تارباعاتاي اۋدانىندا 1990 جانە 1981 جىلى تۋعان ەكى بالىقشى 20 قاراشادا بالىق اۋلاۋعا شىعىپ, سودان بەرى ورالماعان. 21 قاراشا تاڭەرتەڭ وقيعا ورنىنا قۇرامىندا 10 ادامى بار توپ پەن ءبىر ارنايى تەحنيكا, "پەگاس" قايىعى اتتاندى.
"ودان بولەك وبلىستىق اكىمدىكتىڭ مي-8 تىكۇشاعى دا بالىقشىلاردى ىزدەۋگە جۇمىلدىرىلدى. جەرگىلىكتى پوليتسيانىڭ درون ۇشاتىن اپپاراتى مەن جەرگىلىكتى 50 تۇرعىن دا وسى ىسكە اتسالىسىپ جاتىر", دەلىنگەن حابارلامادا.
سول كۇنى بالىقشىلاردىڭ قايىعىنىڭ بەنزين قۇياتىن ىدىسى تابىلدى.
كەشە, ياعني 22 قاراشادا سۇڭگۋىر ماماندار ارنايى قۇرالدىڭ كومەگىمەن كول بەتىندەگى مۇزدىڭ استىندا ىزدەۋ جۇمىسىن جۇرگىزدى. كەشكە قاراي جوعالعانداردىڭ قايىعى تابىلدى.
قۇتقارۋشىلار بالىقشىلاردىڭ قايىعىن مۇز استىنان الىپ شىقتى. ال بۇگىن سۇڭگۋىرلەر سۋ استىنداعى ىزدەۋ جۇمىسىن جالعاستىرادى.
