مۇنداي كومەكتى مۇمكىندىگى بار ءاربىر ازامات جاساۋى ءتيىس دەپ سانايتىن كاسىپكەر يگى ءىسىن جاريا ەتۋدى ءجون سانامايتىنىن سەزدىرگەن. دەگەنمەن, ىندەتتىڭ ىقتيمال ەكىنشى تولقىنىنا دايىندىق جۇمىستارىن كۇشەيتكەن مەديتسينا قىزمەتكەرلەرىنىڭ جومارت جىگىتكە ايتار العىسى شەكسىز. بۇگىندە ءاربىر كومەك اۋرۋحانا ءۇشىن دە, اۋدان تۇرعىندارى ءۇشىن دە ماڭىزدى. دارىگەرلەردىڭ بىلىكتىلىگىنىڭ, ءوز مىندەتىنە جاۋاپكەرشىلىكپەن قاراۋىنىڭ جانە ناۋقاستارعا قولۇشىن سوزىپ قولداۋ كورسەتكەن جومارت جانداردىڭ قايىرىمدى ىستەرىنىڭ ناتيجەسىندە تۇركىستان وبلىسىندا كوروناۆيرۋس ينفەكتسياسىنان 3 371 ناۋقاس جازىلىپ شىققان. ونىڭ 2 377-دە اۋرۋ سيمپتومسىز وتكەن.
قازىرگى تاڭدا وڭىردەگى مەديتسينالىق مەكەمەلەردىڭ ينفەكتسيالىق ستاتسيونارلارىندا 35 ادام ەم قابىلداۋدا. ۆيرۋستى پنەۆمونيامەن 29 ادام جانە 6 ناۋقاس كوروناۆيرۋس ينفەكتسياسىمەن تىركەلگەن. ناۋقاستاردىڭ بارلىعى – ەرەسەكتەر. ونىڭ ىشىندە ءۇش جۇكتى ايەل – جۇقپالى اۋرۋحانالار بولىمدەرىنىڭ دارىگەرلىك باقىلاۋىندا. جاعدايى قاناعاتتانارلىق جانە وكپەنى جاساندى جەلدەتۋ اپپاراتىنا تاڭىلعاندارى جوق.
جالپى, تۇركىستان وبلىسىندا پاندەميا باستالعان ساتتەن باستاپ COVID-19 دەرەگى راستالعان
3 444 جاعداي تىركەلدى. ونىڭ ىشىندە 2 394-ءى – سيمپتومسىز. دەرتكە شالدىققانداردىڭ 1 577-ءسى وبلىس ستاتسيونارلارىندا ەم قابىلداعان. اۋرۋشاڭدىق ءۇش جاسقا دەيىنگى بالالار اراسىندا از تىركەلگەن. ولاردىڭ سانى – 44 (2,8%). ال 3 جاستان 18 جاسقا دەيىنگىلەر اراسىندا – 75 (4,8%), 18-دەن 55 جاسقا دەيىنگى ەڭبەككە قابىلەتتى جاستاعى 956 ادام (60,6%) اۋىرعان. كوروناۆيرۋس, اسىرەسە اعا بۋىنعا اۋىر ءتيدى. 55 جاستان اسقان 502 ادام (31,8%) جۇقتىرعان. ىندەتكە شالدىققانداردىڭ كوبى – ەر ادامدار.
تۇركىستان وبلىسى قوعامدىق دەنساۋلىق باسقارماسىنىڭ مالىمەتىنشە, بۇگىندە ايماقتاعى ينفەكتسيالىق ستاتسيونارلاردا COVID-19 ەكىنشى تولقىنىنا دايىندىق ماقساتىندا 600 توسەكتىك ورىن ازىرلەنگەن. بۇعان قوسا 340 ورىندىق كارانتيندىك ستاتسيونارلار جاساقتالعان. وقشاۋلاۋ بولىمدەرىندە 99 ازامات باقىلاۋدا. پاندەميا باستالعالى وبلىس زەرتحانالارىندا 254 325 پتر-سىناماسى الىنعان.
تۇركىستان وبلىسى
