ايماقتار • 25 قاراشا، 2020

نۇر-سۇلتاندا گاز باللونى قولدانىلاتىن تاماقتانۋ ورىندارى تەكسەرىلەدى

5 رەت كورسەتىلدى

نۇر-سۇلتاندا ۆەدومستۆوارالىق كوميسسيا گاز باللوندارى قولدانىلاتىن تاماقتانۋ ورىندارىن جوسپاردان تىس تەكسەرۋ بويىنشا جۇمىسىن باستادى.

21 قاراشادا كافەدە بولعان گاز باللونى جارىلىسى سالدارىنان 30-دان استام ادام جاراقات الدى، ەكى ادام قازا بولدى. حالىقتىڭ ءومىرى مەن دەنساۋلىعىنا ۇلكەن قاۋىپ توندىرەتىن وسى توتەنشە جاعدايدى ەسكەرە وتىرىپ نۇر-سۇلتان اكىمدىگى قوعامدىق تاماقتانۋ ورىندارىن جوسپاردان تىس تەكسەرۋدى باستادى. ەلوردا اكىمى التاي كولگىنوۆتىڭ تاپسىرماسى بويىنشا جۇمىس توبى قۇرىلدى، ونىڭ قۇرامىنا توتەنشە جاعدايلار دەپارتامەنتى، ىشكى ىستەر مينيسترلىگى، تۇرعىن ءۇي ينسپەكتسياسى، اكىمدىك، ونەركاسىپتىك قاۋىپسىزدىك باسقارماسى جانە ت.ب. كىرەدى. كوميسسيانى اكىم ورىنباسارى باقتيار ماكەن باسقارادى.

«مەملەكەت كاسىپكەرلەردى قولداۋ ءۇشىن بارلىق جاعدايلاردى جاسايدى، تەكسەرۋلەرگە موراتوري جاريالاندى. ءبىز كاسىپكەرلەرىمىزگە سەنەمىز. شوب نىساندارى ءوز كەزەگىندە بارلىق قاۋىپسىزدىك ەرەجەلەرىن ساقتاۋى كەرەك. ادام ءومىرى مەن دەنساۋلىعىنا ەشتەڭە قاۋىپ توندىرمەۋى كەرەك. وتكەن اپتادا بولعان وقيعانى ەسكەرە وتىرىپ، ءموبيلدى توپ جوسپاردان تىس تەكسەرۋلەرگە بارىپ، قوسىمشا نۇسقاۋلار بەرەدى. ەگەر زاڭ بۇزۋشىلىقتار انىقتالسا، مەنشىك يەلەرىنە ايىپپۇل جانە ودان دا قاتال جازا قولدانىلادى»، - دەدى جۇمىس توبىنىڭ مۇشەسى، ينۆەستيتسيالار جانە كاسىپكەرلىكتى دامىتۋ باسقارماسى باسشىسى ەرلان بەكمىرزاەۆ.

جيىندا قولدانىستاعى باللونداردى كەم دەگەندە 5 جىلدا ءبىر رەت قاراپ، كۋالاندىرۋ كەرەك ەكەندىگى ەسكە سالىندى.

كورروزيالىق گازدارمەن تولتىرۋعا ارنالعان باللوندار (حلور، مەتيلحلوريد، فوسگەن، كۇكىرتتى سۋتەك، كۇكىرت ديوكسيدى، حلورسۋتەك جانە باسقالارى)، سونداي-اق اۆتوموبيلدەر مەن باسقا دا كولىك قۇرالدارى ءۇشىن وتىن رەتىندە قولدانىلاتىن سىعىلعان جانە سۇيىتىلعان گازدارعا ارنالعان باللوندار كەم دەگەندە 2 جىلدا ءبىر رەت تەكسەرىلۋى ءتيىس.

«گاز جانە گازبەن جابدىقتاۋ تۋرالى» زاڭعا سايكەس، سۇيىلتىلعان مۇناي گازىن ەكى قاباتتان جوعارى كوپ قاباتتى تۇرعىن ۇيلەردەگى تۇرمىستىق باللونداردا ساقتاۋعا جانە (نەمەسە) پايدالانۋعا تىيىم سالىنادى.

گاز تۇتىناتىن جۇيەلەر مەن گاز جابدىقتارىنىڭ يەلەرى ولاردىڭ ءتيىستى تەحنيكالىق جاعدايى مەن قاۋىپسىزدىگىن قامتاماسىز ەتۋگە مىندەتتى.

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار