ايماقتار • 25 قاراشا، 2020

قىزدار ۋنيۆەرسيتەتىنىڭ ستۋدەنتى "قايىرىمدى قوعام" بايقاۋىندا جەڭدى

7 رەت كورسەتىلدى

قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتى ديليارا نادىرحانوۆا "مەن جاستارعا سەنەمىن!" VIII رەسپۋبليكالىق جاستار فورۋمى اياسىندا ۇيىمداستىرىلعان "قايىرىمدى قوعام" ستۋدەنتتىك قايىرىمدىلىق جوبالار بايقاۋىندا توپ جارىپ، باس جۇلدەگە يە بولدى، دەپ حابارلايدى Egemen.kz

جەڭىمپازعا ءال-فارابي اتىنداعى قازاق ۇلتتىق ۋنيۆەرسيتەتىندە 1 جىل تەگىن وقۋ ءبىلىم گرانتى تاعايىندالدى.

ديليارا نادىرحانوۆانىڭ بەلسەنە اتسالىسۋىمەن "قايىرىمدى قوعام" اتتى چەللەندج اياسىندا قىزدار ۋنيۆەرسيتەتىندە ىزگىلىككە نەگىزدەلگەن اكتسيالار مەن ءىس-شارالاردى وتكىزۋ قولعا الىندى. ءال-ءفارابيدىڭ 1150 جىلدىق مەرەيتويىنا وراي قازۇۋ-دان باستاۋ العان يگىلىكتى ىسكە ۇلاعات ۇياسى اتانعان قىزپۋ-دىڭ ءبىلىم الۋشىلارى جان-جاقتى قولداۋ كورسەتىپ، جالعاسىن تابۋدا.

قازىرگى كۇندە وقۋ ورنى ستۋدەنتتەرىنىڭ باستاماسىمەن قايىرىمدىلىق جارمەڭكەلەرى تۇراقتى تۇردە ۇيىمداستىرىلادى. ءىس-شارانىڭ باستى ماقساتى – ۋنيۆەرسيتەت ۇجىمى مەن ستۋدەنتتەرىنىڭ ساناسىنا مەيىرىمدىلىك، سۇيىسپەنشىلىك، قايىرىمدىلىق سياقتى ىزگى ۇعىمداردى قالىپتاستىرۋ. سونىمەن قاتار، الەۋمەتتىك جاعدايى تومەن جەتكىنشەكتەرگە كومەك كورسەتۋ، ولاردى رۋحاني تۇرعىدا قولداپ-قۋاتتاۋ. دانا حالقىمىزدا "قايىرىمدىلىق جاساساڭ، قايىرىمىن ءوزىڭ كورەسىڭ" دەگەن ۇلاعاتتى ءسوز بار. قايىرىمدىلىق – ۇلتىمىزدىڭ ەڭ ىزگى قاسيەتتەرىنىڭ ءبىرى. "جاناشىرلىققا جان ريزا" دەگەندەي قىزدار ۋنيۆەرسيتەتىنىڭ ستۋدەنتتەرىنىڭ كومەككە مۇقتاج جارىمجان ازاماتتارعا قامقورلىق كورسەتىپ، جۇرەك جىلۋىن ۇسىنۋى ءھام ساۋابى مول ىسكە اتسالىسۋى – كوپكە ۇلگى بولاتىن يگىلىكتى ءىس دەپ بىلەمىز. الەۋمەتتىك ادىلدىك، تەڭدىك، ءوزارا سىيلاستىق پەن قامقورلىق تۋرالى نيەتتى تەك قانا مەملەكەت ەمەس، ازاماتتىق ورتانىڭ ءوزىنىڭ كوتەرۋى – قوعامىمىزدىڭ كەمەلدەنگەنىن، جاڭعىرعانىن كورسەتەدى.

سونىمەن قاتار قىزدار پەداگوگيكالىق ۋنيۆەرسيتەتىنىڭ ەكى ستۋدەنتى "مەن جاستارعا سەنەمىن!" VIII رەسپۋبليكالىق جاستار فورۋمى اياسىندا ۇيىمداستىرىلعان بايقاۋلاردىڭ لاۋرەاتى اتاندى.

اتاپ ايتقاندا، ايالا نۇرجاۋبەكوۆا "Sanaly urpaq" پاراساتتىلىقتى دامىتۋداعى ۇزدىك جوبالار بايقاۋىندا "پاتريوتتىق تاربيە" اتالىمى بويىنشا، اقبايان سولتان "مەن ءوز ەلىمنىڭ گۇلدەنۋى ءۇشىن نە ىستەي الامىن؟" ستۋدەنتتىك ەسسە بايقاۋىندا "ازاماتتىق رۋح" اتالىمى بويىنشا لاۋرەات اتاندى.

نوميناتسيا يەگەرلەرى مەن بايقاۋ جەڭىمپازدارى ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا وتەتىن ءبىر اپتالىق "كوشباسشىلار مەكتەبىنە" تەگىن جولداما سەرتيفيكاتتارىمەن ماراپاتتالدى.

ايتا كەتەيىك، ءال-فارابي اتىنداعى قازۇۋ رەسپۋبليكالىق جاستار فورۋمىن 2013 جىلدان بەرى وتكىزىپ كەلەدى. بيىل فورۋمعا قاتىسۋ ءۇشىن ەلىمىزدىڭ بارلىق ايماعىنان 5 مىڭعا جۋىق ستۋدەنت تىركەلدى.

شىعارماشىلىق جوبالار مەن بەينە پرەزەنتاتسيالاردى قوعام قايراتكەرلەرى، بيزنەس وكىلدەرى، مەملەكەتتىك ورگاندار، مادەنيەت جانە ونەر قايراتكەرلەرى مەن عالىمداردان جينالعان تاۋەلسىز قازىلار القاسى باعالادى.

ناتيجەسىندە 302 ۇزدىك جوبا سوڭعى تۋردىڭ فينالىنا ءوتتى.

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار