الەم • 24 قاراشا، 2020

يلون ماسك الەمدەگى ەڭ باي ادامدار تىزىمىندە 2-ورىنعا كوتەرىلدى

44 رەت كورسەتىلدى

SpaceX جانە Tesla كومپانيالارىنىڭ باسشىسى يلون ماسك Microsoft نەگىزىن قالاۋشى بيلل گەيتستى باسىپ وزىپ، الەمدەگى ەڭ باي ادامدار تىزىمىندە ەكىنشى ورىنعا كوتەرىلدى، دەپ حابارلايدى Egemen.kz Bloomberg Billionaires Index-كە (BBI) سىلتەمە جاساپ.

ءباسپاسوز مالىمەتىنشە، يلون ماسكتىڭ بايلىعى 127،9 ميلليارد دوللارعا جەتىپ، ءبىر جىل ىشىندە 100،3 ميلليارد دوللارعا وسكەن. بۇل BBI-دە جاريالانعان رەكوردتىق جىلدىق ءوسىم.

بيلل گەيتس بولسا ءۇشىنشى ورىنعا تۇراقتاپ، ونىڭ كاپيتالى 127،7 ميلليارد دوللارعا باعالاندى. ال ءبىرىنشى ورىندا Amazon نەگىزىن قالاۋشى دجەفف بەزوس كو باستاپ تۇر. ونىڭ بايلىعى شامامەن 182 ميلليارد دوللار ەكەن.
 
بۇدان بولەك، الەمدەگى ەڭ باي بەس ادامنىڭ قاتارىنا Louis Vuitton Moët Hennessy پرەزيدەنتى بەرنار ارنو مەن Facebook نەگىزىن قالاۋشى مارك تسۋكەربەرگ كىردى.
سوڭعى جاڭالىقتار

ۇقساس جاڭالىقتار