حالىقارالىق كورمەلەر بيۋروسى مۇشەلەرىنىڭ داۋىس بەرۋ قورىتىندىسى بويىنشا, «ەكسپو-2020» حالىقارالىق كورمەسى بىرىككەن اراب امىرلىكتەرىنىڭ دۋباي قالاسىندا وتەتىن بولدى. بۇل تۋرالى يتار-تاسس حابارلادى.
داۋىس بەرۋدىڭ ءۇشىنشى كەزەڭىنە 41 داۋىس جيناعان ەكاتەرينبۋرگ پەن 87 داۋىس جيناعان دۋباي قالالارى وتكەن بولاتىن. اقتىق كەزەڭدە ەكاتەرينبۋرگ نەبارى 47 داۋىس جيناسا, دۋباي قالاسى 116 داۋىسپەن «ەكسپو-2020» حالىقارالىق كورمەسىن وتكىزۋ مارتەبەسىنە يە بولدى.
برازيليانىڭ سان-پاۋلۋ قالاسى ءبىرىنشى كەزەڭنەن وتە المادى. ال 36 داۋىس جيناعان تۇركيانىڭ يزمير شاھارى ەكىنشى كەزەڭدە جارىستان شىعىپ قالدى.
«ءبىز 2020 جىلى 25 ملن. قوناقتى قابىلداپ, الەم تاريحىنداعى ەڭ ۇزدىك كورمەنى وتكىزەمىز», – دەپ جازدى بىرىككەن اراب امىرلىكتەرىنىڭ ۆيتسە-پرەزيدەنتى راشيد ءال-ماكتۋم ءوزىنىڭ تۆيتتەردەگى پاراقشاسىنا. سونداي-اق ءباا بيلىگى بۇل كۇندەرى دۋبايدا جانە رەسپۋبليكا بويىنشا «ەكسپو-2020» جەڭىسى مەن وسى كۇنمەن تۇسپا-تۇس كەلگەن ەلدىڭ تاۋەلسىزدىك كۇنىنە بايلانىستى مەرەكەلىك باعدارلامالار وتكىزىلەتىنىن جاريالادى.
ايدار ورىسباەۆ.
دەرەككوز: Itar-tass.com
