پارلامەنت • 24 قاراشا، 2020

ن.نىعماتۋلين: استىق ماسەلەسى – ول ءبىرىنشى كەزەكتەگى الەۋمەتتىك سۇراق

23 رەت كورسەتىلدى

ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ جالپى وتىرىسى ءوتتى. وندا دەپۋتاتتاردىڭ باستاماسىمەن ازىرلەنگەن "استىق تۋرالى" زاڭ جوباسى ماقۇلداندى، دەپ حابارلايدى Egemen.kz پارلامەنت ءماجىلىسىنىڭ ءباسپاسوز قىزمەتىنە سىلتەمە جاساپ.

نۇرلان نىعماتۋلين ءبىرىنشى كەزەكتەگى الەۋمەتتىك سۇراق وسى استىق ماسەلەسى ەكەنىن ايتتى.

"سوڭعى كەزدە پاندەمياعا بايلانىستى كوپتەگەن مەملەكەتتەر شەكتەۋ رەجىمدەرىن ەنگىزدى. ساۋدا-ەكونوميكالىق بايلانىستار ازايدى. بۇل جاعداي، ارينە، ازىق-ت ۇلىك ماسەلەسىنە دە اسەر ەتەدى. ال، استىق ماسەلەسى – ول ءبىرىنشى كەزەكتەگى الەۋمەتتىك سۇراق. سوندىقتان وسى زاڭ جوباسىندا قارالعان استىق قورلارىن ساقتاۋدى مەملەكەتتىك قامتاماسىز ەتۋ، وسى سالاداعى وپەراتوردىڭ مارتەبەسىن انىقتاۋ تۋرالى نورمالار وتە ماڭىزدى، بۇگىن وتە كەرەك نارسە"، دەيدى ءماجىلىس سپيكەرى.

دەپۋتاتتاردىڭ باستاماسىمەن ازىرلەنگەن زاڭ جوباسى تابيعي جانە تەحنوگەندىك سيپاتتاعى توتەنشە جاعدايلار تۋىنداعان، توتەنشە جاعداي ەنگىزىلگەن كەزدە ەلدى ازىق-ت ۇلىك استىعىمەن كەپىلدى تۇردە قامتاماسىز ەتۋ، سونداي-اق "ازىق-ت ۇلىك كەلىسىمشارت كورپوراتسياسى" ۇلتتىق كومپانياسى" اكتسيونەرلىك قوعامىنىڭ مارتەبەسى مەن ءرولىن زاڭنامالىق تۇرعىدان ايقىنداۋ ماقساتىندا ازىرلەدى.

سوڭعى جاڭالىقتار

ۇقساس جاڭالىقتار