«كوروناۆيرۋستىق پاندەمياعا بايلانىستى گەرمانياداعى Porsche زاۋىتى ءوندىرىستى ءبىر ايعا توقتاتۋعا ءماجبۇر بولدى. وسى سەبەپتەرمەن قازاقستاندا Taycan ساتىلىمىنىڭ باستاۋ مەرزىمىن اۋىستىرۋعا تۋرا كەلدى. سوندىقتان دا بۇگىن ءبىز بۇكىل الەمنىڭ اۆتوموبيل سۇيەر قاۋىمىن 70 جىلدان استام ۋاقىت بويى ءتانتى ەتكەن برەند ءۇشىن رەۆوليۋتسيالىق مودەلدىڭ ەندى قر-دا دا رەسمي تۇردە ۇسىنىلعانىنا ەكى ەسە قۋانىشتىمىز», - دەپ مالىمدەدى Porsche-ءنىڭ قازاقستانداعى رەسمي يمپورتتاۋشىسى Orbis Auto اۆتوموبيل توبىنىڭ باس ديرەكتورى دينارا ىسقاقوۆا.
Porsche Taycan – بۇل ادەتتەگى 400 ۆولت ەلەكتروموبيلدىڭ ورنىنا جۇيە كەرنەۋى 800 ءۆولتتى قۇرايتىن ءبىرىنشى سەريالىق اۆتوكولىك. بۇل شەشىم Taycan جۇرگىزۋشىسىنە جولدا ايتارلىقتاي ارتىقشىلىقتار بەرەدى: ساپار بويى جوعارى قۋات جانە زاريادتاۋ جىلدامدىعى. بەس مينۋت ىشىندە ارنايى ستانتسيادا تۇراقتى توقپەن زاريادتاۋ سىزگە 100 كم-گە جەتۋ ءۇشىن جەتكىلىكتى قۋاتتى جيناۋعا مۇمكىندىك بەرەدى. يدەالدى جاعدايداعى زاريادتاۋ ۋاقىتى 5-تەن 80 پايىزعا دەيىن 22,5 مينۋتتى قۇرايدى, ماكسيمالدى زاريادتاۋ قۋاتتىلىعى (ەڭ جوعارى) – 270 كۆت. جوعارى ءتيىمدى Plus باتارەياسىنىڭ جالپى سىيىمدىلىعى – 93,4 كۆت/ساع. Taycan جۇرگىزۋشىلەرى ءوز كولىگىن ۇيدە اينىمالى توق كوزىنەن 11 كۆت-قا دەيىنگى قۋاتپەن زاريادتاي الادى.
تۇراقتى ماگنيتتەردەن قوزاتىن سينحروندى ەلەكتر قوزعالتقىشتارى ءاۆتوموبيلدىڭ الدىڭعى جانە ارتقى وستەرىنە ورناتىلعان, تيىمدىلىگى جوعارى باتارەيا تۇبىنە ورنالاستىرىلعان. بۇل تۇجىرىمداما كەرەمەت ءجۇرىس ساپاسىن, ۇزاق قۋاتتى, ىقشام ديزاينداعى جوعارى پاك-ءتى, ديناميكا مەن ۇنەمدىلىكتىڭ ۇيلەسىمىن قامتاماسىز ەتەدى. يننوۆاتسيالىق پرينتسيپتەردى قولدانا وتىرىپ, تەجەۋ ەنەرگياسىن 90%-عا دەيىن رەگەنەراتسيالاۋعا مۇمكىندىك بەرەتىن Porsche Recuperation Management رەكۋپەراتسيانى باسقارۋ جۇيەسى جۇمىس ىستەيدى. تەجەۋ كەزىندە الدىمەن رەكۋپەراتسيا رەجيمى, سودان كەيىن كۇشتى باسەڭدەۋ قاجەت بولسا مەحانيكالىق تەجەگىشتەر ىسكە قوسىلادى. 200 كم/ساع جىلدامدىقتان تولىق توقتاعانعا دەيىنگى باسەڭدەۋ كەزىندە رەكۋپەراتسيا 4 شاقىرىم جۇرۋگە جەتكىلىكتى ەلەكتر ەنەرگياسىن ۇنەمدەۋگە مۇمكىندىك بەرەدى.
Taycan Turbo S نۇسقاسى Launch Control ىسكە قوسىلعان كەزدە Overboost رەجيمىندە 560 كۆت (761 ا.ك.) دەيىنگى قۋاتقا يە, ال Taycan Turbo قۋاتى 500 كۆت (680 ا.ك.) قۇرايدى. Taycan Turbo S ورنىنان 100 كم/ساع دەيىن 2,8 سەكۋندتا, ال Taycan Turbo 3,2 سەكۋندتا قارقىنداي الادى. Turbo S مودەلىنىڭ ءجۇرىس قورى 412 شاقىرىمعا دەيىن, ال Turbo مودەلىندە 450 شاقىرىمعا دەيىن (ەكى جاعدايدا دا WLTP سايكەس). ەكى تولىق جەتەكتى مودەلدىڭ ماكسيمالدى جىلدامدىعى 260 كم/ساع قۇرايدى. Porsche Taycan 4S «جۇزگە» 4 سەكۋندتا جەتەدى, كولىكتىڭ ماكسيمالدى جىلدامدىعى 250 كم/ساع, قۋاتى 390 كۆت (530 ا.ك.).
Porsche Taycan-عا العاش رەت تەرىنى پايدالانباي جاسالعان ارلەۋ نۇسقاسىن ۇسىنادى. يننوۆاتسيالىق قايتا وڭدەلگەن ماتەريالدان جاسالعان ارلەۋ بولشەكتەرى سپورتتىق ماشينانىڭ ۇتىمدى تۇجىرىمداماسىن كورسەتەدى. ەكى جۇكسالعىش بار: الدىڭعىسىنىڭ كولەمى 81 ليتر, ارتقى – 366 ليتر.
2020 جىلى قازاقستاندا Taycan 4S, Taycan Turbo موديفيكاتسيالارى قولجەتىمدى بولادى; 2021 جىلى مودەلدىك قاتار Taycan 4 جانە Taycan Turbo S, Taycan Gran Turismo تولىقتىرىلادى. Taycan 4S جانە Taycan Turbo مودەلى قارا جانە اق تۇستەردە, مەتالل ەففەكتىندەگى 11 تۇستە, سونىمەن قاتار ەكسكليۋزيۆتى كوك مەتالل, سۇر مەتالل, اشىق سۇر جانە قىزىل مەتالل ەمەس تۇستەردە بولادى.
Porsche اۆتوسالونىنىڭ ديرەكتورى گاۋحار عابدراحيموۆانىڭ ايتۋىنشا, COVID-19 پاندەمياسىمەن بايلانىستى قيىندىقتارعا قاراماستان, برەندتىڭ قازاقستاندىق ساتىلىمى 2020 جىلى ءوسىمدى كورسەتتى.
«2020 جىلدىڭ ءبىرىنشى جارتىسىندا Porsche ساتىلىمى وتكەن جىلدىڭ سايكەس كەزەڭىمەن سالىستىرعاندا 26%-عا ارتتى: 2019 جىلدىڭ قاڭتار-ماۋسىم ايلارىندا رەسمي يمپورتتاۋشى قازاقستاندا 34 ءاۆتوموبيلدى, ال وسى جىلدىڭ التى ايىندا 43 اۆتوكولىكتى ساتتى. 2019 جىلدىڭ 10 ايىنىڭ قورىتىندىسى بويىنشا 58 اۆتوكولىك ءوز يەلەرىن تاپتى, ال بيىل كارانتينگە قاراماستان, ءبىز 93 Porsche كولىگىن ساتتىق. Taycan-نىڭ قازاقستاندىق ساتىلىمدارى ءبىزدىڭ ءۇمىتىمىزدى اقتايدى دەپ سەنەمىز. سونىمەن قاتار, 2020 جىلدىڭ سوڭىندا ءبىز Porsche-ءنىڭ تاعى ءبىر جاڭالىعىن – جاڭارتىلعان Panamera GII كۇتەمىز», - دەدى گاۋحار عابدراحيموۆا.
Taycan 4S باعاسى كومپلەكتاتسياسىنا بايلانىستى 100 مىڭ ەۋرودان, ال Taycan Turbo 145 مىڭ ەۋرودان باستالادى. بۇگىنگى تاڭدا قازاقستاندا Porsche-ءنىڭ ءۇش ەلەكتركارى ساتىلدى, جىل سوڭىنا دەيىن رەسمي ديلەر تاعى ءبىر Taycan ساتۋدى جوسپارلاپ وتىر, 2021 جىلعا ارنالعان ساتۋ جوسپارى – 15 اۆتوكولىك.
