«Әлеуметтік кодекс» жобасының тұжырымдамасы талқыланды

Парламент • 26 Қараша, 2020

«Әлеуметтік кодекс» жобасының тұжырымдамасы талқыланды

11 рет көрсетілді

Сенат депутаттары Нариман Төреғалиев пен Динар Нөкетаева палата жанынан құрылған Жас сарапшылар клубының мүшелерімен кездесті. Онда Қазақстан Республикасының жаңа әлеуметтік кодексінің тұжырымдамасы кеңінен талқыланды.

Egemen Qazaqstan

«Мемлекет басшысының тапсырмасы бойынша қазір «Әлеуметтік кодекстің» жобасы әзірленіп жатыр. Заң жобасын дайындау кезінде біз сарапшылардың пікірін ескеруіміз керек. Сондай-ақ әлеуметтік саясаттың барлық мәселелерін егжей-тегжейлі қарастырып, нормативтік құқықтық актілерді бір кодексте жүйелеу қажет. Бұл, ең алдымен, азаматтарымыз үшін қолайлы», деді Нариман Төреғалиев.

Депутаттар мен сарапшылар «Әлеуметтік кодексте» зейнетақымен қамсыздандыру, әлеуметтік көмек пен сақтандыру, әлеуметтік кепілдіктерді, сондай-ақ минималды әлеуметтік стандарттар мен әлеуметтік тәуекелдерді басқару және халықты әлеуметтік қорғау саласындағы қоғамдық қатынастардың кең спектрі қамтылуы керек деп есептейді.

«Бұл құжат ең төменгі жалақы, күнкөріс минимумі, кедейлік шегі енетін, оларды қалыптастыру тетіктері айқын және халыққа түсінікті болатын әлеуметтік стандарттарға негізделуі керек», дейді экономист Асқар Қысықов.

Сонымен қатар Сенат жанындағы Жас сарапшылар клубының өкілдері «Әлеуметтік кодексте» қазақстандықтардың әлеуметтік-экономикалық құқықтары мен бала құқықтарын қорғаудың шаралары белгіленіп, қайырымдылық, еріктілер және әлеуметтік кәсіпкерлік мәселелері ескерілуі керек деген пікір қосты, деп хабарлады Парламент Сенатының баспасөз қызметі.

Күннің маңызды және өзекті жаңалықтарын «Егемен Қазақстан» телеграм каналынан оқыңыз