ايماقتار • 25 قاراشا، 2020

تۇركىستان وبلىسىندا "ەڭبەك" باعدارلاماسى اياسىندا 67 مىڭ ادام قولداۋ الدى

16 رەت كورسەتىلدى

1 قاراشاداعى جاعداي بويىنشا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە تۇركىستان وبلىسىندا 67 مىڭ ازاماتقا قولداۋ كورسەتىلدى، ونىڭ 48 مىڭنان استامى تۇراقتى نەمەسە سۋبسيديالاناتىن جۇمىس ورىندارىنا جۇمىسقا ورنالاستىرىلدى.

ارىس قالاسىنىڭ تۇرعىنى، 24 جاستاعى ايدوس دوسىمجان ۇزاق ۋاقىت بويى وزىنە لايىقتى جۇمىس تابا الماي جۇرگەن. جۇمىسپەن قامتۋ ورتالىعىندا وعان تاڭداۋ ءۇشىن بىرنەشە بوس جۇمىس ورنى ۇسىنىلدى جانە ول ءوز قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ جانىنداعى «ۇيدە الەۋمەتتىك قىزمەت كورسەتۋ» كوممۋنالدىق مەملەكەتتىك مەكەمەسىنە الەۋمەتتىك قىزمەتكەر بولىپ جۇمىسقا ورنالاسۋعا شەشىم قابىلدادى.

«جۇمىسپەن قامتۋ ورتالىعىنا حابارلاسۋعا باعدارلاما بويىنشا جۇمىس تاپقان دوسىم كەڭەس بەردى. مەن بەس اي بويى الەۋمەتتىك قىزمەتكەر بولىپ جۇمىس ىستەيمىن. ونىڭ ءۇش ايىندا – ۇيىمنىڭ شتاتىندا تۇراقتى قىزمەتكەر رەتىندە قىزمەت ەتۋدەمىن. وزىمە ۇنايدى، پەرسپەكتيۆا بار»، – دەدى جاس جىگىت.

«ەڭبەك» مەملەكەتتىك باعدارلاماسىنىڭ تاعى ءبىر قاتىسۋشىسى ءالىمجان حاسان جەتىساي قالاسىنىڭ جاستار رەسۋرستىق ورتالىعىندا تۇراقتى جۇمىسقا ورنالاستى. وسى وڭىردە، بىراق №1 بالالار-جاسوسپىرىمدەر سپورت مەكتەبىنە ەلامان تۇردىمۇراتوۆ ورنالاستى.

سونىمەن قاتار، تۇركىستان وبلىسىندا كاسىپكەرلىك باستامانى دامىتۋعا ەرەكشە كوڭىل بولىنەدى. ماسەلەن، «ەڭبەك» مەملەكەتتىك باعدارلاماسى اياسىندا سارىاعاش اۋدانىنىڭ تۇرعىنى فاتيما رۋزيەۆا جەڭىلدەتىلگەن شارتتارمەن ميكروكرەديت الىپ، 15 تىگىن ماشيناسىن ساتىپ الىپ، كامۋفلياج كيىمىن تىگەتىن تسەح اشىپ، قوسىمشا 6 ادامدى جۇمىسپەن قامتىپ وتىر.

ء«اربىر جۇگىنگەن ادامعا وزىنە جاقىن سالا بويىنشا بارىنشا كەڭ تاڭداۋ بەرۋگە تىرىسامىز. جاستار مەن كوپبالالى انالارعا باسىمدىق بەرىلەدى. بالالاردى تاربيەلەۋدەن قول ۇزبەي، مەملەكەتتىك گرانت قاراجاتى ەسەبىنەن جەكە ءىسىن اشىپ، ۇيدە جۇمىس ىستەۋگە مۇمكىندىگى بار»، – دەپ اتاپ ءوتتى تۇركىستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆا.

ءوڭىردىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە، اعىمداعى جىلعى 1 قاراشاداعى جاعداي بويىنشا مەملەكەتتىك باعدارلاما شەڭبەرىندە جۇمىسپەن قامتۋعا جاردەمدەسۋ بويىنشا شارالاردى 67 مىڭنان استام ادام الدى. وسىلايشا، 2 مىڭعا جۋىق ادام كاسىپتىك وقىتۋدان ءوتتى، كاسىپكەرلىك قىزمەتتى دامىتۋعا گرانتتار مەن جەڭىلدىكتى كرەديتتەر 10،5 مىڭ ادامعا بەرىلدى، تۇراقتى جۇمىس ورىندارىنا 23،7 مىڭ ازامات، ال جاستار پراكتيكاسى بويىنشا 6 مىڭ ادام جۇمىسقا ورنالاستىرىلدى. ءوڭىردىڭ 4 277 تۇرعىنىنا الەۋمەتتىك جۇمىس ورىندارى ۇسىنىلدى، 20،4 مىڭ ادام قوعامدىق جۇمىستارعا تارتىلدى.

ەستەرىڭىزگە سالا كەتەيىك، بيىل قازاقستان بويىنشا «ەڭبەك» باعدارلاماسىنا 580،9 مىڭنان استام ادام قاتىسىپ، ءتۇرلى قولداۋ تۇرلەرىن الدى. 379،5 مىڭ ادام جۇمىسقا، ونىڭ ىشىندە 231،5 مىڭ ادام تۇراقتى جۇمىسقا ورنالاستىرىلدى، مەملەكەت سۋبسيديالايتىن جۇمىس ورىندارىنا 198 مىڭ ادام جۇمىسقا تۇردى، 12 مىڭ جەڭىلدىكتى كرەديت جانە 34 مىڭ قايتارىمسىز گرانت بەرىلدى، «باستاۋ بيزنەس» جوباسى بويىنشا كاسىپكەرلىك نەگىزدەرىنە قىسقا مەرزىمدى وقىتۋدان 33،2 مىڭ ادام ءوتتى.

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار