالدى. ە توبىندا «چەلسي» مەن «سەۆيليا», G توبىندا «بارسەلونا» مەن «يۋۆەنتۋس» پلەي-وفف ماسەلەسىن ەرتە شەشىپ قويدى. بۇل تۋردا «چەلسي» سىرت الاڭدا «رەنن» كلۋبىنان 2:1 ەسەبىمەن باسىم تۇسسە, «سەۆيليا» دا ءدال وسىنداي ەسەپپەن «كراسنوداردى» جەڭدى.
G توبىندا «بارسەلونا» كيەۆتە «دينامونى» 4:0 ەسەبىمەن تاس-تالقانىن شىعارسا, «يۋۆەنتۋس» ءوز الاڭىندا «فەرەنتسۆاروشتى» 2:1 ەسەبىمەن جەڭىپ, قاجەتتى ءۇش ۇپايىنا قول جەتكىزدى. سونىمەن قاتار F توبىندا «لاتسيو» مەن «بورۋسسيا د» كەزەكتى ءۇش ۇپايىن يەلەنىپ, كەيىنگى كەزەڭگە ءبىر تابان جاقىنداي ءتۇستى. ن توبىندا پسج ءوز الاڭىندا نەيماردىڭ پەنالتيدەن سوققان جالعىز گولىنىڭ ارقاسىندا جەڭىسكە جەتسە, «مانچەستەر يۋنايتەد» سىرت الاڭدا تۇركيا چەمپيونىن ءىرى ەسەپپەن (4:1) تىزە بۇكتىردى.
