ماسكەۋدە پوليتسيا مەن ارنايى قىزمەت وكىلدەرى قارۋ مەن جارىلعىش زاتتارى بار 15 ەكسترەميستى قولعا ءتۇسىردى. بۇل تۋرالى Utro.ru حابارلادى.
«قاراشانىڭ 26-نان 27-نە قاراعان ءتۇنى ماسكەۋدىڭ شىعىسىندا وتكەن جەدەل ىزدەستىرۋ شارالارى بارىسىندا «ات تاكفير ۆال-حيدجرا» راديكالدى ەكسترەميستىك قۇرىلىمنىڭ 14 وكىلى تۇتقىندالدى», – دەپ مالىمدەدى پوليتسيا وكىلى. ءبىرشاما ۋاقىت وتكەن سوڭ بۇل توپتىڭ تاعى ءبىر مۇشەسى باسقا مەكەن جايدا ۇستالعانى بەلگىلى بولدى.
«ءتىنتۋ بارىسىندا قۇرىلىم مۇشەلەرىنەن قولدان جاسالعان ءۇش جارىلعىش زات پەن قارۋلار, سونداي-اق ەكسترەميستىك ادەبيەتتەر تاركىلەندى», – دەپ حابارلادى رەسەيدىڭ ىشكى ىستەر مينيسترلىگى.
Lifenews.ru سايتىنىڭ قۇقىق قورعاۋ ورگاندارىنداعى اقپارات كوزىنىڭ مالىمەتى بويىنشا, تۇتقىندالعان سودىرلار ماسكەۋدە تەراكت ۇيىمداستىرماق بولعان. توپتى اراب مەملەكەتتەرىنىڭ بىرىندە دايىندىقتان ءوتىپ كەلگەن لاڭكەس باسقارعان. ول ءوزىنىڭ قاتارىنا كوبىنەسە اۋعانستان, شەشەنستان مەن وڭتۇستىك وسەتياداعى اسكەري قيمىلدارعا قاتىسقان ادامداردى جيناۋعا تىرىسقان كورىنەدى.
راديكالدى توپ سونداي-اق ەسىرتكى ساۋداسىمەن اينالىسىپ, ودان تۇسكەن پايدانى ەكسترەميستىك قىزمەتتىڭ قارجىلاندىرىلۋىنا جۇمساعان ەكەن.
ايدار ورىسباەۆ.
دەرەككوز: Utro.ru
