ءىس-شاراعا ۆەدومستۆولاردىڭ باسشىلىق قۇرامى, اۋماقتىق بولىمشەلەردىڭ, ۆەدومستۆولىق باعىنىستى ۇيىمداردىڭ باسشىلارى, وبلىس اكىمدەرىنىڭ ورىنباسارلارى مەن اۋىل شارۋاشىلىعى باسقارمالارىنىڭ باسشىلارى, سونداي-اق سىبايلاس جەمقورلىققا قارسى قىزمەت جانىنداعى قوعامدىق كونسۋلتاتيۆتىك-كەڭەسشى ورگانداردىڭ وكىلدەرى قاتىستى (بكب ارقىلى).
كەڭەس بارىسىندا ۆەتەريناريالىق باقىلاۋ جانە قاداعالاۋ, اگروونەركاسىپتىك كەشەنىندەگى (بۇدان ءارى – اوك) مەملەكەتتىك باقىلاۋ كوميتەتتەرىنىڭ قىزمەتىندە بۇرىن جۇرگىزىلگەن جەمقورلىق تاۋەكەلدەرىنە سىرتقى تالداۋدىڭ, سونداي-اق قىلمىستىق-تەرگەۋ تاجىريبەسىنىڭ جانە سىبايلاس جەمقورلىققا قارسى مونيتورينگتەردىڭ ناتيجەلەرى بويىنشا باسقا دا ماسەلەلەر تالقىلاندى.
اگەنتتىك توراعاسىنىڭ ءبىرىنشى ورىنباسارى و.بەكتەنوۆ ءوز سوزىندە مينيسترلىك باسشىلىعىنا ءبىرىنشى كەزەكتە باستى نازاردى قاجەت ەتەتىن «نەگىزگى» ماسەلەلەردى اتاپ ءوتتى.
بۇل گەوپورتالداردى ۇدەمەلى ەنگىزۋ, ۆەدومستۆولىق اقپاراتتىق جۇيەلەردى تولىققاندى ينتەگراتسيالاۋ, «Qoldau.kz» تسيفرلىق تۇعىرنامانى جەتىلدىرۋ, سونداي-اق اۋىل شارۋاشىلىعى سالاسىنداعى مەملەكەتتىك قىزمەتتەردى تولىق اۆتوماتتاندىرۋ.
ارنايى مونيتورينگتىك توپتىڭ جەتەكشىسى ا.سولوۆەۆا اۋىل شارۋاشىلىعى سالاسىنىڭ اشىقتىعى مەن ايقىندىلىعىن ارتتىرۋ ماقساتىندا جۇرتشىلىقپەن جۇمىستى كۇشەيتۋدىڭ ماڭىزدىلىعىن اتاپ ءوتتى. وسى تۇرعىدا «اۋىل شارۋاشىلىعى مينيسترلىگى – ادالدىق الاڭى» جوباسىن ىسكە اسىرۋدى جانداندىرۋعا شاقىردى.
ءوز كەزەگىندە, مينيسترلىكتىڭ جاۋاپتى حاتشىسى م.ورازاەۆ كەڭەسكە قاتىسۋشىلاردى اوك سالاسىنداعى مەملەكەتتىك قىزمەتتەردى اۆتوماتتاندىرۋ جانە وڭتايلاندىرۋ بويىنشا, ونىڭ ىشىندە ۇسىنىلاتىن قۇجاتتاردىڭ مەرزىمدەرى مەن تىزبەسىن قىسقارتۋ بويىنشا قابىلدانىپ جاتقان شارالار, اوك سالاسىنداعى سۋبسيديالاۋ قاعيدالارىنا جانە جەر قاتىناستارىن تسيفرلاندىرۋ سالاسىندا قابىلدانىپ جاتقان نقا وزگەرىستەر, «ادالدىق الاڭى» جوباسى اياسىندا اۋماقتىق بولىمشەلەردىڭ جۇمىسى تۋرالى حاباردار ەتتى.
بۇگىنگى كۇنى اۋماقتىق بولىمشەلەر باسشىلارىنىڭ قىزمەتىن باعالاۋ جانە ولاردى روتاتسيالاۋدى تۇراقتى نەگىزدە جۇرگىزۋ, باقىلاۋ-قاداعالاۋ قىزمەتى سالاسىندا اكىمشىلىك ءىس جۇرگىزۋدى ەلەكتروندىق فورماتتا قامتاماسىز ەتەتىن اقپاراتتىق جۇيەلەردى ەنگىزۋ جانە قر قولدانىستاعى زاڭناماسىندا قابىلدانعان جاڭا تالاپتار بويىنشا مەملەكەتتىك قىزمەتشىلەرمەن ءتۇسىندىرۋ جۇمىسىن كۇشەيتۋ ارقىلى ولاردىڭ قىزمەتىن تۇبەگەيلى جاقسارتۋ جوسپارلانۋدا.
