جازۋشىنىڭ ءوزى «ۇشقان ۇيا» اتتى ومىرباياندىق كىتابىندا جۋالى اۋدانىنداعى كولباستاۋ اۋىلىندا دۇنيەگە كەلگەنىن, اكەسى مومىشتىڭ ەل اراسىندا اعاش ۇستاسى جانە ەتىكشى, زەرگەرلىگىمەن تانىمال بولعانىن, اناسى ءرازيانىڭ ەرتە دۇنيەدەن وتكەنىن, سول كەزدەن باستاپ اجەسى قىزتۋماستىڭ قولىندا وسكەنىن جازادى.
باتىردىڭ ونەگەلى ءومىر جولىن بۇگىنگى ۇرپاققا كەڭىنەن ناسيحاتتاۋ ماقساتىندا شۋ اۋدانى جاڭاجول اۋىلىنداعى ب.مومىش ۇلى اتىنداعى ورتا مەكتەپتىڭ كىتاپحاناسىندا قالامگەردىڭ ەلۋگە جۋىق ادەبي كىتاپتارى قويىلدى. ارنايى ۇيىمداستىرىلعان كورمەگە كەلۋشىلەر جازۋشىنىڭ «ۇشقان ۇيا», «مۋزەي اپا», «ارپالىس», «گەنەرال پانفيلوۆ», «ايتىلماعان اقيقات» جانە «الىستان سالەم جولدايمىن» اتتى كىتاپتارىمەن تانىستى. ءار جىلدارى جازىلعان بۇل شىعارمالاردا سول كەزەڭنىڭ ءتۇرلى سۋرەتتەرى جازۋشى كوزىمەن بەرىلگەن. سونداي-اق كەلۋشىلەرگە باۋىرجان مومىش ۇلىنىڭ ومىرىنەن مالىمەتتەر بەرىلىپ, اسىرەسە 1924 جىلى شىمكەنت قالاسىنداعى جەتىجىلدىق مەكتەپتى بىتىرگەن سوڭ مۇعالىم بولىپ جۇمىس ىستەگەنى دە ايتىلدى. «ارينە باۋىرجان مومىش ۇلى اتامىز تۋرالى ايتىلعاندا ءاربىر قازاق سوعىس جىلدارى قان مايداندا قول باستاعان باتىردىڭ تۇلعاسىن ەلەستەتەدى. ەلىمىز باتىر پەرزەنتىنىڭ ەسىمىن ارقاشان ەسىنەن شىعارمايدى. اتامىزدىڭ «وتان ءۇشىن وتقا ءتۇس, كۇيمەيسىڭ», ء«وز ۇلتىن سىيلاماۋ, ونى ماقتانىش ەتپەۋ – ساتقىندىقتىڭ بەلگىسى» دەگەن ناقىل سوزدەرى ءاردايىم ۇرپاققا ۇران بولىپ كەلەدى. سوعىستا بولعان ءاربىر اتا-بابامىزدى قاشاندا جۇرەگىمىزدە, ويىمىزدا, سانامىزدا ساقتاپ, قادىرلەي ءبىلۋىمىز قاجەت», دەيدى جاڭاجول اۋىلىنداعى ب.مومىش ۇلى اتىنداعى ورتا مەكتەپتىڭ كىتاپحانا مەڭگەرۋشىسى نۇرسۇلۋ سەكەەۆا.
كورمەگە كەلۋشىلەر قالامگەردىڭ باي مۇراسىن تاماشالاپ, ءومىرى مەن قىزمەت جولىنداعى تىڭ دەرەكتەرگە دە قانىقتى. جالپى, ب.مومىش ۇلى اتىنداعى مەكتەپتىڭ كىتاپحاناسى الداعى ۋاقىتتا دا باتىر ەسىمىن ۇلىقتاۋدى جالعاستىرا بەرەتىن بولادى.
جامبىل وبلىسى
