زىمىراندار كابۋلدىڭ «جاسىل ايماعىندا», ياعني ەلشىلىكتەر مەن حالىقارالىق كومپانيالار ورنالاسقان بولىگىنە قۇلاعان. ىشكى ىستەر مينيسترلىگىنىڭ وكىلى تاريق اريان ءمان-جايدى انىقتاۋ ءۇشىن ارنايى توپ قۇرىلىپ, زىمىراندار قايدان جىبەرىلگەنى جانە جارىلۋ سەبەبى انىقتالاتىنىن مالىمدەدى. «تەررورشىلار زىمىرانداردى جۇك كولىگىنەن جىبەرگەن. ءىستىڭ انىق-قانىعى مىندەتتى تۇردە انىقتالادى. ازىرگە 8 كىسىنىڭ قازا تاۋىپ, 31 ازاماتتىڭ جارالانعانى ءمالىم», دەدى ول.
ەلدەگى قارۋلى كۇشتەر مۇنى تەررورلىق توپتارمەن, اسىرەسە دايش-پەن بايلانىستىرادى. بۇل بولجامعا ولاردىڭ اۋعانستان ارقىلى قارۋ-جاراق تاسۋى سەبەپ. تاليبان جاۋاپكەرشىلىكتەن باس تارتتى. ولار «اۋعانستان ۇكىمەتىمەن كۇرەسسەك تە, قوعامدىق ورىنداردا قارۋ قولدانبايمىز» دەگەن مالىمدەمە جاسادى.
