ولاردىڭ دەنi – تەمىرجولشىلار. كۇن سايىن ءارلى-بەرلى وتەتىن پويىزداردىڭ دىبىسىمەن تاڭىن اتىرىپ, كەشىن باتىرادى دەمەسەڭىز, بۇگىنگى يگىلىكتىڭ بىردە-ءبىرىن كورگەن جوق. ويتكەنى وتكەن عاسىردىڭ 60-شى جىلدارى سالىنعان ەسكى ۇيلەرگە «كوگىلدىر وتىن» جەلىسى تارتىلمادى. اۋىلدا ءجونى ءتۇزۋ جول دا سالىنبادى. كوشە جارىعى مۇلدە بولمادى.
– كوپ قيىندىق كوردىك. قىستا دا, جازدا دا پەشكە وت جاعۋ وڭاي ەمەس. اتىراۋ وبلىسى مەن قالاسىنىڭ اكىمدەرىنە جاعدايىمىزدى ايتىپ, كوشىرۋدى سۇراعانىمىزعا تالاي جىلدىڭ ءجۇزى بولدى. اكىمدەر اۋىسقان سايىن ءۇمىتىمىز ويانادى. بىراق ماسەلە شەشىمىن تاپپادى. بۇل ماسەلەنى بيىل دا كوتەرىپ, اتىراۋ قالاسىنىڭ اكىمى قايرات ورازباەۆقا ايتتىق. ەندى مىنە, وبلىس, قالا اكىمدەرىنىڭ كومەگىمەن شاھارداعى جاڭا تۇرعىن ۇيگە قونىستانعانىمىزعا قۋانىشتىمىز, – دەيدى تەمىرجول سالاسىنىڭ ارداگەرى نازىمگۇل وتەۋوۆا.
اتىراۋ قالالىق اكىمدىگى ءوڭىر ورتالىعىنا قونىس اۋدارعان تۇرعىندارعا جۇلدىز شاعىن اۋدانىنداعى كوپ قاباتتى تۇرعىن ۇيدەن 2 بولمەلى 27 پاتەر ءبولدى. قازiر 24 وتباسى كوشىپ كەلدى.
– بيىل اتىراۋ قالالىق اكىمدىگى تۇرعىنداردى جاڭا مەكەنگە كوشىرۋ ءۇشىن 813 پاتەر ءبولدى. ويتكەنى جىل باسىندا قالادا اپاتتى جاعدايداعى 70 ءۇي مەن 10 جاتاقحانا بولدى. سونىڭ ىشىنەن 5 ءۇي مەن 5 جاتاقحانا تۇرعىندارى جاڭا مەكەنگە كوشىرىلدى. وسىلايشا, اپاتتى ۇيلەردە تۇراتىن تۇرعىنداردىڭ 40%-ى باسپانامەن قامتىلدى. قالا اكىمدىگى قونىس اۋدارۋ باعدارلاماسىن جالعاستىرىپ, جىل سوڭىنا دەيىن ج.مولداعاليەۆ, م.تولەباەۆ كوشەلەرىندەگى ءۇش جاتاقحانانىڭ تۇرعىندارىن تۇرعىن ۇيمەن قامتۋدى جوسپارلاپ وتىر. بۇل جاتاقحانالاردىڭ تۇرعىندارى ءۇشىن 332 پاتەر بولىنەدى, – دەيدى قالالىق اكىمدىكتىڭ ءباسپاسوز حاتشىسى نازىمگۇل قايساعاليەۆا.
اتىراۋ وبلىسى
