ايماقتار • 20 قاراشا، 2020

"ۇستازدار ۇيىندە" كەزدەسۋ ءوتتى

15 رەت كورسەتىلدى

«ۇستازدار ۇيىندە» قاشىقتىقتان وقىتۋ جاعدايىنداعى بىلىكتىلىكتى ارتتىرۋ كۋرستارىنىڭ جۇمىسىمەن، سونداي-اق پەداگوگتاردى قولداۋداعى ءىس-شارالارمەن تانىستىرۋ ماقساتىندا وتكەن كەزدەسۋگە قالالىق ءبىلىم سالاسىنىڭ باسشىلارى قاتىستى.

الماتى قالاسى ءبىلىم باسقارماسىنىڭ باسشىسى ل.جىلقىباەۆا، جالپى ورتا ءبىلىم ءبولىمىنىڭ باسشىسى ا.ايتۋاروۆانى  «ورلەۋ» باۇو» اق باسقارما توراعاسىنىڭ ورىنباسارى ي.سامساەۆ، «ورلەۋ» باۇو» اق فيليالى الماتى قالاسى بويىنشا پقباي ديرەكتورى ر.سادۆاكاسوۆا مۇعالىمدەردىڭ بىلىكتىلىگىن ارتتىرۋ ينستيتۋتىنىڭ 60 جىلدىق مەرەيتويى قارساڭىنداعى شارالارمەن جانە دە اعىمداعى جۇمىستار بارىسىمەن تانىستىردى.

وسى كەزدەسۋدە «م.مونتەسسوري» كابينەتىنىڭ جەتەكشىسى س.مۋسينا مونتەسسوري تەحنولوگياسىن قولدانۋ ءادىس-تاسىلدەرىنىڭ بالا تاربيەسىندەگى ماڭىزدىلىعىنا جان-جاقتى توقتالدى. ءبىلىم بەرۋ ۇدەرىسىن پسيحولوگيالىق-پەداگوگيكالىق جەتەكشىلىك ەتۋ كافەدراسىنىڭ اعا وقىتۋشىسى ق.نۇرلىباەۆ بىلىكتىلىكتى ارتتىرۋ سالاسىن تسيفرلاندىرۋ اياسىنداعى «روبوتوتەحنيكا نەگىزدەرى»، STEM، STEAM وقىتۋعا ارنالعان كۋرستارعا توقتالىپ، كۋرس تىڭداۋشىلارىنىڭ شىعارماشىلىق قابىلەتى مەن الەۋەتىن ارتتىرۋعا مۇمكىندىك بەرەتىن الدىڭعى دەڭگەيلى LEGO® MINDSTORMS® EV3 وقۋ كونسترۋكتورلارى مەن Arduino كونتروللەرىن پايدالانىپ جۇرگىزگەن تاجىريبە جۇمىستارى تۋرالى جان-جاقتى باياندادى. اقپاراتتىق-كوممۋنيكاتسيالىق ورتالىقتا كىتاپحانا ءىسى جونىندەگى باس مامان ن.قارابالاەۆا «ينستيتۋت كىتاپحاناسى» ايدارىنداعى جاڭاشىلدىق قادامدارىنىڭ مۇمكىندىكتەرىمەن تانىستىردى.

بۇگىنگى زامان تالابىنا سايكەس جابدىقتالعان بەينە جانە دىبىس جازۋ ستۋدياسىنىڭ يننوۆاتسيالىق جەتىستىكتەرىمەن، جاڭاشىل باستامالارىمەن تانىستىرۋ بارىسىندا  «ورلەۋ» باۇو» اق يننوۆاتسيالار جانە قوعاممەن بايلانىس دەپارتامەنتىنىڭ ديرەكتورى ك.كوپباەۆا ورتالىقتىڭ الەۋمەتتىك جەلىلەرگە اقپارات ورناتۋ جۇمىستارىنا جان-جاقتى توقتالدى. بۇگىندە قاشىقتان وقۋ جاعدايىندا مۇعالىمدەرگە قولداۋ كورسەتۋ ماقساتىندا جۇزەگە اسىرىلعان اۋقىمدى جۇمىستارعا توقتالىپ، ۇلتتىق ورتالىقتىڭ وقىتۋشىلارى مەكتەپتەردىڭ ۇزدىك ۇستازدارىمەن بىرلەسە وتىرىپ جاڭا وقۋ جىلىنىڭ 1-ءشى توقسان باعدارلاماسىنا سايكەس پاندەر بويىنشا 5000-عا جۋىق تسيفرلىق ساباقتاردىڭ كونتەنتى دايىندالىپ You Tobe-تە ورلەۋ ءبىلىم كانالىنا ورنالاستىرىلعان. سونداي-اق Facebook جانە Instagram-داعى  «ونلاين ۆەبينار»، «كۋرستارداعى قىزىقتى ساتتەر»، «ۇستازعا كومەكشى رەسۋرستار»، «ترەنەرلەرمەن ونلاين كەزدەسۋ»، «IT فيشكا»، «قاشىقتان وقىتۋ كەزىندەگى كيبەر قاۋىپسىزدىك»  سىندى رۋبريكالار، اپتا سايىن پروفەسسور-وقىتۋشىلار مەن مازمۇنى جاڭارتىلعان ءبىلىم بەرۋ باعدارلاماسى بويىنشا ترەنەرلەردىڭ تاقىرىپتىق ۆەبينار-كەڭەسى ۇستازداردىڭ كاسىبي وسۋىنە قولداۋ كورسەتۋ ماقساتىندا ۇيىمداستىرىلۋدا. قاشىقتان وقىتۋ بويىنشا مۇعالىم بىلىكتىلىگىن ارتتىرۋ ءۇشىن «ورلەۋ» باۇو» اق «قاشىقتان وقىتۋ: ساباقتى ازىرلەۋدەن ءبىلىم بەرۋ پروتسەسىن ۇيىمداستىرۋعا دەيىن» تاقىرىبىندا 5-قىركۇيەكتەن باستاپ اشىق ونلاين كۋرستارى جالعاسىن تابۋدا.

ال مۇعالىمدەردىڭ بىلىكتىلىگىن ارتتىرۋ جۇيەسىنىڭ قالىپتاسۋى مەن دامۋ تاريحى تۋرالى قۇندى دەرەكتەردى توپتاستىرعان زاماناۋي ۇلگىدەگى مۇراجايمەن ينستيتۋت ديرەكتورىنىڭ ورىنباسارى ي.حاليتوۆا تانىستىردى.  كەزدەسۋ قوناقتارى مۇعالىمدەردىڭ بىلىكتىلىگىن بۇگىنگى تالاپ دەڭگەيىندە ارتتىرۋدا بار مۇمكىندىكتەردى قاراستىرعان «ورلەۋدىڭ» ورەلى ىستەرىنە ريزاشىلىعىن ءبىلدىردى.

 

الماتى

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار