ءوڭىردى يندۋستريالىق دامىتۋداعى وڭ قادامدار

كەشە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشوۆ جەتىسۋ وڭىرىنە كەلگەن ءىسساپارىن يندۋستريا­لىق-يننوۆاتسيالىق دامۋ باع­دار­لاماسىمەن وتكەن جىلى قۇرى­لىسى باستالعان ىلە اۋدا­نىنداعى “جەتىگەن-قورعاس” تەمىر جول جەلىسىندەگى قولعا الىن­عان جۇمىستارمەن تانىسۋ­دان باستادى. “يندۋستريا­لان­دىرۋ كارتاسى” اياسىندا وبلىستا جالپى قۇنى 1 ترلن. 235 ملرد. تەڭگەنى قۇرايتىن 22 ينۆەس­تي­تسيالىق جوبانى جۇزەگە اسىرۋ قاراستىرىلعان. اعىمداعى جى­لى جۇمىسى اياق­تالاتىن نىسان­داردىڭ تىزىمىنە جالپى قۇنى 15,9 ملرد. تەڭگە بولاتىن 8 جوبا ەنگىزىلگەن. مينيستر مەن وبلىس اكىمى سەرىك ۇمبەتوۆ جالپى قۇنى 165 ملرد. تەڭگە قارجى جۇمسالىپ, 29 كوپىر, 2 جول سىم­دارىن, 307 سۋ وتكىزەتىن قۇبىر جانە باسقا دا جۇمىستاردىڭ,­   جەتىگەن-قورعاس جاڭا تەمىر جول جەلىسىنىڭ بۇگىنگى جايىمەن تانىسىپ, ماماندارمەن پىكىر­لەستى. ەلىمىزدەگى الىس-بەرىستىڭ كۇرەتامىرى سانالعان تەمىر جول قۇرىلىسىندا 5500 ادام جۇمىس­پەن قامتىلسا, نىسان ىسكە قوسىل­عاندا 2077 جۇمىس ورنى اشى­لادى دەپ كۇتىلۋدە. قازىر جەتى­گەن ستانساسىنان قۇروزەككە دەيىنگى ارالىقتا جۇمىس قىزۋ جالعاسىپ, جوسپارلى جۇمىس بەلگىلەنگەن كەزەڭدە ىسكە اسىرىلۋدا. اعىمداعى جىلعى ءساۋىر ايىنىڭ بىرىنە دەيىن اتالعان سەگىز جوبا بويىنشا 11,8 ملرد. تەڭگە قارجى يگەرىلىپتى. وسى كۇنى ءا.يسەكەشەۆ “مەدياتەكس- ن” باس كيىم تىگەتىن فابريكادا دا بولدى. ساپار بارىسىندا جۋرناليستەرگە بەرگەن سۇح­باتىندا ءا.يسەكەشەۆ وبلىستاعى بەلگىلەنگەن جوبالاردىڭ ءساتتى جۇزەگە اسىرىلىپ جاتقانىن اتاپ كورسەتتى. كۇمىسجان بايجان, الماتى وبلىسى.