ءبىز ءسوز ەتىپ وتىرعان ءبىلىم ۇياسىنداعى دارىندى وقۋشىلاردىڭ باستاماسىمەن جۋىردا ء«سوز توركىنى» دەپ اتالعان پىكىرسايىس كلۋبى ءوز جۇمىسىن باستادى. قازاق ءتىلى مەن ادەبيەتىنىڭ مايەگىنە ءۇڭىلۋدى ماقسات تۇتقان تالاپكەرلەردىڭ العاشقى قادامى جامان ەمەس. بەلسەندى شاكىرتتەردى ءسوز ونەرىنە, وي ەركىندىگىنە ماشىقتاندىراتىن جوبا قۇرامىنا 20 وقۋشى ەنىپتى. مۇندا جاس زياتكەرلەر وزدەرىن ءتىل شەبەرلىگىنە باۋلىپ ءجۇر.
– بۇل باستامانى شاكىرتتەرىمىزدىڭ ۇسىنىسىمەن جۇزەگە اسىرىپ وتىرمىز. وقۋشىلاردىڭ كوپشىلىك الدىندا اشىق سايلەۋ جانە سىني تۇرعىدا ويلاۋ شەبەرلىگىن ارتتىرۋدىڭ ماڭىزى زور. قازىرگى ۋاقىتتا zoom پلاتفورماسىن پايدالانا وتىرىپ, العاشقى جۇمىسىمىزدى باستاپ كەتتىك. پىكىرسايىس كلۋبىنىڭ ءاربىر باسقوسۋىندا ءتۇرلى سالادا جەتىستىككە جەتكەن ماماندارمەن سۇحباتتاسىپ, ەركىن اڭگىمە وربىتەمىز. كوبىنە-كوپ اقىن-جازۋشىلار, جۋرناليستەر مەن مادەنيەت سالاسى ماماندارىمەن بولعان ديدارلاسۋلار كلۋب مۇشەلەرىنە ايرىقشا اسەرىن تيگىزىپ ءجۇر. «بولماساڭ دا ۇقساپ باق» دەگەندەي, ولاردى كورگەن بالالار ادەبي كىتاپتار وقىپ, شەشەندىك سوزدەر جاتتاپ, قاناتتانادى. ويىن اشىق ايتا الاتىن, ءسوز ساپتاۋ قابىلەتى قالىپتاسقان ۇرپاق قوعامنان ورنىن تاۋىپ, بولاشاقتا ء وز سالاسىنىڭ كوشباسشىسى بولۋعا داعدىلانادى, – دەيدى ءCۇيىنباي ارون ۇلى اتىنداعى №143 مەكتەپ-ليتسەيىنىڭ اعا تالىمگەرى نازەركە جۇنىسباەۆا.
پىكىرسايىس كلۋبىنىڭ كوشباسشىسى 10-سىنىپتا وقيتىن اسحات تولەپبەرگەن. «قاي سالانىڭ شەتىندە جۇرسە دە, ءاربىر قازاق بالاسى ءوز انا ءتىلىن, ادەبيەتى مەن تاريحىن تەرەڭ ءبىلۋى كەرەك» دەگەن ول بولاشاقتا جۋرناليست بولۋدى ارماندايتىنىن ايتادى. اسحاتتىڭ سوزىنشە, ء«سوز توركىنى» ۇيىمىنىڭ مۇشەلەرى ەلىمىز بەن الەمدە بولىپ جاتقان ەلەۋلى جاڭالىقتاردى دا ءوزارا تالقىعا سالىپ, وي-پىكىر ءبىلدىرىپ وتىرادى. الداعى ۋاقىتتا توپ مۇشەلەرى تولىعا تۇسپەك.
