«پايىزدىق مولشەرلەمەنى سۋبسيديالاۋ مەن يندۋستريالاندىرۋ كارتاسىنىڭ جوبالارىنا كەپىلدىك بەرۋدى, يندۋستريالىق ينفراقۇرىلىم جۇرگىزۋ بويىنشا جاقسارتىلعان شارتتاردى, سونداي-اق وسىعان وراي مىندەتتەمەلەردىڭ مونيتورينگىن قاراستىرۋ قاجەت. بۇدان باسقا, قارجىلاندىرۋعا بايلانىستى دامۋ ينستيتۋتتارى جەلىسى بويىنشا بولىنەتىن قاراجاتتىڭ 50%-ىن كارتا جوبالارىنا باعىتتاپ, پرەمەر-مينيستر مەن وڭىرلەر اكىمدەرى اراسىنداعى مەموراندۋمنىڭ ينديكاتورلارىنا ءتيىستى جىلعا ەنگىزىلەتىن جوبالاردىڭ سانىن قوسۋ قاجەت», دەپ مالىمدەدى البەرت راۋ.
ءوز كەزەگىندە يندۋستريا جانە ينفراقۇرىلىمدىق دامۋ ۆيتسە-ءمينيسترى امانياز ەرجانوۆ ەلىمىزدىڭ ءاربىر وبلىسىنا قاتىستى تولىق ەسەپ بەرىپ, 2020 جىلدىڭ نەگىزگى جوبالارىن اتادى. ولار: الماتىدا «كمك Investment» جشس مەتاللۋرگيالىق زاۋىتى, ەلوردادا «ModeX Astana» جشس كولەمدى-بلوكتى ءۇي قۇرىلىسى زاۋىتى, قاراعاندى وبلىسىندا «Qaz Carbon» جشس فەرروقورىتپا زاۋىتى, الماتىدا «Hyundai Trans Kazakhstan» جەڭىل اۆتوكولىكتەر ءوندىرىسى, ساران قالاسىندا اۆتوبۋستار, كارەرلىك جانە جول-قۇرىلىس تەحنيكاسىن شىعارۋ ءوندىرىسى, قاراعاندى وبلىسىندا «QazTehna» جشس جانە شىعىس قازاقستان وبلىسىندا ء«ۇلبى-تۆس» جشس جىلۋ بولەتىن قۇرامالار ءوندىرىسى.
«بيىل 995,9 ملرد تەڭگە ينۆەستيتسيا كولەمىندەگى 18,8 مىڭنان استام جۇمىس ورنىن قۇرۋ كوزدەلگەن 206 جوبانى ىسكە قوسۋ جوسپارلانعان. ولاردىڭ ىشىندەگى 77 جوبا (5,8 مىڭ جۇمىس ورنى) اۋىلدىق جەرلەرگە, 15 جوبا (1 مىڭنان استام جۇمىس ورنى) مونوقالالارعا باعىتتالعان. بارلىق مالىمدەلگەن جوبالار تولىققاندى جۇزەگە اسقان جاعدايدا وندىرىلەتىن ءونىمنىڭ جالپى كۇتىلەتىن كولەمى – 3 ملرد اقش دوللارىن, ونىڭ ىشىندە ەكسپورتقا شىعارىلاتىنى – 800 ملن اقش دوللارىنا جۋىق قاراجاتتى قۇرايدى», دەپ ناقتىلادى امانياز ەرجانوۆ.
سپيكەر اتاپ وتكەندەي, بۇگىنگى تاڭدا جالپى سوماسى 432 ملرد تەڭگەدەن اساتىن 51 جوبا پايدالانۋعا بەرىلدى, 127 جوبانى اعىمداعى جىلدىڭ سوڭىنا دەيىن ىسكە قوسۋ جوسپارلانعان. سونىمەن قاتار 13 جوبانى پايدالانۋعا بەرۋ مەرزىمدەرىنىڭ ورىندالماۋى جانە 15 جوبانى كەلەسى جىلعا اۋىستىرۋ تاۋەكەلى بايقالادى.
وڭىرلەر اراسىندا ينۆەستيتسيا كولەمى بويىنشا قاراعاندى (203,1 ملرد تەڭگە), اقتوبە (138,3 ملرد تەڭگە) جانە الماتى (104,1 ملرد تەڭگە) وبلىستارى كوش باستاپ تۇر. جوبالار سانى بويىنشا اقتوبە (23), شىمكەنت ق. (21), اقمولا جانە پاۆلودار وبلىستارى (14) الدا تۇر.
تالقىلاۋ بارىسىندا البەرت راۋ وڭىرلىك پارتيالىق كۋراتورلار تاراپىنان يندۋستريالىق جوبالاردىڭ ىسكە اسىرىلۋىنا مونيتورينگ جۇرگىزۋ قاجەتىن اتاپ ءوتتى.
«يندۋستريالىق جوبالاردى قازىرگى قالىپتان تىس داعدارىس جاعدايىندا ىسكە اسىرۋدى جالعاستىرۋ – ءبىزدىڭ ەكونوميكامىزدىڭ ءارتاراپتاندىرىلۋى مەن ورنىقتىلىعى ءۇشىن اسا ماڭىزدى. شەكتەۋ شارالارىنا قاراماستان, جوبالاردىڭ باسىم بولىگى ىسكە قوسىلاتىنى قۋانتادى», - دەپ اتاپ ءوتتى پارتيالىق كۋراتور.
وتىرىس قورىتىندىسى بويىنشا كوميسسيا ۇكىمەت ءۇشىن بىرقاتار ۇسىنىمدار قابىلدادى. ولاردىڭ ىشىندە: ىسكە قوسۋعا دايىن جوبالاردى ىسكە قوسۋ-رەتتەۋدى جۇرگىزۋ ءۇشىن شەتەلدىك مامانداردىڭ كەلۋىنە كومەكتەسۋ; كارتا جوبالارىن ىرىكتەۋدى, ۇيلەستىرۋدى جانە ساپالى مونيتورينگ جۇرگىزۋدى, ۋاقتىلى پايدالانۋعا بەرۋدى قامتاماسىز ەتۋ ماقساتىندا بىرىڭعاي يندۋستريالاندىرۋ كارتاسىنىڭ تاجىريبەسىنە ورالۋ بار.
يندۋستريا جانە ينفراقۇرىلىمدىق دامۋ مينيسترلىگىنە الماتى قالاسىندا جالعانباعان بولات قۇبىرلاردى ءوندىرۋ كەزىندە تەك قازاقستاندىق بولاتتى پايدالانۋ; سونداي-اق شىمكەنت قالاسىنىڭ اكىمدىگىمەن بىرلەسىپ, جىل سوڭىنا دەيىن مەتاللۋرگيا زاۋىتىن ىسكە قوسۋدى قامتاماسىز ەتۋ ۇسىنىلدى.
ەنەرگەتيكا مينيسترلىگى «KEGOC» اق جانىنداعى بىرىڭعاي ەسەپ ايىرىسۋ-قارجى ورتالىعىمەن جەك جونىندەگى كارتانىڭ ىسكە اسىرىلاتىن جوبالارىنا شارتتار جاساسۋدى قامتاماسىز ەتۋى قاجەت.
