كۇرەس • 23 قاراشا، 2020

ەركىن كۇرەستەن قازاقستان چەمپيوناتى ءوز مارەسىنە جەتتى

20 رەت كورسەتىلدى

الماتىداعى "دوستىق" سپورت كەشەنىندە ەركىن كۇرەستەن قازاقستان چەمپيوناتى ءوز مارەسىنە جەتتى، دەپ حابارلايدى Egemen.kz

ەلىمىزدىڭ تۇكپىر-تۇكپىرىنەن كەلگەن بالۋاندار 10 سالماق بويىنشا ءوزارا مىقتىنى انىقتاپ، ۇزدىكتەرى ۇلتتىق قۇراماعا جولداما الدى. ەلوردالىق ەركىن كۇرەس شەبەرلەرى دە بۇل دودادا ايانىپ قالمادى. 92 كەلىگە دەيىنگىلەر اراسىندا ەرالى ابدراشەۆ شەشۋشى سىندا ماڭعىستاۋلىق پالۋانعا ەسە جىبەرىپ ەل چەمپيوناتىن كۇمىس جۇلدەمەن اياقتادى. ال، نۇرعالي نۇرعايىپ ۇلى ءدال وسى سالماق دارەجەسىندە ءۇشىنشى ورىن الدى. 74 كەلىگە دەيىنگى سالماق دارەجەسىندە نۇرلان بەكجانوۆ ءۇشىنشى ورىن ءۇشىن كۇرەستە الماتىلىق دارحان ەسەنعاليمەن جولىعىپ، جەڭىسكە جەتتى. 

وسىلايشا ەركىن كۇرەستەن نۇر-سۇلتان قالاسى قۇراماسىنىڭ قورجىنى 1 كۇمىس پەن 2 قولا مەدالمەن تولىقتى.

بالۋاندار باسەكەسىن بۇگىن ايەلدەر كۇرەسى جالعاستىرىپ، ەرتەڭ گرەك-ريم كۇرەس شەبەرلەرى سىنعا تۇسەدى. ەل چەمپيوناتى كارانتين تالاپتارىنا ساقتاي وتىرىپ، كورەرمەنسىز وتۋدە.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار