ءماۋلىت كەشى ەرسىن قاري ءامىرىنىڭ قۇران وقۋىمەن باستالدى. بۇدان كەيىن بەلگىلى اقىن, سازگەر جاكەن وماروۆ ەكى جىلدان بەرى ەكسكليۋزيۆ دەپ تانىلعان قازاقشا ءماۋلىتتىڭ ءۇشىنشى ءبولىمىن جىرلادى.
جاكەن وماروۆ 2018 جىلى ورىنداپ باستاعان قازاقشا ءماۋلىت جىرىندا پايعامبارىمىزدىڭ (وعان اللانىڭ سالاۋاتى مەن سالەمى بولسىن) دۇنيەگە كەلۋى مەن قىرىق جاسقا (پايعامبارلىققا) دەيىنگى ءومىرىن بايانداعان ەدى. بىلتىرعى ءماۋلىت جىرى العاشقى ۋاحيدىڭ كەلۋىنەن (پايعامبارلىق ميسسيانىڭ باستالۋى) باستاپ پايعامبارىمىزدىڭ (وعان اللانىڭ سالاۋاتى مەن سالەمى بولسىن) مەككەدە ءدىندى جايۋى, ساحابالاردىڭ يسلام دىنىنە كىرۋى, ميعراج ساپارى, سوڭىندا مۇشرىكتەردەن قىسىم كورگەنى جانە ماديناعا قونىس اۋدارۋىمەن اياقتالعان-دى. ال بيىلعى ءماۋلىت جىرىندا جاكەن وماروۆ پايعامبارىمىزدىڭ (وعان اللانىڭ سالاۋاتى مەن سالەمى بولسىن) ءمادينا قالاسىنا كەلۋىنەن باستاپ ءبادىر شايقاسىنا دەيىنگى كەزەڭدى جىرلاپ, كورەرمەندەرگە ەرەكشە اسەر سىيلادى.
الماتىداعى ءماۋلىت كەشى بارىسىندا قمدب توراعاسى, باس ءمۇفتي ناۋرىزباي قاجى تاعان ۇلى ونلاين قۇتتىقتاۋ جولدادى. باس ءمۇفتي بارشا قازاقستاندىقتار مەن مۇسىلمان جاماعاتتى ءماۋلىت مەرەكەسىمەن قۇتتىقتاپ, پايعامبارىمىزدىڭ (وعان اللانىڭ سالاۋاتى مەن سالەمى بولسىن) ونەگەلى ءومىرى مەن ءدىنىمىزدىڭ اسىل قۇندىلىقتارى جايلى ايتتى.
ونلاين ءماۋلىت كەشىندە ع.مۇسىرەپوۆ اتىنداعى قازاق مەملەكەتتىك بالالار مەن جاسوسپىرىمدەر تەاترى ارنايى ازىرلەگەن عيبراتتى قويىلىمەل نازارىنا ۇسىنىلدى. قويىلىمدا بىزدەن بۇرىن ءومىر سۇرگەن ىزگىلەردىڭ پايعامبارىمىزدىڭ (وعان اللانىڭ سالاۋاتى مەن سالەمى بولسىن) اق جولىن قالاي ۇستانعانى جانە ءدىن دەگەن ۇلى اماناتتى كەلەر ۇرپاققا قالاي جەتكىزگەنى تۋرالى ساۋالدارعا حيكمەتپەن جاۋاپ بەرىلەدى. سونداي-اق "ونەر قىراندارى" ءازىل-سىقاق تەاترى مەن ساكەن مايعازيەۆتىڭ سمارت مەكتەبى ءماۋلىت كەشىنە ارناپ ساحنالىق قويىلىم ازىرلەدى.
كەش باسىندا انشىلەر ەرگەن ايتىمبەتوۆ ء"ال-مۇحتار" , رايىم ۋايىس, ەرگەن ايتىمبەتوۆ, سەرجان ءالي, قاناتبەك پولاتبەك "مۇستافا" اندەرىن, جاسۇلان مۇساعالي" مەن قازاقپەن" تەرمەسىن تەبىرەنە شىرقادى. ودان بولەك ونلاين ءماۋلىت كەشىنىڭ اتاۋىمەن جاڭا كىتاپ جارىق كوردى. قمدب-عا قاراستى "يمام ماتۋريدي" عىلىمي-زەرتتەۋ ورتالىعىنىڭ ازىرلەگەن بۇل ەڭبەك – عۇلاما حافيز مۇعالتاي يبن قىلىش ءحانافيدىڭ "ادامزاتتىڭ اسىلى – مۇستافا" اتتى كىتابىنىڭ اۋدارماسى. كىتاپتى وڭدەپ, عىلىمي سىلتەمەلەر بەرگەن مۇحاممەد نيزامۋددين فۋتايح. MUFTYAT باسپاسىنان شىققان ەڭبەكتە پايعامبارىمىزدىڭ (وعان اللانىڭ سالاۋاتى مەن سالەمى بولسىن) عيبراتتى عۇمىرى مەن تالىمگەرلىك تاعىلىمى باياندالعان. كىتاپ رۋحاني كەمەلدىكتى ىزدەگەن بارشا وقىرمان قاۋىمعا ارنالعان. قۇندى ەڭبەكتىڭ جالپى رەداكتسياسىن باسقارعان – الماتى قالاسىنىڭ باس يمامى ەركىنبەك شوقاي, نۇر-مۇباراك ۋنيۆەرسيتەتىنىڭ ۇستازى, بەلگىلى عالىم باۋىرجان ءالي ۇلى جانە الماتى قالاسى "تولە بي" مەشىتىنىڭ باس يمامى ەرسىن امىرە. ەڭبەكتى قازاق تىلىنە اۋدارعان – يسلامتانۋشى ەرجان دوسقالي ۇلى.
كىتاپ اقپارات جانە قوعامدىق دامۋ مينيسترلىگى قوعامدىق كەلىسىم كوميتەتى تاراپىنان جۇرگىزىلگەن ءدىنتانۋ ساراپتاماسىنىڭ جانە قمدب شاريعات جانە ءپاتۋا ءبولىمى تاراپىنان جۇرگىزىلگەن ساراپتامانىڭ وڭ قورىتىندىسىن العان.
