اتالعان حاتتامالاردا تۋريستىك پروۆايدەرلەر مەن تۋريستەر ءۇشىن COVID-19 كەزىندەگى ء«ومىردىڭ جاڭا جاعدايلارىندا» دەنساۋلىققا, گيگيەناعا, تەرەڭ تازارتۋعا جانە فيزيكالىق قاشىقتىققا جاڭا كوزقاراس تۋرالى جۇيەلى اقپارات پەن ۇسىنىستار بەرىلگەن.
دۇنيەجۇزىلىك تۋريزم جانە ساياحات كەڭەسى (WTTC) جاڭا بەدەلدى Safe Travels قاۋىپسىزدىك جانە گيگيەنا ماراپاتىن دايىندادى, ونىڭ يەلەرى بۇكىل الەمدەگى ەڭ ۇلكەن دەمالىس ورىندارى سانالادى. بۇل ەرەكشەلىك بەلگىسى تۋريستەرگە دەنساۋلىق پەن گيگيەنا بويىنشا جاھاندىق ستاندارتتالعان حاتتامالاردى قابىلداعان تۋريستىك باعىتتار مەن ۇيىمداردى انىقتاۋعا مۇمكىندىك بەرەدى. ايتا كەتەيىك, قازاقستان وسى جاھاندىق جوبانى قولداعان ورتالىق ازياداعى العاشقى مەملەكەت. اتالعان ءىس-شارا قازىردىڭ وزىندە الەمنىڭ 55 ەلىندە جۇزەگە اسىرىلىپ وتىر.
بۇل ەرەكشەلىك بەلگىسىن الۋ ارقىلى تۋريستىك يندۋستريا وكىلدەرى جانە تۋريستىك نىساندار كەلەتىن تۋريستەردىڭ سەنىمىن قالپىنا كەلتىرۋ جانە الەۋمەتتىك جاۋاپكەرشىلىك قاعيداتتارىن ساقتاۋ نيەتىن راستايدى. سونداي-اق اتالعان بەلگى يەلەرىنە https://kazakhstan.travel/ ۇلتتىق تۋريستىك پورتالىندا ماركەتينگتىك ىلگەرىلەتۋ قامتاماسىز ەتىلەدى. بۇل تۇتاستاي العاندا وتاندىق تۋريستىك دەستيناتسيالاردىڭ تۋريستىك الەۋەتىن دامىتۋعا وڭ ىقپالىن تيگىزەدى.
WTTC باستاماسىنا قوسىلۋ ءۇشىن تۋريستىك بيزنەس سۋبەكتىلەرى https://safe.kazakhstan.travel/ سىلتەمەسى بويىنشا ءوتىنىش بەرۋى كەرەك. ودان ءارى سانيتارلىق سايكەستىك اكتىسىن جۇكتەپ, WTTC قاۋىپسىزدىك ساياحاتتارىنىڭ حاتتامالارىن ساقتاۋعا كەلىسىم بەرۋ كەرەكتىگىن اتاپ ءوتۋ قاجەت. تەكسەرۋ قورىتىندىسى بويىنشا قاتىسۋشى تىزىلىمگە ەنگىزىلىپ, وعان Safe Travels سايكەستىك بەلگىسى جولدانادى.
