پارلامەنت • 24 قاراشا، 2020

سەناتورلار زەينەتاقىمەن قامسىزداندىرۋ تۋرالى كەلىسىمدى زەردەلەدى

99 رەت كورسەتىلدى

مۇرات باقتيار ۇلىنىڭ توراعالىق ەتۋىمەن وتكەن سەناتتىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا "ەۋرازيالىق ەكونوميكالىق وداققا مۇشە مەملەكەتتەردىڭ ەڭبەكشىلەرىن زەينەتاقىمەن قامسىزداندىرۋ تۋرالى كەلىسىمدى راتيفيكاتسيالاۋ تۋرالى" زاڭ جوباسى قارالدى، دەپ حابارلايدى Egemen.kz.

كەلىسىم ەاەو-عا مۇشە مەملەكەتتەردىڭ اۋماعىندا قىزمەتكەرلەرگە زەينەتاقى جارنالارىن تولەۋدە دە، زەينەتاقى تاعايىنداۋ مەن تولەمى بارىسىندا دا جۇمىسقا ورنالاستىرۋشى مەملەكەتتىڭ ازاماتتارىمەن تەڭ قۇقىقتارىن قامتاماسىز ەتۋگە مۇمكىندىك بەرەدى.

"كەلىسىم كۇشىنە ەنگەننەن كەيىن ءبىزدىڭ ازاماتتارىمىز ەاەو-عا مۇشە مەملەكەتتەردىڭ اۋماقتارىندا ەڭبەك ەتكەن كەزدەگى زەينەتاقى قۇقىقتارىن قالىپتاستىرۋعا، ساقتاۋعا جانە ىسكە اسىرۋعا تولىق قۇقىلى بولادى"، - دەدى كوميتەت توراعاسى مۇرات باقتيار ۇلى.

كەلىسىمدى راتيفيكاتسيالاۋ ەاەو اياسىندا ەڭبەك رەسۋرستارىنىڭ بىرىڭعاي نارىعىن ورنىقتى دامىتۋ ءۇشىن جاعداي جاسايدى جانە ەاەو-عا مۇشە مەملەكەتتەردىڭ اۋماعىندا ەڭبەكشىلەردىڭ الەۋمەتتىك قورعالۋ دەڭگەيىن ارتتىرۋعا ىقپال ەتەتىن بولادى.

قۇجات پالاتانىڭ قاراۋىنا بەرىلدى.

سوڭعى جاڭالىقتار

ۇقساس جاڭالىقتار