الەم • 23 قاراشا، 2020

ددۇ كوروناۆيرۋستىڭ ءۇشىنشى تولقىنى تۋرالى ايتتى

539 رەت كورسەتىلدى

دۇنيەجۇزىلىك دەنساۋلىق ساقتاۋ ۇيىمى 2021 جىلى ەۋروپادا كوروناۆيرۋس ينفەكتسياسىنىڭ ءۇشىنشى تولقىنىنىڭ بولۋى مۇمكىن ەكەنىن ەسكەرتتى، - دەپ حابارلايدى Egemen.kz

ۇيىم ەۋروپا ەلدەرىنە ۆيرۋستى باقىلاۋعا الۋى كەرەك ەكەندىگىن ەسكەرتتى.

دۇنيەجۇزىلىك دەنساۋلىق ساقتاۋ ۇيىمىنىڭ ارنايى وكىلى دەۆيد ناباررو ەۋروپا كوروناۆيرۋستىق ينفەكتسيا پاندەمياسىنىڭ ءۇشىنشى تولقىنىنا 2021 جىلدىڭ باسىندا تاپ بولۋى مۇمكىن ەكەنىن ايتادى. 

«ولار ءبىرىنشى تولقىندى باقىلاۋعا العاننان كەيىن جاز ايلارىندا قاجەتتى ينفراقۇرىلىمدى سالۋدى جىبەرىپ الدى. قازىر ەكىنشى تولقىن ءجۇرىپ جاتىر. ەگەر ولار قاجەتتى ينفراقۇرىلىمدى سالماسا، كەلەسى جىلدىڭ باسىندا ءۇشىنشى تولقىن بولادى»، – دەدى دەۆيد ناباررو.

ول، سونىمەن قاتار، ەۋروپانىڭ ازيا ەلدەرىنەن ۇيرەنەتىن نارسە بار ەكەنىن ايتتى.

«ۆيرۋسقا جىلدام ءارى باتىل جاۋاپ بەرۋ كەرەك. اسىرەسە باسىندا، ۆيرۋستىڭ ءار ءتۇرلى قاۋىمداستىقتار ىشىندە وتە باياۋ تارالاتىن كەزىندە. ەگەر ءسىز سەنىمسىز ارەكەت جاساساڭىز، ماسەلە وتە تەز ارتادى»، - دەدى ددۇ-نىڭ ارنايى وكىلى.

ايتا كەتەيىك، ەۋروپا ەلدەرىندە كوروناۆيرۋستى جۇقتىرعاندار سانى كۇن سايىن ارتىپ كەلەدى. الەمدە كوروناۆيرۋس ينفەكتسياسىن جۇقتىرعان ادامداردىڭ جالپى سانى 59 ميلليونعا جاقىندادى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار