فورۋمنىڭ ءبىرىنشى كۇنىنىڭ جۇمىسى ايماقتىق فورۋمدارعا شولۋ كورسەتىلىمىنەن باستالادى. بۇدان كەيىن ۇەۇ وكىلدەرىنىڭ قاتىسۋىمەن «رەسۋرستىق ورتالىقتار - ازاماتتىق باستامالاردى تارتۋ ورتالىقتارى» تاقىرىبىندا پودكاست وتەدى.
«سىبايلاس جەمقورلىققا قارسى ازاماتتىق قوعام» ساراپتاما الاڭىندا فورۋم قاتىسۋشىلارى پاراقورلىقپەن كۇرەسۋدىڭ ءتيىمدى ادىستەرىن جانە قوعامدا وسى الەۋمەتتىك ز ۇلىمدىققا توزبەۋشىلىكتى قالىپتاستىرۋ تاسىلدەرىن تالقىلاي الادى. سونداي-اق «قوعامدىق كەڭەستەردىڭ تيىمدىلىگىن ارتتىرۋ تاجىريبەسى مەن پراكتيكاسى», «پىكىر كوشباسشىلارىنىڭ اۋديتوريا الدىنداعى ازاماتتىق جاۋاپكەرشىلىگى» تاقىرىپتارىندا پىكىرتالاستار وتەدى.
LIVE رەجيمىندە «ازاماتتىق قوعام. ماسەلەلەر مەن الدىڭعى كورىنىس» اتتى ساراپتاما الاڭى جۇمىس ىستەيدى. مۇندا قر اقپارات جانە قوعامدىق دامۋ ءمينيسترى ايدا بالاەۆا مەن قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆانىڭ كەزدەسۋ-تالقىلاۋى وتەدى. بۇل قىزىقتى سپيكەرلەرمەن اڭگىمەلەسۋدىڭ جانە ولارعا تىكەلەي سۇراقتار قويۋدىڭ بىرەگەي مۇمكىندىگى.
سونىمەن قاتار, ازاماتتىق فورۋمنىڭ ءبىرىنشى كۇنى مينيسترلەردىڭ ۇكىمەتتىك ەمەس سەكتور وكىلدەرىمەن كەزدەسۋلەرى وتەدى. ۇەۇ كەزدەسۋلەردى قر دەنساۋلىق ساقتاۋ ءمينيسترى الەكسەي تسوي, قر قارجى ءبىرىنشى ۆيتسە-ءمينيسترى بەرىك شولپانقۇلوۆ, قر ىشكى ىستەر ءمينيسترىنىڭ ورىنباسارى ارىستانعاني زاپپاروۆ وتكىزەدى.
ازاماتتىق فورۋمعا قاتىسۋشىلار ونلاين رەجيمىندە بارلىق سپيكەرلەرگە سۇراقتار قويىپ, قورىتىندى شىعارىپ, الداعى جۇمىس جوسپارلارىن تالقىلاي الادى. ءبىرىنشى كۇننىڭ سوڭىندا «ۇەۇ جانە بيزنەس, ەكىجاققا ءتيىمدى ارىپتەستىكتى قالاي ورناتۋعا بولادى» اتتى ەكى ساعاتتىق ترەنينگ وتەدى.
ءار ءتۇرلى فورماتتاعى الاڭدار: ترەنينگتەر, پىكىرتالاستار, بەينە پودكاستتار, زۋم-كەزدەسۋلەر فەيسبۋكتەگى https://www.facebook.com/azamattyqforum پاراقشاسىندا, ينستامگرامداعى https://www.instagram.com/azamattyqforum , https://www.youtube.com/channel/UCFGPjS9AIdVgqzxj_2aydfQ يۋتۋب-ارناسىندا كورسەتىلەتىن بولادى. فورۋم باعدارلاماسى مەن دەلەگاتتاردى تىركەۋ www.azamattyqforum.kz سايتىندا قولجەتىمدى.
ەستەرىڭىزگە سالا كەتەيىك, العاشقى ازاماتتىق فورۋم 2003 جىلدىڭ 14 قازانىندا ءوتتى. وسى ۋاقىتتان باستاپ ەلىمىزدىڭ ءۇشىنشى سەكتورىن دامىتۋعا ۇلكەن كوڭىل بولىنۋدە. قازىر قازاقستاندا 22 000-نان استام ۇكىمەتتىك ەمەس ۇيىم تىركەلگەن.
