ايماقتار • 20 قاراشا، 2020

شىمكەنتتە اقپاراتتىق ستراتەگيانىڭ ماڭىزدىلىعى جونىندە كونفەرەنتسيا ءوتتى

68 رەت كورسەتىلدى

شىمكەنت قالاسى اكىمدىگى مەن قازاقستان جۋرناليستەر وداعىنىڭ تۇركىستان وبلىستىق فيليالىنىڭ ۇيىمداستىرۋىمەن "ينفودەميانىڭ ەكىنشى تولقىنى: الدىن الۋ جانە جاڭا اقپاراتتىق ستراتەگيا" اتتى ونلاين كونفەرەنتسياسى ءوتتى، دەپ حابارلايدى Egemen.kz

كونفەرەنتسياعا شىمكەنتپەن قاتار، نۇر-سۇلتان، الماتى قالالارىنان جۋرناليستەر، بلوگەرلەر جانە دارىگەرلەر قاتىستى.

ونلاين كونفەرەنتسيانىڭ اشىلۋىندا ءسوز العان شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان قازىرگى كەزدە الەمدى الاڭداتقان كوروناۆيرۋس ىندەتىنە بايلانىستى حالىققا جەدەل اقپارات بەرۋدىڭ ماڭىزدىلىعىن ايتىپ، بىرەگەي پلاتفورمالاردىڭ جۇمىسىنا توقتالدى.

– شىمكەنتتە كوروناۆيرۋس تۋرالى ناقتى اقپارات تاراتاتىن "covid19shymkent.kz" سايتى جۇمىس ىستەۋدە. مۇندا قالا تۇرعىندارى كۆي بويىنشا جەدەل ستاتيستيكامەن تانىسا الادى. ينتەرنەت رەسۋرستا اقپاراتتار كۇن سايىن جاڭارتىلىپ وتىرادى. سونىمەن قاتار وندا اۋرۋدىڭ الدىن الۋ، ونىڭ بەلگىلەرى جانە ساقتانۋ ەرەجەلەرى تۋرالى ماعلۇمات بەرىلۋدە. ودان بولەك، 1460 ءنومىرلى CALL-ورتالىق ىسكە قوسىلدى. بۇل جەردە بىلىكتى ماماندار بار. ياعني، تۇرعىندار Covid-19 جايلى كەز كەلگەن سۇراقتارىنا جاۋاپ الادى. بىرەگەي پلاتفورمالاردى قوسۋعا كوپتەگەن جايت سەبەپ بولدى. ماسەلەن، ەپيدەميولوگيالىق احۋال ورشىگەن كەزدە ناۋقاستاردى ءدارى-دارمەكپەن قامتاماسىز ەتۋ، ەمدەۋ ماسەلەسىنەن بولەك، جالعان اقپاراتپەن كۇرەسۋ ماسەلەسى وزەكتى بولدى. ويتكەنى حالىق كىمگە سەنەرىن بىلمەي، دال بولعانى راس. جالعان اقپارات تا كوروناۆيرۋس سياقتى تەز تارايدى ءارى زياندى. وسىنداي جاعدايدا سەنىمدى دەرەككوزدەن دەر كەزىندە شىنايى اقپارات تاراتىلۋى كەرەك. بۇگىنگى ءبىز تالقىلاپ وتىرعان تاقىرىپ تا وسىعان سايادى، – دەدى شىڭعىس جۇمابەك ۇلى.

سونداي-اق كونفەرەنتسيا بارىسىندا قازاقستان مەديا اليانسىنىڭ باسقارما توراعاسى، قر پارلامەنتى سەناتىنىڭ دەپۋتاتى نۇرتورە ءجۇسىپ پاندەميا كەزىندە باق وكىلدەرىنىڭ بەلسەندى جۇمىس ىستەگەنىن اتاپ ءوتتى.

– دارىمەن ۋلانعان ادامدى دارىگەر ەمدەيدى، ال اقپاراتپەن ۋلانعان ادامدى كىم ەمدەيدى؟ بۇل – مىنە، ۇلكەن ماسەلە. وسى ورايدا، ارينە، جۋرناليستەر قاۋىمى حالىقتى ۇرەيلەندىرمەي، قاۋىپ-قاتەردىڭ قانشالىقتى ەكەنىن دالەلدى زەرتتەۋلەرمەن اشىق ءارى تۇسىنىكتى جەتكىزۋى كەرەك، – دەدى ن.ءجۇسىپ.

جيىندا قر پارلامەنتى سەناتىنىڭ دەپۋتاتى ايگۇل قاپباروۆا فەيك اقپاراتتارعا تويتارىس بەرۋ، باق تۋرالى زاڭنىڭ ماڭىزدىلىعى جانە ساۋاتتى سپيكەرلەردىڭ قاتارىن ارتتىرۋ جونىندە ءسوز قوزعادى.

– پاندەميا كەزىندە اسا قاۋىپتى جاعدايدا قىزمەت ەتكەن دارىگەرلەر مەن قۇقىق قورعاۋ سالاسى قىزمەتكەرلەرىنىڭ قاتارىندا باق وكىلدەرى دە بولدى. ولار ءوز جۇمىستارىن ادال اتقارىپ شىقتى دەپ ويلايمىن. قازىرگى تاڭدا پارلامەنت سەناتىنا ەلىمىزدەگى اقپارات سالاسىن جەتىلدىرۋگە باعىتتالعان زاڭ جوباسى كەلدى. وعان سىزدەر دە وي قوسىپ، اتسالىسساڭىزدار دەيمىن. بۇگىندە بلوگەرلەردىڭ دە دايەكتى جازبالارى قوعامدى بەيجاي قالدىرمايتىن بولدى. ولاردىڭ مارتەبەسىن زەردەلەي وتىرىپ، ناقتىلاساق، بلوگەرلەردىڭ قۇقىقتىق جاۋاپكەرشىلىگى ارتىپ، زاڭمەن قورعالادى، – دەدى ا.قاپباروۆا.

قازاقستان جۋرناليستەر وداعى تۇركىستان وبلىستىق فيليالىنىڭ توراعاسى عالىمجان ەلشىباي الەمدى كوروناۆيرۋس ىندەتى جاۋلاعان ساتتە باق وكىلدەرىنە دارىگەرلەر مەن قاراپايىم حالىق اراسىنداعى اقپاراتتىق بايلانىستى جانداندىرىپ، كوپشىلىككە مەديتسينالىق تەرميندەردىڭ جاي-جاپسارىن كەڭىنەن ءتۇسىندىرۋ كەرەكتىگىنە نازار اۋداردى.

– پاندەميا كەزىندە سەنىمدى حاباردى اۋديتورياعا جەتكىزۋ ءۇشىن جۋرناليستەرگە دە كۇنى-ءتۇنى جۇمىس ىستەۋگە تۋرا كەلدى. ماسەلەن، الەمنىڭ 53 ەلىندە 500-گە جۋىق جۋرناليست كوروناۆيرۋستان كوز جۇمىپتى. كورونوۆيرۋستىڭ ەكىنشى تولقىنىنىڭ باستالۋى ينفودەميانىڭ، ياعني جالعان، ەل اراسىندا ۇرەي تۋدىراتىن اقپاراتتار ەپيدەمياسىنىڭ باستالاتىنىن بىلدىرەدى. ينفودەميانىڭ باستى قاۋپى جۇرتشىلىق جالعان مەن شىنايى اقپاراتتاردى اجىراتا الماي قالادى. مۇنداي جاعدايعا تۇسكەن ادام دارىگەرلەردىڭ كەڭەستەرىنە قۇلاق اسۋدى قويادى. ال بۇل بارىنەن دە قاۋىپتى، – دەدى ول.

كونفەرەنتسيا بارىسىندا قازاقستان جۋرناليستەر وداعىنىڭ توراعاسى سەيىتقازى ماتاەۆ پەن "BAQ KASIPODAQ" سالالىق كاسىپوداعىنىڭ توراعاسى زەيىن الىپبەك الەۋمەتتىك جەلىلەردە جالعان اقپاراتتارعا جول بەرمەس ءۇشىن ساراپتامالىق-تالدامالىق ماقالالارعا باسىمدىق بەرىلۋى قاجەتتىگىن اتاپ ءوتتى.

سونداي-اق تاقىرىپ اياسىندا ءسوز قوزعاعان قازاقستان جۋرناليستەر وداعى شىمكەنت قالالىق فيليالىنىڭ توراعاسى ءۋالي قىدىر، "تەمىرقازىق-وي" گازەتىنىڭ باس رەداكتورى اناركۇل سۇلەەۆا، "دياگنوز" گازەتىنىڭ باس رەداكتورى اسىلبەك دوسالى جانە "مەدياون" اقپاراتتىق پورتالىنىڭ جەتەكشىسى ماليكا ابداليەۆا قاۋىپتى ىندەتتەن ساقتانۋ بويىنشا وزدەرىنىڭ ۇسىنىس-پىكىرلەرىن ورتاعا سالدى.

جيىن بارىسىندا قاتىسۋشىلار تاراپىنان سالالىق جۋرناليستيكانى دامىتۋ ماسەلەسى دە كوتەرىلدى. وسى ورايدا قاتىسۋشىلاردى تىڭداعان شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان بۇل وزەكتى ماسەلەنى بىرلەسە شەشۋگە دايىن ەكەندىكتەرىن جەتكىزدى.

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار